Aımaqtar • 14 Aqpan, 2020

Jańa formattaǵy mamandar ázirleıdi

63 retkórsetildi

Respýblıka Prezıdenti Qasym-Jomart Toqaev memlekettik basqarý júıesine ádil báseke negizinde oǵan ábden laıyqty bilimdi de bilikti azamattardyń kelýi kerek ekendigin atap kórsetkeni málim. Memleket basshysynyń paıymdaýynsha, kadrlerdi irikteý men ornalastyrýdyń budan ózge baǵyty bolmaýǵa tıis. О́z kezeginde bul ustanym básekege qabiletti, sapalyq deńgeıi joǵary mamandardy daıarlaý qajettiligin týǵyzady.

Osy oraıda Q.Jubanov atyndaǵy Aqtóbe óńirlik memlekettik ýnıversıtetinde jańa formattaǵy mamandar men kadrler ázirleý isi qolǵa alynǵan. Buǵan Aqtóbe oblystyq memlekettik qyzmet isteri departamenti bastamashy bolyp otyr. Sóıtip atalǵan joǵary oqý ornynda «Menedjment» mamandyǵy aıasynda HR menedjerlerin oqytý traektorııasy belgilengen. Bul jóninde ekonomıka jáne menedjment kafedrasynyń meńgerýshisi Aıgúl Qurmanalına óz oı-pikirin tómendegishe túıindedi.

-Bolashaq mamandardy jańa formattar deńgeıine saı ázirleý úrdisi «Adam resýrstaryn basqarý» dep atalǵan jańa turpataǵy oqytý baǵdarlamasyna negizdelegen . Soǵan sáıkes, bıylǵy jyldan bastap atalǵan mamandyqty ıgerýge ynta-beıimi bar talapkerlerdi synnan ótkizýdi oılastyryp otyrmyz.

Onyń tujyrymynan taǵy bir kóńilge túıgen jaıt – atalǵan oqý baǵdarlamasy stýdentterdi personaldy qyzmetke beıimdeý baǵyttaryna basymdyq bermek. Jańa istiń basy-qasynda júrgender onyń ózegine búgingi memlekettik saıasattyń basym baǵyttaryn tolyq ári jan-jaqty meńgergen, mansaptyq ósý men basqara bilý isinde óz boıyndaǵy kóshbasshylyq qasıetterin tanyta bilgen mamandar ázirleý erekshelikteri tán ekenin málimdep otyr.

 

AQTО́BE

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar