13 Aqpan, 2020

Ál-Farabıdiń ustazdyq tujyrymdamasy taqyrypqa arqaý boldy

60 retkórsetildi

Almatydaǵy ál-Farabı atyndaǵy Qazaq Ulttyq ýnıversıtetinde 12-13 aqpanda «Bilim berýdi sıfrlandyrýdaǵy ál-Farabıdiń pedagogıkalyq tujyrymdamasynyń zamanaýı ınterpretasııasy» taqyrybynda halyqaralyq ǵylymı-ádistemelik konferensııa ótti. Uly ustaz ál-Farabıdiń 1150 jyldyq mereıtoıyna oraı uıymdastyrylǵan ǵylymı-ádistemelik konferensııa bilim berýdi sıfrlandyrý jaǵdaıynda joǵary mektep pedagogynyń quzyrettiligin jetildirý boıynsha tájirıbe almasýdy qarastyrdy.

Konferensııa barysynda «Onlaın-kýrstardy oqý úderisine biriktirý. Pedagogıkalyq ssenarıı ázirleý ádistemesi» jáne «Pedagog kadrlardy daıarlaýdaǵy JOO men orta mekteptiń ózara is-áreketteriniń jańa úlgileri» taqyryptarynda sheberlik-klastary ótkizildi.

Sonymen birge ýnıversıtet fakýltetterinde «Qazirgi jaǵdaıdaǵy JOO túleginiń quzyrettilik modeli», «Bilim berýdi sıfrlandyrý jaǵdaıyndaǵy JOO oqytýshysynyń quzyrettilik profıli», «JOO oqytýshylaryn oqytý jáne attestattaý júıesi», «JOO oqytýshylarynyń peagogıkalyq qyzmetin yntalandyrý mehanızmi», «Bilim berý úderisindegi jańa aqparattyq tehnologııalar», «Kadrlardy daıarlaýdaǵy orta jáne joǵary bilim berýdiń ózara is-áreketiniń jańa formalary» syndy negizgi baǵyttar boıynsha pikirtalas alańdary men dóńgelek ústelder ótkizildi.

Máselen, hımııa ǵylymdarynyń kandıdaty M.I.Tólepov moderator bolǵan «Bilim berý úderisindegi jańa aqparattyq tehnologııalar» seksııasynda Hımııa jáne hımııalyq tehnologııalar fakýltetiniń oqytýshy-professorlar quramy jáne jumys berýshiler ókili qatysyp, seksııada bes baıandama tyńdaldy. Jıyn sońynda qatysýshylar bilim berý úderisine jańa aqparattyq tehnologııalardy endirý jumys berýshiniń tikeleı qatysýymen júzege asýy tıis degen qorytyndyǵa kelip, taǵy da birneshe máseleler boıynsha rezolıýsııalar qabyldady.   

QazUÝ túlekteriniń quzyrettilik modelin ázirleý negizinde suranysqa ıe bilim berý baǵdarlamalaryn qurýdaǵy jumys qaı deńgeıde? Onyń oń damýynyń odan arǵy barysyn ne anyqtaıdy? Qazirgi ýaqytta bilim berý, óndiris jáne bıznestiń ózara is-qımyl prosesi qandaı problemalarǵa tap bolyp otyr? Eńbek naryǵynda qazirgi zamanǵy túlekter qandaı erekshe atrıbýttarǵa ıe bolýy tıis? Ǵylymı-ádistemelik konferensııa barysynda qazirgi bilim berý úrdisiniń osy jáne basqa da ózekti máseleleri talqyǵa tústi.

Perızat ÚRKIMBAEVA,

hımııa jáne hımııalyq tehnologııa fakýltetiniń dosenti

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar