Qazaqstan • 17 Aqpan, 2020

Qazaqstan áýejaılarynda jolaýshylarǵa qyzmet kórsetý sapasy artady

19 retkórsetildi

Búgin Qazaqstannyń avıasııalyq ákimshiliginde jolaýshylarǵa qyzmet kórsetý sapasyn arttyrý, Qazaqstan áýejaılaryndaǵy qyzmetterdiń qoljetimdiligi jáne e-Freight jobasyna qatysty kezdesý ótti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Is-sharaǵa QR IIDM Azamattyq avıasııa komıtetiniń ókilderi, otandyq áýejaılardyń tasymaldaý qyzmetteriniń basshylary, «Air Astana», «Scat», «Fly Arystan», «Qazaq Air» áýe kompanııalarynyń jáne «TransInfoTech» JShS jolaýshylarǵa qyzmet kórsetýge jaýapty ókilderi qatysty.

Otyrys barysynda jolaýshylardy tirkeý jáne otyrǵyzý prosedýralary kezinde jolaýshylarǵa qyzmet kórsetýdi jaqsartý sharalary, reısterdiń keshigý jáne keıinge qaldyrý kezindegi tasymaldaýshylardyń jaýapkershiligi, sondaı-aq ana men balaǵa arnalǵan bólme, júkti saqtaý kamerasy, dárethana, symsyz Internet (Wi-Fi) sııaqty jolaýshylar termınaldaryndaǵy qyzmetterdiń jekelegen túrleriniń qoljetimdiligi talqylandy. Áýejaılar men áýe kompanııalary qyzmetkerleriniń qarym-qatynas mádenıeti, qyzmetkerlerdiń syrtqy kelbeti, aqparattyq qamtamasyz etý sııaqty aspektilerdiń mańyzdylyǵy atap ótildi.

Múmkindigi shekteýli jolaýshylarǵa, onyń ishinde mentaldyq aýytqýlary bar jolaýshylarǵa qyzmet kórsetýge erekshe nazar aýdaryldy. Múgedekterge arnalǵan arbalarynyń bolýy, sondaı-aq áýe kemesiniń bortyna tasymaldaý, kóterý,túsirý úshin arnaıy kólikter pen mehanızmderdiń bolýy talqylandy.

«TransInfoTech» JShS ókilderimen birlesip Qazaqstandaǵy kólikti sıfrlandyrý salasyndaǵy E-Freight alǵashqy memlekettik-jekemenshik áriptestik jobasyn iske asyrý boıynsha birqatar máseleler qaraldy. «E-freight» jobasyn iske asyrý júkterdi áýe kóligimen tasymaldaý kezinde qujattardy rásimdeýdiń tıimdiligin arttyrýǵa múmkindik beredi (20-ǵa jýyq qaǵaz qujatty elektrondyq formatqa aýystyrý), júkterdi áýe kóligimen tasymaldaý aǵyndaryn óńdeý merzimin qysqartady (júkterdi óńdeý merzimin orta eseppen 1 kúnnen 1 saǵatqa deıin qysqartady)  jáne Qazaqstan Respýblıkasynyń aýmaǵy arqyly júkterdi áýe kóligimen tasymaldaý men tranzıttiń tartymdylyǵyn arttyrýǵa múmkindik beredi. Kezdesý aıasynda júkterdi óńdeý prosesine qatysatyn áýejaı qyzmetkerlerine arnalǵan baǵdarlamamen jumys isteý boıynsha trenıng ótkizildi.

Otyrys qorytyndysynda Qazaqstan áýejaılarynyń, áýe kompanııalardyń jáne avıasııalyq ákimshilik ókilderi barlyq sanattaǵy  jolaýshylar úshin áýe kóligimen tasymaldaýdyń qajetti jaǵdaılardyn jasaý boıynsha birlesken ózara is-qımyl týraly sheshim qabyldady.

Sońǵy jańalyqtar

Uqsas jańalyqtar