Bilim • 15 Aqpan, 2020

Mektep oqýshylary ǵylymı jobalaryn ál-Farabı ýnıversıtetinde qorǵady

168 retkórsetildi

Almatyda «Daryn» respýblıkalyq ǵylymı-praktıkalyq ortalyǵy jyl saıyn ótkizetin respýblıkalyq ǵylymı jobalar konkýrsy aıaqtalyp, tyrnaqaldy jumystaryn sátti qorǵaǵan oqýshylar JOO bilim granttaryna ıe bolǵanyn buǵan deıin de habarlaǵan edik.

3 dárejeli dıplommen marapattalǵan Rybalchenko V, Stepanova D. ǵylymı tájirıbeni talqylaýda

Shákirtterdi ǵylymı izdenisterge tartýda ál-Farabı atyndaǵy Qazaq Ulttyq ýnıversıtetiniń hımııa jáne hımııalyq tehnologııa fakýlteti  de  eleýli jumystar atqaryp otyr. 

Maqsat bireý – jaratylystaný jáne dál ǵylymdarǵa qyzyǵýshylyq tanytqan talantty, daryndy balalardy izdep taýyp, ǵylymǵa baýlý. Osyndaı beıimi bar qabiletti oqýshylar ǵylymı joba jumystaryna qatystyrylady. Mektep oqýshylarynyń kafedrada osyndaı tálim-tárbıeden ótýi jemisin berip otyr. Mundaı oqýshylar keleshekte ál-Farabı ýnıversıtetiniń úzdik stýdentteriniń qataryn kóbeıtedi.

Osy baǵytta jasalǵan ǵylymı jumystar bıyl da óz jemisin berdi. Jalpy bilim beretin pánder boıynsha respýblıkalyq ǵylymı jobalar konkýrsy 11-14 aqpan aralyǵynda  ál-Farabı atyndaǵy Qazaq Ulttyq ýnıversıtetinde ótkizildi.

Konkýrsta hımııa jáne hımııalyq tehnologııa fakýltetiniń aǵa oqytýshysy Raıhan Rahmetýllaeva jetekshilik etken Almatydaǵy №90 lıseıdiń 10 synyp oqýshysy Baqtııar Imanbaevtyń «Medısınaǵa arnalǵan polımerli kompozısııalyq materıaldy alý» taqyrybyna jasalǵan jumysy  2-shi dárejeli dıplommen marapattalsa, hımııa fakýltetiniń dosenti Perızat Úrkimbaeva jetekshilik etken 44 mektep-gımnazııanyń 11 synyp oqýshylary Vıktor Rybalchenko men  Dıana Stepanovanyń «Krahmal negizindegi bıoydyraıtyn úldirlerdiń sıntezi jáne fızıka-hımııalyq qasıetteri» jobasy 3-shi dárejeli dıplommen marapattaldy.

Osylaısha balalar oqýshylardy ǵylymǵa mektep qabyrǵasynan baýlý sapasynyń kafedrada joǵary deńgeıde júrgizilgenin taǵy da bir dáleldedi. 

Respýblıkalyq ǵylymı jobalar konkýrsy – «Qazaqstan – 2050» strategııasyndaǵy Qazaqstan damýynyń ekonomıkalyq jáne áleýmettik-mádenı modelderi» taqyrybyndaǵy oqýshylardyń ǵylymı zertteýler konkýrsy.

Konkýrs tórt baǵyt boıynsha ótkiziledi: «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý», «Taza tabıǵı orta – Qazaqstan - 2050 strategııasyn iske asyrýdyń negizi», «Qazaqstannyń tarıhı eskertkishteri jáne bolashaq damýy bar saıahat baǵdarlary».

 

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar