Sport • 13 Aqpan, 2020

«Ordabasy» komandasynyń sapyna jańa oıynshylar qosyldy

265 retkórsetildi

Túrkııada oqý-jattyǵý jıyndarynyń birinshi kezeńin aıaqtap jatqan «Ordabasy» fýtbol klýbynyń prezıdenti Baqtııar Baıseıtov komandanyń maýsymǵa daıyndyǵymen tanysyp, synaqta júrgen bir qatar fýtbolshylarmen kelisim-sharttar jasady.

Quramaǵa alynǵan ár bir fýtbolshy joǵary talaptarǵa saı kelgen oıynshylar. Olardyń qatarynda mynadaı fýtbolshylar bar: «Ordabasy» fýtbol klýby qorǵaýshy Aleksandr Kleshenkomen kelisim-shart jasasty. 25 jastaǵy qorǵaýshy buǵan deıin reseılik «Alanııa», «Kýban», «Tom», «Enıseı» klýbtarynda óner kórsetti. Sondaı-aq Qazaqstanda qostanaılyq «Tobyl» komandasynda baq synady.

Al, serbııalyq Aleksandr Sımchevıch «Ordabasyǵa» qaıta oraldy. Ol qazaqstandyq jankúıerlerge jaqsy tanys. El chempıony 33 jastaǵy serbııalyq qorǵaýshy buǵan deıin de «Ordabasy» sapynda óner kórsetken bolatyn. Qazaqstan chempıonatynda «Shahter», «Aqtóbe» jáne «Taraz» komandalarynda oınap, óz myqtylyǵyn tanytty. Sımchevıchtiń kóp qyrynyń biri, aýtqa ketken dopty oıynǵa qosýdyń sheberi. Jáne alańnyń qaı buryshynda da oınaı beretin kópsalaly fýtbolshy.

Maı Mahlangý - «Ordabasynyń» oıynshysy Ońtústik Afrıka respýblıkasynan kelgen jartylaı qorǵaýshy 31 jastaǵy Maı Mahlangý ótken jyly «Ordabasy» sapyna jalǵa alynǵan edi. Endi klýbpen jańa kelisimge qol qoıyp, shymkenttik fýtbolshy retinde óner kórsetedi. О́tken maýsymda Mahlangý «Ordabasy» quramynda 29 match ótkizip, 3 gol salyp, 2 nátıjeli pas berdi. OAR ulttyq quramasy sapynda óner kórsetip 19 matchta, 2 gol saldy. «Ordabasy» qaqpasyn Vladımır Plotnıkov qorǵaıdy.

34 jastaǵy elimizge tanymal Vladımır Plotnıkov Almaty fýtbolynyń tárbıelenýshisi. Fýtboldaǵy alǵashqy mansabyn «Taraz» komandasynda bastady. Odan ári «Sesna», «Qaırat», «Atyraý», «Jetisý» komandalarynda óner kórsetti. Qazaqstan ulttyq quramasynyń sapynda 2 match ótkizdi. Qaqpashylardyń baǵy otyzdan asqannan keıin ashylyp jatatynyn eskersek Plotnıkovtyń ózin kórsetetin kezi kelip jetken sekildi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar