Aımaqtar • 13 Aqpan, 2020

Almaty oblysy: Bıznesmender baspana satyp áperdi

22 retkórsetildi

Qapshaǵaı qalasynda «7-20-25» baǵdarlamasy boıynsha salynǵan «Teniz Towers» turǵyn úı kesheni qoldanysqa berildi. Jetpis páterden turatyn jańa keshen óńirdegi baspana muqtajdyǵyn sheshýge baǵyttalǵan eńbektiń jemisi.

Aıtpaqshy, bul joly óz shańyraǵyna qol jetkizgen adamdardyń qýanyshy tipten bólek boldy. Osy turǵyn úı kesheninen 30 páterdi jeke qarjysyna satyp alǵan belgili kásipkerler – Bolat Ábilev pen Oraz Jandosov jańa úılerdi muqtaj jandarǵa syıǵa tartty.

- Halyqtyń ál-aýqatyn arttyrýǵa oraı Almaty oblysynda naqty is atqarylýda. Turǵyn úıler bıýdjet qarjysynan paıdalanýǵa berilýde, bul ortaq iske bizdiń mesenat jerlesterimiz de zor úles qosyp keledi. О́tken jyly oblysta 894 myń sharshy metr turǵyn úı paıdalanýǵa berilgen, bul 2018 jylmen salystyrǵanda 25 paıyzǵa artyq. «Nurly jer», «7-20-25», «Baqytty otbasy» memlekettik baǵdarlamalarynyń nátıjesinde 2443 otbasy baspanaly bolsa, sonyń ishindegi 1779 otbasy – áleýmettik áljýaz toptar men kóp balaly otbasylar. Jalpy ótken jyly oblysta kóp balaly jáne az qamtylǵan otbasylardy qoldaýǵa 40 mlrd. teńge bólinse, bıylǵy jyly osy maqsatqa bıýdjetten 59 mlrd. teńge qarastyrylyp otyr. Al búgin biz oblysymyzda iri jobalardy júzege asyryp jatqan bıznesmenderdiń kóp balaly otbasylarǵa, jetim balalarǵa, múgedek jandarǵa óz qarajatyna 30 páter satyp alyp bergeniniń kýási bolyp otyrmyz, dedi qonys toıyn atap ótýge jınalǵan jurt aldyn sóılegen oblys ákimi Amandyq Batalov.

Al sóz kezegin alǵan qos mesenat – Bolat Abılov pen Oraz Jandosov turǵyndardy quttyqtap, bul ıgi is jalǵasyn tabatynyn aıtty.  

Búgin - bizdiń kompanııamyz úshin de mańyzdy kún. Biz jańa úıden 30 páter satyp alyp, adamdardy qýantqanymyzǵa rızamyz, dedi Bolat Ábilov.

Aıtpaqshy, Ábilov – Jandos tandemi Almaty oblysynyń ekonomıkasyna ınvestısııa salý isinde de ozyp tur. О́tken jyly qyrkúıek aıynda kásipkerlerdiń qarjysyna Qapshaǵaı qalasynyń mańynda kún elektr stasasynyń qurylysy aıaqtalyp, iske qosylǵan.

- Oblys basshysynyń, Qapshaǵaı qalalyq ákimdiginiń qoldaýynyń arqasynda Qapshaǵaı kún elektr stansasy tabysty jumys istep tur. Stansa jumysy sizderge qýanysh syılaý týraly oıǵa alǵan ıgi maqsattarymyzdyń oryndalýyna múmkindik jasady, - deıdi Oraz Jandosov.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar