Aımaqtar • 14 Aqpan, 2020

Ádep normalaryn buzatyndar azaıyp keledi

53 retkórsetildi

Kúndelikti ómir men turmysta, qoǵamdyq orta men qarym-qatynastar jasaý kezinde ádep normalaryn saqtaı bilgen adamnyń mereıi qashan da ústem. Al, memlekettik qyzmetshilerge qatysty alǵanda bul máseleniń salmaǵy tipten joǵary deýge bolady. Qısyq, qyńyr, dóreki minez-qulyq tanytý memlekettik qyzmet talaptarymen múldem syıyspaıdy. Bir jaqsysy sońǵy jyldary Aqtóbe oblysyndaǵy jergilikti jáne ortalyq memlekettik organdar aýmaqtyq bólimsheleri memleketttik qyzmetkerler arasynda ádep normalaryn buzý kórinisteri azaıyp keledi eken.

Aıtalyq, Aqtóbe oblystyq memlekettik qyzmet isteri departamentinen alynǵan derekter 2018 jylmen salystyrǵanda ádep normalaryn aıaqqa basqandar sany 28 paıyzǵa azaıǵanyn kórsetedi. Sonymen birge osy ýaqyttyń aralyǵynda memlekettik qyzmetke kir keltirip, teris qylyqtar tanytqan qyzmetshilerdiń qatary 35 paıyzǵa tómendepti.

Mundaı jaǵymdy jaıttyń ornyǵa bastaýyna birinshiden, memlekettik qyzmetshilerdiń ózin-ózi tárbıeleýge baǵyt ustap, sana-sezim, tanym-túsinikterin tereńdete túskeni áser etse, ekinshiden, atalǵan departament tarapynan júrgizilgen aldyn-alý sharalary da jaǵdaıdyń jaqsara túsýine eleýli yqpalyn tıgizdi deýdiń ábden jóni bar.

-Atalǵan óreli ózgeristerdiń aýqymy keń. Onyń sheńberin aımaqtyq-provınsııalyq turǵydan taryltyp jiberýge múldem bolmaısdy. Bir sózben aıtqanda, memlekettik qyzmetshilerdiń arasynda parasattylyq kórinisteri beleń alýy búgingi qazaqstandyq qoǵamnyń belsendi azamatttyq ustanymyna da baılanysty. Sonymen birge buǵan elimizdegi buqaralyq aqparat quraldarynyń da tıgizgen áserin joqqa shyǵara almaımyz, dedi bul jóninde joǵaryda atalǵan Aqtóbe oblystyq memlekettik qyzmet isteri departamentiniń basshysy Ádilbek Muqashev

Árıne, ádep normalaryn buzatyndar azaıdy degen sóz memlekettik qyzmetshiler tarapynan týyndap qalatyn teris minez-qulyqtar múldem joıyldy degen uǵymdy bildirmeıdi. О́mir bolǵan soń, qyzmet bolǵan soń mundaı jáıtter kezdespeı turmaıdy. Bul jóninde óńirlerdegi ádep jónindegi keńesterdiń otyrystary oryn alyp qalyp júrgen olqylyqtar men ústirttikterdi retke keltirýge yqpal jasaı bilse, nur ústine nur.

Osy keńesterde memlekettik qyzmetshilerge qatysty qaralǵan  tártiptik isterdiń sapalyq deńgeıin kótere bilýdiń de orny aıryqsha. Sondaı aq keńes otyrystary kezinde tártiptik jaýapkershilikke tartylǵan memlekettik qyzmetshilerdiń ádep normalaryna sáıkespeıtin teris is-qımyldarynan onyń ózge áiriptesteri tıisti sabaq ala alsa, munyń ózi de ómirsheńdiktiń bir kórinisi bolmaq. Aqtóbe oblystyq memlekettik qyzmet isteri departamenti ujymynyń búgingi is-qımyldary osy arnaǵa baǵyttalǵan.

                                                                 

AQTО́BE

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar