Hokkeı • 15 Aqpan, 2020

QHL: «Barys» jeńiske jetti

219 retkórsetildi

Qurlyqtyq hokkeı lıgasynda oınaıtyn elordalyq «Barys» «Sochı» klýbyn qabyldady. «Barys Arena» stadıonynda ótken tartysty básekede jerlesterimiz qarsylastan basym tústi. Oıyn 3-2 esebimen aıaqtaldy.

Oıyn bastala salysymen qaýipti shabýylmen birin-biri alma kezek mazalaǵan komandalar esepti asha almaı áýrege tústi. Tek birinshi kezeńniń aıaqtalýyna 2 mınýt ýaqyt qalǵanda «Barys» hokkeıshisi Anton Sagadeev esepti ashty. Bul onyń osy maýsymda soqqan 7-shaıbasy.

Ekinshi kezeńde de dál osyǵan uqsas jaǵdaı boldy. Tóreshi ysqyryǵy shalyna salysymen 2 mınýttan keıin «Barystyń» 14-nomerdegi oıynshysy Kıortıs Volk soqqan shaıby qarsylas komandanyń qaqpa baǵanasyna tıip, keri serpildi. Soǵan qaramastan shabýylshy múmkindigin tıimdi paıdalanyp, shaıbany qaqpaǵa toǵytyp úlgerdi. Buǵan muz aıdyndaǵy tóreshiler kúmánmen qaraǵandaı boldy. Dese de oıyn barysyn qaıtalap kórgen tóreshiler soqqyny nátıjeli dep uıǵarym jasady. Osylaısha «Barys» esepti eselep ketti. Ekinshi kezeńniń aıaqtalýyna 6 mınýt qalǵanda qonaqtardyń bir oıynshysy tártipsizdigi úshin eskertý alyp, eki mınýtqa oıynnan shettetildi. Bul – eldordalyq klýb úshin esepti arttyrýǵa úlken múmkindik edi. Biraq bári biz oılaǵandaı bolmady. Áriptesiniń pasynan keıin, «Barys» qaqpashysyna qaraı umtylǵan «Sochı» hokkeı klýbynyń 93-nomerdegi oıynshysy Sergeı Shmıleov esepti qysqartty. Tabloda esep – 2-1. 

Alǵashqy eki kezeńde jerlesterimiz oıynnyń basym bóligin shabýylda ótkizdi. 

Al oıynnyń úshinshi kezeńi bastalǵanyna kóp ótpese de, qonaqtar tarazy basyn qaıta teńestirdi. Bul joly «Barys» qaqpashysyn qarsylas komanda sapynan Malte Strıomvall qapy qaldyrdy. Kóp uzamaı «Barys» shabýyldy údete tústi. Nátıjesinde Djessı Blekerdiń pasyn sátti paıdalanǵan 95-nomerdegi oıynshy Dmıtrıı Shevchenko esepti ózgertti. «Barys» - qaıtadan alda. «Sochı» hokkeıshileri adýyndy shabýyldar uıymdastyrǵanmen nátıjeli upaı ala almady. Sońǵy kezeńniń sońǵy sekýndtaryna deıin baryn salǵan sochılikter úılerine qur súlderi qaıtty. «Barys» jeńiske laıyq oıyn órnegin kórsetti. 

Aıta keteıik, «Barys» kelesi oıynyn 18 aqpan kúni «Barys Arena» stadıonynda «Sıbır» hokkeı klýbyna qarsy ótkizedi.

Sońǵy jańalyqtar

Sarbaz qarý-jaraqpen qashyp ketti

Qazaqstan • Búgin, 20:14

Qyzylordada esirtki tárkilendi

Aımaqtar • Búgin, 20:11

Búgingi jańalyqtar (20.02.2020)

Vıdeo • Búgin, 18:45

Ortalyqqa 10 velosıped syılady

Sport • Búgin, 17:35

Abaı murasyna arnalǵan kórme

Rýhanııat • Búgin, 15:41

Elordany kezgen elik ustaldy

Qoǵam • Búgin, 15:40

Jaǵa ustatqan jat qylyq

Aımaqtar • Búgin, 14:29

10 jyl sýbsıdııalanǵan salanyń jyry

Ekonomıka • Búgin, 14:08

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Uqsas jańalyqtar