Prezıdent • 14 Aqpan, 2020

Memleket basshysy Germanııada birqatar máseleni talqylaıdy

68 retkórsetildi

Búgin Germanııa Federatıvtik Respýblıkasynyń Mıýnhen qalasynda adamzat qaýipsizdigi máseleleri talqylanatyn saıası mańyzdy sharalardyń biri – Mıýnhen qaýipsizdik konferensııasy 56-ret ótkiziledi. Osy oraıda Memleket basshysy Qasym-Jomart Toqaev Bavarııa astanasyna 2 kúndik jumys saparymen keldi.

Sapar barysynda Prezıdent Q.Toqaev konferensııa aıasynda ótetin paneldik pikirtalasqa qatysady. Sonymen qatar álemdik kóshbasshylarmen, halyqaralyq uıymdardyń, Germanııanyń iri kompanııalarynyń jetekshilerimen, sondaı-aq halyqaralyq qatynastar salasyndaǵy bedeldi sarapshylarmen birqatar ekijaqty kezdesýler ótkizedi dep kútilýde.

Erteń aımaqtyq qaýipsizdik suraqtary talqylanatyn pikirtalasqa qatysyp, «Geografııalyq ornalasýdyń mańyzy: Ortalyq Azııa týraly áńgime» taqyrybynda sóz sóıleıdi.

Qasym-Jomart Toqaev bıylǵy jıynǵa Memleket basshysy retinde birinshi ret qatysyp otyr. Buǵan deıin 2015, 2017, 2018, 2019 jyldary Senat Tóraǵasy retinde qatysqan bolatyn.

56-basqosýdy Germanııanyń Federaldy Prezıdenti Frank-Valter Shtaınmaıer ashady dep kútilýde. Sonymen birge Nıderland, Danııa, Gresııa, Ýkraına, Ázirbaıjan men Túrkııa Prezıdentteri, 100-den astam saıası jáne qorǵanys vedomstvolarynyń jetekshileri keledi dep josparlanǵan.

Qaýipsizdik jónindegi 56-shy Mıýnhen konferensııasynyń kún tártibinde álemdik damýdyń jáne jahandyq qaýipsizdiktiń ózekti máseleleri qarastyrylady. Konferensııaǵa qatysýshylar saýda soǵystary men sanksııalar problemalaryn, Taıaý Shyǵystaǵy ahýaldy, Eýropalyq odaqpen, AQSh-pen, Reseımen, Qytaımen jáne basqa da eldermen aradaǵy ózara qatynastardy, Eýropadaǵy qaýipsizdiktiń syn-qaterlerin, Eýropalyq odaq pen NATO-nyń keleshegin, sondaı-aq, kıberqaýipsizdik pen densaýlyq saqtaý salalaryndaǵy qazirgi zamannyń qaýip-qaterlerin, jalǵan aqparatpen kúres jáne basqa da máselelerdi talqylaıdy.

 

Mıýnhen, Germanııa

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Uqsas jańalyqtar