Tehnologııa • 14 Aqpan, 2020

Almatyda Nazarbaev Zııatkerlik mektepteriniń tájirıbesin taratý máselesi qaraldy

66 ret kórsetildi

Búgin Almaty qalasy ákiminiń orynbasary E.Babaqumarovtyń tóraǵalyǵymen qaladaǵy fızıka-matematıka baǵytyndaǵy Nazarbaev Zııatkerlik mektebi Qamqorshylyq keńesiniń otyrysy ótti.

Jıynǵa «Nazarbaev Zııatkerlik mektepteri» DBBU Basqarma tóraǵasy K.Shámshıdınova men Qamqorshylyq keńes músheleri – Almaty qalasy Bilim basqarmasynyń basshysy L.Jylqybaeva, Almaty qalasy máslıhatynyń depýtaty A.Nábıev, Almaty qalasy «Fızıka-matematıkalyq baǵyttaǵy Nazarbaev Zııatkerlik mektebi» fılıalynyń dırektory J.Súleımenova, AlmaU ýnıversıtetiniń negizin qalaýshy jáne prezıdenti A.Qojahmetov, «Ulttyq aýdarma bıýrosy» qoǵamdyq qorynyń dırektory R.Kenjehanuly qatysty.
Otyrys barysynda mekteptiń 2019 jyldyń damý qorytyndysy shyǵaryldy, sondaı-aq bilim berý qyzmetteriniń sapasyn odan ári arttyrý, materıaldyq-tehnıkalyq bazany jańǵyrtý jónindegi josparlar qaraldy. Búgingi tańda NZM Almaty fılıalynyń oqýshylary respýblıkalyq jáne halyqaralyq olımpıadalarǵa belsendi qatysady: 600-ge jýyq oqýshy jeńimpaz jáne júldeger atandy, 358-i ǵylymı jarystar men konkýrstarda jeńiske jetti.

Nazarbaev Zııatkerlik mektebiniń bilim berý tájirıbesin qalalyq mektepterge taratý men barlyq oqýshylar úshin NZM tehnologııalarynyń qoljetimdiligin arttyrý máselesine erekshe nazar aýdaryldy. 23 jetekshi mektep NZM júıesi boıynsha sabaq berýge kóshti. Almaty ákimdiginiń bastamasymen 2019 jyldyń qyrkúıek aıynan bastap pılottyq joba aıasynda NZM standarttary qalanyń shalǵaıdaǵy 8  mektebinde engizilip otyr. №7, №195, №186, №193, №184 mektepterde semınarlar, master-klastar, ashyq sabaqtar uıymdastyryldy.

Sonymen qatar daryndy oqýshylardy qoldaýdyń jańa sharalaryn engizý, sondaı-aq bilim berý qyzmetine, ásirese fızıka-matematıkalyq, ınjenerlik baǵyttar boıynsha jáne hımııa, robototehnıka, baǵdarlamalaý salasynda jańa IT sheshimderin engizýdiń keleshegi talqylandy. Bul sharalar oqýshylardyń básekege qabilettiligin arttyrýǵa jáne eńbek naryǵynyń ózgermeli talaptaryna daıyndaýǵa múmkindik beredi.

Talqylaý qorytyndysy boıynsha ákimniń orynbasary, Almaty qalasyndaǵy fızıka-matematıkalyq baǵyttaǵy Nazarbaev Zııatkerlik mektebi qamqorshylyq keńesiniń tóraǵasy E.Babaqumarov Qazaqstannyń Tuńǵysh Prezıdenti – Elbasy N. Nazarbaev atyndaǵy mektepterde ulttyq bilim berý sapasyn arttyrý úshin barlyq jaǵdaı jasalǵanyn atap ótti. Qala ákimdigi óz kezeginde bilim berý ınfraqurylymynyń sapasyn odan ári jaqsartý boıynsha qajetti qoldaý sharalaryn kórsetedi.

Sonymen qatar Qamqorshylyq keńes músheleri mekteptiń kabınettik qory men ǵylymı bazasynyń jumysyn tekserip, zerthanalar, fızıka, hımııa, robototehnıka kabınetteri, oqý telestýdııasy, oranjereıa, kitaphanalardy kórip shyqty.

Sońǵy jańalyqtar

Rıdder qalasynyń jańa ákimi taǵaıyndaldy

Taǵaıyndaý • Búgin, 16:48

Bastaýdaǵy bereke

Aımaqtar • Búgin, 15:48

Qumdaǵy turaq qazanda qazylady

Aımaqtar • Búgin, 15:08

Tutastyqtyń tuǵyr dińi

Aımaqtar • Búgin, 14:57

"Damýmen" birge damıdy

Aımaqtar • Búgin, 13:30

Asar shaǵynaýdanynda 100 otbasy jumyspen qamtyldy

Ońtústik Qazaqstan • Búgin, 10:31

Ombyda Abaı úıi ashyldy

Abaı • Búgin, 10:20

Nobel syılyǵy onlaın tabystalady

Álem • Búgin, 09:46

Altyn arzandaıdy

Álem • Búgin, 09:40

23 qyrkúıekke arnalǵan aýa raıy boljamy

Aýa raıy • Búgin, 09:27

Qazaqstanda 76 adamnan koronavırýs anyqtaldy

Koronavırýs • Búgin, 09:05

Eń úzdik bestikte

Kásipqoı boks • Búgin, 07:58

Álem chempıonatyna qatysady

Sport • Búgin, 07:52

Týrnırdi jeńispen bastady

Tennıs • Búgin, 07:50

Uqsas jańalyqtar