Qoǵam • 16 Aqpan, 2020

Nur-Sultanda halyq sanaǵy qalaı júrgiziledi?

150 retkórsetildi

Ulttyq halyq sanaǵy shartty eki kezeńnen turady. Elorda ákimdiginde qalalyq sanaqty daıyndaý jáne ótkizý máseleleri talqylandy, dep habarlady qala ákimdiginiń baspasóz qyzmeti.

Birinshi kezeń - daıyndyq kezeńi. 2020 jyldyń 1-30 maýsymy aralyǵynda arnaıy oqytylǵan adamdar turǵyn úıler men turǵyn emes úı-jaılardyń, qurylystardyń, sondaı-aq ondaǵy turatyn turǵyndardyń naqty sanyn anyqtaý maqsatynda árbir eldi mekendi aralap shyǵady.

Turǵyn úılerdiń, ǵımarattardyń jáne turǵyn emes úı-jaılardyń meken-jaılaryn naqtylaý boıynsha atqarylǵan jumys nátıjeleri elorda aýmaǵyn nusqaýshylyq jáne eseptik ýchaskelerge bólý úshin negiz bolady.

«Daıyndyq jumystarynan keıin 2020 jyldyń 1-30 qazany aralyǵynda halyq sanaǵynyń negizgi kezeńi ótedi. Sanaq aqparatty jınaýdyń eki ádisin paıdalana otyryp júrgiziledi: halyq sanaǵynyń alǵashqy 15 kúninde Ulttyq ekonomıka komıtetiniń ınternet-resýrsynda ınternet-saýalnama júrgiziledi. Internet-saýalnamada respondentter sanaq paraqtaryn óz betinshe toltyrady. Internet-saýalnamamen qatar ıntervıýerler de saýalnama júrgizedi», dedi Ulttyq ekonomıka mınıstrligi.

Statıstıka komıtetiniń statıstıka departamentiniń basshysy Jorabek Dáýrenov.

Barlyq respondentterge ıntervıýerler sanaqtan ótkendigi týraly anyqtamalar beredi, al onlaın-rejımde sanaqtan ótkenderge – SMS-habarlamalar jiberiledi.

Qala ákimi Altaı Kólginov árbir aýdan ákimi sanaqty júrgizýge belsendi qatysýy tıis ekendigin aıtty, «Árbir basqarma óz salasy boıynsha jumys isteýi tıis»- dep atap ótti. «Sońǵy 10 jylda qala halqy eki ese ósti. Sanaqtyń maqsaty sońǵy 10 jylda bolǵan demografııalyq, ekonomıkalyq jáne áleýmettik prosester týraly aqparat jınaý. Halyq sanaǵyn júrgizýdiń eki ádisi bar. Internet saýalnama jáne arnaıy oqytylǵan adamdardyń saýalnamasy. Turǵyndar ózderine yńǵaılysyn tańdaı alady», – dedi elorda ákimi Altaı Kólginov.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar