Aımaqtar • 18 Aqpan, 2020

Jasóspirimder arasyndaǵy sýısıdte tórt aımaq kósh bastap tur

57 retkórsetildi

Búgin Almatyda «Qazaqstan jasóspirimderi arasyndaǵy sýısıdti aldyn alý» máselesi boıynsha baspasóz máslıhaty ótti.

Qazaqstan sońǵy 10 jylda jasóspirimder arasyndaǵy sýısıd kórsetkishi boıynsha aldyńǵy shepte turǵany belgili. Almatyda Just Support jekemenshik qorynyń mamandary osy máseleni sheshý úshin 2016 jyldan bastap aprobasııadan ótip, júzege asyrylyp jatqan tuǵyrdy daıyndap shyǵarǵan bolatyn. 2019 jyldan bastap Just Support JQ «Áreket» granttar baıqaýynyń arqasynda Soul Games jobasyn iske qosty.

Besinshi jyl qatarynan jasóspirimder arasyndaǵy destrýktıvtik júris-turys, sonyń ishinde sýısıd máselesin sheshýmen aınalysyp kele jatqan JustSupport qorynyń atqarýshy dırektory Svetlana Bogatyreva tómendegideı máselelerdi málimdedi.

Bas prokýratýranyń málimetteri boıynsha 2019 jyly kámelet jasqa tolmaǵandar 180 sýısıdti jasap, 351 márte ózine qol jumsaý áreketine barǵan. Bul ótken jylmen salystyrǵanda 6,7%-ǵa joǵary, degenmen, jalpy kórsetkishter 5 jyl burynǵy jaǵdaıdan tómenirek.

Sońy qaıǵyly aıaqtalǵan sýısıd kórsetkishi boıynsha Túrkistan (38), Almaty (27), Jambyl (16) jáne Shyǵys Qazaqstan (14) oblystary kósh bastap otyr.

О́zine qol jumsaýǵa áreket etýde eń joǵary kórsetkish Shyǵys Qazaqstan (54), Túrkistan oblystarynda (43) jáne Astana  qalasynda (42) baıqalyp otyr.

Almaty qalasy boıynsha 7 sýısıd ólimmen aıaqtalyp, 26 áreket jasalǵan, bul ótken jylmen salystyrǵanda 30%-ǵa tómenirek. Mektepterdiń, memlekettik organdardyń jáne ÚEU-dyń sýısıdti aldyn alý boıynsha jumysy birte-birte bizdiń qalamyzda óz nátıjesin berip jatyr deýge bolady.

«Jasóspirimderdiń óz-ózine qol jumsaýy psıhologııalyq kúımen baılanysty. Bul máselemen mekteptegi psıhologtar tıimdi jumys isteı alady. Bizdiń qor psıhologtardyń sýısıdpen tıimdi jumys júrgizýi úshin qajetti búkil daǵdylardy úıretý maqsatynda olarǵa arnap biliktilikti kóterý baǵdarlamasyn jasap shyǵardy. О́kinishke oraı, bul bilimderdi joǵarǵy oqý oryndarynda oqytpaıdy. Biz Izraılden sarapshylardy tartyp, qazirgi tańda otbasylarmen jáne jasóspirimdermen jumys jasaýǵa arnalǵan aprobasııalanǵan avtorlyq baǵdarlamany jasap shyǵardyq, ony Almaty qalasynyń mektepterinde tarata bastadyq. Qazir 30-ge tarta mektep qamtyldy. Biz mektep psıhologtaryna arnaıy sabaqtardy – ata-analar men jasóspirimderge arnalǵan toptardy júrgizýdi úıretip jatyrmyz. Bul toptarda balalar úshin de, ata-analar úshin de tolyǵymen tegin kómek kórsetiledi. О́tken jyly bizdiń osy tuǵyrymyzǵa Shyǵys Qazaqstan oblysynyń basqarmasy qyzyǵýshylyq tanytyp, onda baǵdarlamany endirýdiń birinshi kezeńi aıaqtalyp qoıyldy.

Turaqtylyqty saqtap, mektepterde osyndaı jumysty júrgizýdi jalǵastyrý úshin bizdiń qor Soul Games atty áleýmettik kásipkerlik jobasyna bastama berdi. О́tken jyldyń tamyzynda biz Samruk-Kazyna Trust Áleýmettik jobalardy damytý qory ótkizgen «Áreket» áleýmettik kásipkerlerdi qoldaýǵa arnalǵan granttar baıqaýynda 25 jeńimpaz qataryna qosylyp, grant aldyq. Osy grant arqasyndajoba júzege asyryla bastady. Samruk-KazynaTrust qory bizge, grant alýshylarǵa arnap bilim berý jaǵynan kóptegen isti atqaryp otyr, oqytý semınarlary ótkizilip, keńes beriledi. Iаǵnı biz jobany júzege asyrý úshin qarjyǵa qol jetkizip qana qoımaı, sonymen birge áleýmettik kásipkerlikke úırenemiz.

Bizdiń psıholog mamandar jasóspirimderge arnap psıhologııalyq kvesterdi daıyndap ótkizip jatyr, sondaı-aq, biz ústel oıynyn ótkizemiz. Otbasylar ózderiniń turǵylyqty jerinde  qoljetimdi sapaly kómekti alýy úshin osy kommersııalyq ónimderdi satýdan túsken qarjy mektep psıhologtarynyń biliktiligin kóterýge baǵyttalyp jatyr.

Soul Games jobasy 2019 jyldyń qańtarynan bastap qyzmet etip keledi jáne osy ýaqyt ishinde biz 20 mamanǵa arnap Almatyda biliktilikti kóterý kýrsyn ótkizip, olar 500-ge jýyq otbasyǵa kómek kórsetti. Sondyqtan biz jumysymyzdy jalǵastyrýdy kózdep otyrmyz», deıdi Svetlana Bogatyreva.

Venera Kokanova, Almaty qalasy Bilim berý basqarmasynyń ádiskeri: «Men Just Support qorynyń usynyp otyrǵan mektepterdegi biliktilikti jáne jumysty kóterý baǵdarlamasymen 2018 jyldan bastap tanyspyn, ózim ol boıynsha trenıngten óttim. Ony jasóspirimder men ata-analarǵa is júzinde paıda ákeletin tıimdi baǵdarlama dep esepteımin. Daıyndyqtan ótken mamandar jumys jasaıtyn mektepterde osy ýaqyt ishinde sýısıd jasap kórý áreketteri oryn alǵan joq. Pedagogtar baǵdarlama nátıjesi boıynsha balalardyń 40%-y alǵashqy eki aıda aıtarlyqtaı ózgerip, qalǵandary baqylaýda júretindigin atap ótýde. Men pedagog-psıhologtarǵa arnalǵan oqýdy uıymdastyrý úshin kómek kórsetemin, kóktemgi demalystarda taǵy 2 topty iske qosýdy josparlap otyrmyz» dedi.

О́z kezeginde Almatydaǵy №60 gımnazııasynyń pedagog-psıhology Olga Solonenko: «Bul qormen 2017 jyldan beri yntymaqtasyp kelemiz. Dál sol ýaqytta biz «Ata-analar tobyn júrgizý jáne jasóspirimdermen jumys isteý» baǵdarlamasyn aprobasııalap, qazir ol boıynsha óz mektebimizde jumys júrgizip jatyrmyz. Men mundaı kómek ata-analarǵa qajet ekendigin kórip otyrmyn, eń bastysy, balalar jaqsy jaqqa ózgerip keledi. Ýysymyzdan balany shyǵaryp alǵan oqıǵalar esimde, baǵdarlamadan ótken soń, bala qalpyna kelip, ózin jaqsy sezinip, mektepke kele bastaıdy. Jasóspirimderge olar úshin jaqyn úlkenmen qatynas qurý asa mańyzdy. Biz sondaı qatynasty otbasynda qalpyna keltirýge, ata-analarǵa óz balasyna arqaý men tirek bolýǵa kómektesemiz. Otbasy ǵana jasóspirimder arasyndaǵy máselelerdi sheshýge, sonyń ishinde sýısıdti aldyn alýǵa arnalǵan eń mańyzdy faktor bolyp tabylady. Al eger otbasy tipten destrýktıvti bolsa, oǵan eshqandaı yqpal júrmese, onda balalarǵa arnap jasóspirimder toby qarastyrylǵan. Ondaı toptarda bala úshin jaqyn ári qoldaýshy eresektiń rólin psıholog oınaı bastaıdy», - dedi.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar