Aımaqtar • 13 Aqpan, 2020

Qobda aýdanynda AÁK qarajatyn tıimdi paıdalanýdyń oń mysaldary mol

164 retkórsetildi

El-jurt ishinde memleket tarapynan tólenetin ataýly áleýmettik kómekti (AÁK) tegin, ánsheıin kelgen nársedeı kórip, ony qalaı bolsa solaı, ondy-soldy jumsap júrgender kezdesip qalady. Áleýmettik-qarjylaı qoldaýdyń qadir-qasıetin baǵalaı bilmeýdiń, jáne otbasy tabysyn tolyqtyrýǵa moıyny jar bermeýdiń basty kórinisi osy da. Muńdaı jaǵdaıda olardyń kedeıshilik sheginen shyǵa qoıýy ekitalaı.

Kerisinshe eldiń sheti men jeldiń ótinde turatyn turǵyndar arasynda birdi eki etýge umtylyp, AÁK-ni tıimdi túrde jumsaýdyń tetikterin taba bilgen turmysy tómen otbasylar da jetkilikti. Atap aıtqanda munyń oń mysaldary Qobda aýdanynda kóptep tabylady. Munda ótken jyldyń qorytyndylary boıynsha jasalǵan saraptamalarǵa súıensek 286 otbasyǵa 154 mıllıon teńge kóleminde AÁK tólengen. Mine, sonyń ishinde 196 otbasy alǵan qarjylaı kómekteriniń birde-bir teńgesin shashaý shyǵarmaı óz kásipterin ashýǵa jumsaǵan.

Bul turǵyda aýyl ákimderi turǵyndardyń ózderine tıesili AÁK-ni tıimdi túrde jumsaı bilýine túrtki, uıytqy bola bilgenderi de quptaýǵa turarlyq másele. Sóıtip, júzdegen shańyraqtarda shaǵyn otbasylyq sharýashylyqtyń negizi qalanǵan. Jýrnalıstik taldaýlar men zertteýler barysynda turmysy kedeıshilik sheginen tómen otbasylardyń múıizdi iri-qara men qoı-eshki sekildi usaq maldar jáne qaz, úırek, kúrketaýyq qustaryn satyp alǵanyna kóz jetkizdik. 

Endigi kezekte naqty mysaldarǵa toqtalsaq, az qamtylǵan kóp balaly otbasy ıeleri, erli-zaıypty jandar Muzdaqbaı Jetegenov pen Dınara Shyndaýylova 620 myń teńge kólemindegi AÁK qarajatyna 1 bas iri múıizdi qara jáne 10 bas usaq mal satyp alyp, jeke qosalqy sharýashylyǵyn qurypty. Buǵan deıin Dınara negizinen bes balanyń tárbıe kútimimen aınalysyp kelgen eken. Munyń syrtynda ómir boıy taýsylyp bolmaıtyn áıeldiń úıdegi sharýasy men kúıki tirshiligi qanshama deseńizshi!?

Degenmen ol sonyń bárine ýaqyt taýyp kelipti. Aldaǵy ýaqytta qosalqy sharýashylyǵymyzǵa qaraılasý maǵan qıyndyq keltirmeıdi. О́ıtkeni ul-qyzdarymyz bir-birine súıenish, taıanysh bolatyndaı kezge jaqyndap, ósip keledi deıdi D. Shyndaýylova. Al otbasy ıesi aýdandyq bilim bóliminde gaz qazandyǵynyń operatory bolyp jumys jasaıdy. Onyń alatyn jalaqysynyń mólsheri bes balany ósirip asyraýǵa múmkindik bermeı kelipti. Osy oraıda olar ózderine memleket tarapynan ataýly áleýmettik kómek taǵaıyndalǵanyna dán rıza.

Osyǵan uqsas taǵy bir turmysy tómen qobdalyq otbasy týraly aıta ketsek. Qaırat Qaıroshuly men Aınar Sabyrqyzynyń aty-jónderi aýyzǵa oralady. Amandyq-saýlyqtan soń kóńilge túıgenimiz otbasy ıesi «Ersin»  jeke kásip ıeliginde qarapaıym jumysshy bolyp qyzmet atqarady eken. Zaıyby Aınar bala kútiminde kórinedi. Olar AÁK-tiń 750 myń teńge kólemindegi qarajatyna úsh sıyr satyp alyp, jeke qosalqy sharýashylyǵyn qurypty. Mundaı mysaldar jetkilikti. Qobda aýdanynda eńbekqor, tabandy, jumys dese janyn beretin jandar qatary tek munymen shektelmeıdi.

Grant alyp, jeke kásipterin ashqandar olardyń sanyn tolyqtyra túsedi. Bul tigin, aıaq-kıim jóndeý jáne jıhaz jınaý sehtary, sondaı-aq azyq-túlik dúkenderi. Násibin osyndaı adal eńbek, mańdaı termen aıyryp otyrǵan, súıtip óz otbasylaryn jetkilikti tabyspen qamtýǵa jol asha bilgen turmysy tómen otbasylar tıisti qurmetke de laıyqty bola alady demekpiz. Memleket tarapynan taǵaıyndalǵan AÁK men granttar tek osyndaı jaǵdaıda teke ketpeı, qaıtarym koefısıentin kótere alary anyq.

    - Mundaı sanattaǵy ata-analar óz kindikteri men qursaǵynan taraǵan perzentterine qurǵaq sóz kúıinde emes, naqty is júzinde úlgi-ónege kórsete alady. Sonymen bir mezgilde otbasy bıýdjeti men qorjynan tolyqtyrý isi de óz sheshimin tabady. Bizdiń basty paryzymyzdyń biri – dál osyndaı sanattaǵy shańyraq ıelerine udaıy qoldaý kórsetý dep bilemiz. Kóńilge bir medeı tutarlyq jaıt, aýdanymyzda mundaı otbasylardyń qatary jyl saıyn kóbeıip keledi, - dedi bul jóninde gazet tilshisine Qobda aýdanynyń ákimi Meırambek Shermaǵanbet.

Laıym da solaı bola bergeı!

 

Aqtóbe oblysy

Qobda aýdany

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar