Prezıdent • 14 Aqpan, 2020

Prezıdent BayWa AG kompanııasynyń tóraǵasy Klaýs Iozef Lýtspen kezdesti

40 retkórsetildi

Germanııa Federatıvtik Respýblıkasynyń Mıýnhen qalasynda ótetin Mıýnhen Qaýipsizdik Konferensııasy qarsańynda Memleket basshysy Qasym-Jomart Toqaev BayWa AG kompanııasynyń Basqarma tóraǵasy Klaýs Iozef Lýtspen kezdesti.

Prezıdent Q.Toqaev Germanııaǵa Mıýnhen qaýipsizdik konferensııasyna qatysý úshin kelgenin aıtyp, konferensııa qarsańynda birqatar sheteldik kompanııamen kezdesý ótkizetinin málimdedi.

Klaýs Iozef Lýts óz kezeginde Prezıdentpen kezdeskenine qýanyshty ekenin aıta kele, kompanııasyn tanystyryp ótti. Bıyl 100 jyldyq mereıtoıyn toılap jatqan kompanııa energetıka salasynda jumys isteıtinin jetkizdi. Klaýs Iozef Lýtstiń aıtýynsha, kompanııa búginde Birikken Arab Ámirlikterimen de birlesip jumys isteýde.

BayWa AG – Eýropadaǵy eń iri kompanııalardyń biri. BayWa AG holdıngi álemniń 14 elinde qyzmet kórsetedi. 1923 jyly qurylǵan kompanııanyń bas keńsesi Mıýnhende ornalasqan.

Onyń jumysynyń negizgi baǵyttary aýyl sharýashylyǵyn, energetıkany, qurylys materıaldaryn, ınnovasııalar jáne fermerlik sharýashylyqty sıfrlandyrýdy qamtıdy. Atap aıtqanda, aýyl sharýashylyǵy salasynda tyńaıtqyshtardy, ósimdikti qorǵaý zattaryn, tuqym jáne jem-shóp ónimderin naryqqa shyǵarady. Sonymen qatar aýyl sharýashylyǵy jabdyqtaryn ótkizedi.

Energetıka salasynda kompanııa mazýt, eko-energııa ónimderin jetkizýmen aınalysady. Germanııa men Aýstrııa aýmaǵynda janarmaı quıý stansalary jelilerin qurǵan. Jańaratyn energııa kózderi salasynda kún, jel jáne geotermaldy energııa jobalaryn óndirýshi ári basqarýshy retinde tanymal.

Al qurylys salasynda nysandardy salý, jóndeý ári jańartý boıynsha qyzmetter usynady.

2018 jyly BayWa AG kompanııasynyń aqsha aınalymy 16,6 mlrd eýrony qurady. Álem boıynsha 260 enshiles kompanııalarda 17 myńǵa jýyq adam qyzmet etýde.

Belgili bolǵandaı, kompanııa aýyl sharýashylyǵy men energetıka ári qurylys salalarynda  óz ókildikterin, servıs-ortalyqtaryn  ashý arqyly Ortalyq Azııa elderiniń naryǵyna kirýge múddeli bolyp otyr. Munymen qosa, olar Nazarbaev Ýnıversıtet bazasynda Qazaqstanda agroınnovasııalyq zerthana qurý múmkindigin pysyqtaýda.

 

Mıýnhen, Germanııa

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar