Qoǵam • 14 Aqpan, 2020

Bıyl halyq sanaǵy júrgiziledi

98 retkórsetildi

Bıyl elimizde Ulttyq halyq sanaǵy júrgiziledi. Tehnıkalyq jaǵdaılarǵa baılanysty bir jyl keshigip atqa­rylǵaly otyrǵan aýqymdy is-shara 2009 jylǵy kemshilikterdi qaıtalamaıdy. Sondaı-aq sanaqty qaǵazsyz júrgizý qarastyrylǵan. Bul týraly keshe Prezıdent janyn­daǵy Ortalyq kommýnıkasııalar qyzmetinde ótken baspasóz máslıhatynda Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov aıtty.

Komıtet tóraǵasynyń aı­týynsha, halyq sanaǵy shart­ty eki kezeńnen turady. 1-30 maýsym aralyǵynda óte­­tin daıyndyq kezeńinde ınter­vıýerler turǵyn úı­ler men turǵyn emes úı-jaı­lar­dyń, qurylystardyń, son­­daı-aq ondaǵy turatyn tur­ǵyndardyń naqty sanyn anyqtaý maqsatynda árbir eldi mekendi aralap shyǵady. Iаǵnı, bul kezde sanaqtyq aýdan­dastyrýǵa daıyndyq júr­­­giziledi. Al sanaqtyq aýdan­­dastyrý degenimiz – óńir­­­degi árbir eldi mekenniń aýma­­ǵyn sanaqtan ótkizý úshin nusqaýshylyq jáne eseptik ýchas­kelerge bólý.

Sanaqtyń negizgi kezeńi qazan aıynyń 1-i men 30-y aralyǵyna josparlanǵan. Al­ǵashqy 15 kúnde ınternet-saýaldama júrgiziledi. «2009 jyly Ulttyq halyq sanaǵy kezinde bolǵan qate­lik­terdi eskerdik. Bıylǵy sanaq barlyq talaptarǵa saı ótedi. Birinshi erekshelik, qa­ǵazben jumys isteý bolmaıdy. Saýaldama jaýaptary planshetke engiziledi. Ekinshi erekshelik, ıntervıýerlerdi úıine kirgizýdi qalamaıtyn adam sanaq.gov.kz arna­ıy saıtyna kirip, sanaq paraq­taryn óz betimen toltyra alady. Bul óte yńǵaıly. Biz ıntervıýerlerdiń qaýipsizdigi úshin oblystyq ákimdiktermen jumys istep jatyrmyz. Keı­bir aýdandardy ıntervıýerler ýchaskelik polısııalarmen birge aralaıdy», dedi Nur­bolat Aıdapkelov.

Halyqqa saýaldama júr­gizý barysynda respon­dent­ti sáıkestendirý úshin adam­nyń JSN-i paıdalanylady. Saýaldama aıaqtalǵanda halyq sanaǵynan ótkeni týraly anyq­tama beriledi.

Nurbolat Aıdapkelov tike­leı halyq sanaǵyn ótki­zý kezeńinde ýaqytsha sa­naq personaly retinde (nus­qaýshy-baqylaýshylar, ıntervıýerler) 32,5 myń adam jumysqa tartylatynyn jet­kizdi. «Sanaq júrgizetin azamattarǵa qoıylatyn talaptar: bastamashyl, jaýap­ty, tez til tabysqysh 18 jas­tan asqan Qazaqstan azamaty bolýy kerek. Jumys ótili men kásibı bilimine talaptar qoıylmaıdy, tek planshetpen jumys isteı bilýi kerek. 30 kúnge qyzmet kór­setilgen kezde daıyndyq ke­zeńiniń ıntervıýerine 75 743 teńge, negizgi kezeń ın­ter­vıýerlerine 94 678 teńge tóleý josparlanǵan. Al 45 kún qyzmet etken daıyndyq jáne negizgi kezeńderdiń nus­qaýshy-baqylaýshysyna 113 614 teńge aqy tólenbek», dedi ol.

Komıtet tóraǵasynyń aıtýynsha, 2018 jyldan bas­tap 2022 jyl aralyǵynda Qazaqstanda Ulttyq halyq sanaǵyna daıyndyq jáne ótkizý úshin bıýdjetten 8 mlrd 211 mln teńge qarjy qa­rastyrylǵan. «Bıýdjettiń negizgi bóligi – 3 mlrd 7 mln teńge ıntervıýerlerdiń eń­begine tólenedi. Onlaın resýrs pen aqparattyq júıege de qarjy ketti. Odan keıin árbir oblys ortalyqtarynda sanaq júrgizý bólimderin ashtyq. Aýdan, aýyldarda sanaq júrgizý úshin kólik jaldaıtyn bolamyz. Shamamen 1 mlrd teńgege planshetter, sýmkalar, sharftar satyp aldyq. Bul týraly málimetter saıtta ashyq kórsetilgen», degen N.Aıdapkelov turǵyn úılerge barǵan kezde ıntervıýerlerde halyq sanaǵynyń logotıpi bar kýálik, sómke, sharftyń bolýy mindetti ekenin eskertti.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar