Prezıdent • 15 Aqpan, 2020

Memleket basshysy Aýǵanstan Prezıdentimen kezdesti

97 retkórsetildi

Qasym-Jomart Toqaev  qaýipsizdik jónindegi 56-shy Mıýnhen konferensııasy aıasynda ótkizip jatqan ekijaqty kezdesýlerin jalǵastyrýda. Bul joly Memleket basshysy Aýǵanstan Respýblıkasynyń Prezıdenti Muhammed Ashraf Ǵanımen kezdesti.

Prezıdentter bul kezdesýge qýanyshty ekenin jetkizip, ekijaqty seriktestik máselelerin talqylaýǵa kiristi.

Qasym-Jomart Toqaev Aýǵanstannyń jaqsy seriktes ekenin aıtyp ótti.

«Biz shekaralas kórshi bolmasaq ta, qarym-qatynasymyz jaqsy. Aýǵanstandaǵy ókildigimizdiń arqasynda elińizdegi ekonomıkalyq turaqtylyqtan habarymyz bar. Pompeo myrzamen Qazaqstanda kezdeskenimizde de aımaqtaǵy máseleler týraly sóılesken edik» dedi Memleket basshysy.

Taraptar Qazaqstan men Aýǵanstan arasyndaǵy saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqtyń qazirgi ahýaly men perspektıvalaryn talqylap, halyqaralyq uıymdar aıasyndaǵy yqpaldastyqty qarastyrdy, sondaı-aq, halyqaralyq kún tártibindegi ózekti máseleler boıynsha pikir almasty.

Esterińizge sala ketsek, Qazaqstan men Aýǵanstan Islam Respýblıkasy arasyndaǵy taýar aınalymy 2019 jyly 308,1 mln AQSh dollaryna baǵalandy. 2018 jyly bul kórsetkish 402,6 mln AQSh dollaryna teń bolǵan. Aýǵanstanǵa Qazaqstannan negzinen un, bıdaı, tabıǵı gaz tasymaldanady. Al bizdiń elge jemis-jıdekter men kartop ákelinedi.

Sonymen qatar eki el arasyndaǵy bilim baǵdarlamasy negizinde 1000-ǵa jýyq aýǵan stýdenti Qazaqstanda bilim aldy. 2018 jyly bul baǵdarlama qaıta qolǵa alynyp, nátıjesinde byltyr 31 stýdent Qazaqstanǵa oqýǵa keldi.

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar