Rýhanııat • 15 Aqpan, 2020

Abaıdyń 175 jyldyǵyna arnalǵan poezııa keshi ótti

73 retkórsetildi

«О́zin-ózi taný: shyǵarmashylyq jáne súıispenshilik pedagogıkasy» on kúndik dekada aıasynda Almaty oblystyq № 1 balalar úıinde «Meıirim» klýbynyń músheleri - erikti-stýdentterdiń uıymdastyrýymen uly qazaq aqyny jáne oıshyly Abaı Qunanbaevtyń 175 jyldyǵyna arnalǵan «Júrek tilimen» taqyrybynda tanymdyq poezııa keshi ótti.

Almaty qalasy «Rýhanı jańǵyrý» ofısi mamandary ádebı keshtiń negizgi maqsaty - adamzatty óziniń úlgisimen shabyttandyratyn shynaıy kóshbasshynyń áleýetin júzege asyrýǵa yqpal etetin, Abaıdyń rýhanı murasynyń mánin tereń túsiný ekendigin aıtady. Is-sharanyń basty mindetteri - jastardyń sanasynda Abaımen nasıhattalatyn joǵary adamgershilik qundylyqtardy nyǵaıtý. Keshtiń aıasynda «Júrek tilimen» ertegiler qoıylymynda stýdentter men balalar fılosofııalyq oı tolǵaýyn poezııamen biriktire otyryp, Abaıdyń ánderi men óleńderin oryndady.

Almaty qalasy «Rýhanı jańǵyrý» jobalyq keńsesi málimetteri boıynsha, eriktiler M. O. Áýezovtyń «Abaı Joly» atty ataqty romany boıynsha ózderiniń sahnalyq qoıylymyn usyndy. Negizgi nazar balalardyń ózin-ózi taný jáne tutas emosıonaldy sferasyn damytý úshin keń múmkindikter ashatyn shyǵarmashylyq áleýetin anyqtaýǵa aýdaryldy. «Meıirim» klýb músheleri ózderiniń shabyttanǵan shyǵarmashylyq ónerlerimen balalardyń jany men júregine ene bildi jáne búldirshinderdiń jarqyn bolashaqqa degen úmitteri men izgilikti sezimderin oıatýǵa yqpalyn tıgizdi. «Júrek tilimen» poezııa keshi oqýshylarǵa jalpyadamzattyq qundylyqtardyń mańyzdylyǵyn kórsetti. Sońynda is-sharaǵa qatysýshylar osy tamasha aksııanyń ótý sátinde sezingen jaǵymdy áserlerin bir-birimen bólisti.

ALMATY

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar