Hokkeı • 14 Aqpan, 2020

«Barys» 3:2 esebimen basym tústi

185 retkórsetildi

Búgin elordalyq «Barys» qurlyqtyq hokkeı lıgasynda Reseıdiń SSKA komandasymen kezdesti. 

Osyǵan deıingi oıyndarda reseılik armııashylar jalpy týrnır kestesinde jeke-dara kósh bastap keledi. Olardyń enshisinde 56 oıynnan keıin 86 upaı bar. Al jetinshi oryndaǵy «Barys» 75 upaıdy qanjyǵasyna baılaǵan bolatyn.  

Komandanyń qarsylastary adýyndy kúsh synasýǵa daıyndalyp kelgendeı. Osyǵan qaramastan, «Barys» qarsylasynan qaımyqqan joq. Oıynnyń alǵashqy sátterinen bastap laıyqty oıyn kórsetti. Reseılik komandanyń qaqpasyna jıi shabýyldap, qarsylastardan basym túse bastady.   

Esepti armııashylar ashty. Oıynnyń 12-mınýtynda reseılik hokkeıshi Sergeı Tolchınskıı komandanyń qorjynyna upaı qosty. 18-mınýtta «Barys» sapynan Korban Naıt esepti teńestirdi. 

Ekinshi kezeńde qazaqstandyq komandanyń basymdyǵy baıqalyp turdy. Gol soǵatyn sátterde hokkeıshilerimizdiń múlt ketken jerleri de boldy. Al 35-mınýtta Lınýs Vıddel «Barys» komandasyn alǵa shyǵardy.

Oıynnyń úshinshi kezeńinde SSKA hokkeıshileri oıyn tizginin óz qolyna alýǵa tyrysty. Nátıjesinde 48-mınýtta Klas Dalbek «Barys» qaqpasyna gol saldy. Al 53-mınýtta elordalyq Darren Dıs ózine berilgen múmkindigin jibermeı, esepti alǵa shyǵardy. «Barys» SSKA komandasynan 3:2 esebimen basym tústi. Elordalyq klýb bes oıyn qatarynan jeńiske jetip keledi. Osy jeńisten keıin qazaqstandyq komanda jalpy týrnır kestesinde altynshy orynǵa kóterildi.

Aldaǵy aptada «Barys» elordada úsh kezdesý ótkizedi dep josparlanýda. 15 aqpanda – Reseıdiń «Sochı», 18 aqpanda – «Sıbır» (Novosibir) jáne 21 aqpanda – «Salavat Iýlaev» (Ýfa) klýbtarymen kezdesedi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar