Prezıdent • 14 Aqpan, 2020

Qasym-Jomart Toqaev Mıhael Vıferspen kezdesti

28 retkórsetildi

Germanııa Federatıvtik Respýblıkasynyń Mıýnhen qalasynda ótetin Mıýnhen Qaýipsizdik Konferensııasy qarsańynda Memleket basshysy Qasym-Jomart Toqaev Rhenus SE & Co. KG kompanııasynyń basqarma múshesi, Rhenus Port Logistics, Rhenus Recycling kompanııalarynyń Bas dırektory Mıhael Vıferspen kezdesti.

Prezıdent Q.Toqaev bul saparynda germanııalyq ınvestorlarmen kezdesý negizgi maqsattarynyń biri ekenin aıta kele, qıyndyqtarǵa qaramastan el ekonomıkasy turaqty ekenin jetkizdi. «Alaıda sheteldik ınvestorlardy tartý josparda bar. О́tken resmı saparymda kansler Angela Merkel, GFR prezıdenti Frank-Valter Shtaınmaıermen ınvestısııa, serikestik týraly sóılesken bolatynbyz. Biz de óz kezegimizde sheteldik ınvesorlarǵa jaǵdaı jasaýǵa daıynbyz», dedi Memleket basshysy.

Odan keıin Prezıdent qazaqstandyq delegasııany tanystyryp ótti. Delagasııa quramynda Vıse-premer Roman Sklıar, Syrtqy ister mınıstri Muhtar Tileýberdi men Qazaqstannyń Germanııadaǵy elshisi bar.

Mıhael Vıfers Prezdıentpen kezdeskenine qýanyshty ekenin aıta kele, óz kompanııasyn tanystyryp ótti. Onyń aıtýynsha, kompanııanyń jyldyq aqsha aınalymy shamamen 50 mlrd eýrony quraıdy.

Rethmann Group kompanııalar tobyna qarasty transporttyq-ekspedıtorlyq Rhenus SE & Co. KG kompanııasy teńiz, temir jol, avto jáne áýe tasymaldarymen, sonymen birge qoımalar qurylysyndaǵy ınnovasııalyq ıdeıalarǵa ınvestısııa quıýmen aınalysady.

Rhenus Logistics-tiń Vılnıýs (Lıtva), Frankfýrt (Germanııa), Kıev (Ýkraına), Máskeý jáne Máskeý oblysynda (Reseı) qoımalary bar.

1971 jyly negizi qalanǵan kompanııanyń bas ofısi Holsvıkked qalasynda ornalasqan. Kompanııanyń jyldyq kirisi 5,1 mlrd eýroǵa teń, 31 myń adamdy jumyspen qamtyp otyr.

Germanııalyq kompanııa elimizde Rhenus Logistics JShS degen atpen tirkelgen. Qazaqstan aýmaǵy men TMD elderine tasymalmen aınalysady.

2020 jyldyń 28 qańtarynda Syrtqy ister mınıstri Muhtar Tileýberdi men Remondis International GmbH, Rhenus Logistics kompanııalarynyń basshylary arasynda kezdesý ótti. Kezdesý barysynda kompanııa jetekshileri Qazaqstan aýmaǵynda temir jol ne avtokólik konteıner termınalynyń qurylysyna nemese daıyn jobaǵa ınvestısııa berýge ázir ekenin jetkizgen bolatyn.

 

Mıýnhen, Germanııa

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar