Qoǵam • 20 Aqpan, 2020

Saqtyqqa salǵyrt emes

310 retkórsetildi

«Saqtyqta qorlyq joq». Qytaıdan taraǵan vırýs az ýaqytta álemniń 25-ten astam eline tarap, 70 myńnan asa halyq zardap shegip otyr. Kún­nen-kúnge kúsheıip bara jatqan indet irgedegi bizge jetpegeni, árı­ne qýantady. Oǵan elimizde saqtyq sharalary sebep bolsa kerek. Áýe­jaı­larda aldyn alý sharalary júrgizilýde. Al Qytaıdan kúni keshege deıin oqshaýlanǵan kúıde elge oralǵan otandastarymyzdyń rıza­shylyǵy bólek.

Búginde Qytaımen aradaǵy she­kara­lar jabylyp, áýe, temir jol tasymaldary toqtatylǵany málim. Degenmen, tasymal ózge el­dermen qalypty júrip jatyr. H­alyq­aralyq áýe reısteri qan­sha­lyqty qadaǵalanyp, jolaýshylar sanıtarlyq tekseristen ótip jatyr? Osy saýalǵa jaýap izdep Densaýlyq saqtaý mınıstrliginiń Kóliktegi taýarlar men kórsetilgen qyz­mettiń sapasy men qaýipsizdigin baqylaý departamentine habarlastyq. «Mem­lekettik shekaralarda, áýejaılarda, te­ńiz porttarynda jáne temir jol ótkizý pýnkt­terinde baılanys­syz termometrııa júıelerin qol­dana otyryp, suraý salý jolymen halyqaralyq reıstermen kel­gen azamattarǵa sanıtarlyq-karan­tındik baqylaý kúsheıtildi. Áýe, te­ńiz kemesiniń bortynda jáne jolaýshylar poıyzynda koronavırýs ınfeksııasyna kúdikti naýqas anyqtalǵan kezde áýejaılarda, teńiz porttarynda jáne temir jol ótkizý pýnktterinde epıdemııaǵa qarsy is-sharalardy uıym­dastyrý boıynsha sanıtarlyq-karan­tındik pýnktterdiń kezekshi maman­da­rynyń is-qımyl algorıtmderi ázirlenip, bekitildi. Qazaqstannyń  Bas mem­lekettik  sanıtarııalyq dárigeriniń 2020 jylǵy 3 aqpandaǵy №2 qaý­lysy boıynsha barlyq ótkizý pýnkt­terinde oqý-jattyǵý sabaqta­ry, vedomstvolar men uıymdardyń mamandary arasynda semınarlar  ótkizildi. Memlekettik shekaradaǵy baqylaý organ­darynyń qyzmetkerlerine koronavırýs ınfeksııasy taralýynyń profılaktıkasy jáne aldyn alý sharalary bo­ıyn­sha nusqama beril­di. Jolaýshylar arasynda KVI profılaktıkasy boıynsha daýys­ zoraıtqysh baılanys arqyly júr­gizilýde», deıdi Nur-Sultan qalasy Sanıtarlyq-karantındik baqylaý bóli­miniń basshysy Dárııa Ázimbaeva.

Onyń aıtýynsha, barlyq halyq­aralyq reıstermen kelgen jolaýshy­lardy borttan shyǵarmastan termo­metrııa júıelerimen túgeldeı tek­seredi. Olar 4 tilde arnaıy daıyndalǵan saýaldama­ny toltyrady. Bul jolaýshylardyń máli­metterin tolyq alý úshin kerek. Al jolaýshylardyń arasynda Qytaı azamattary bolsa, turatyn meken- jaıynda  14 kún boıy medısınalyq qadaǵalaýda bolady. «Qazaqstannyń Bas memlekettik sanıtarııalyq dári­geri orynbasarynyń 2020 jylǵy 17 aqpandaǵy №5 qaýlysy bo­ıynsha 20 aqpannan bastap Qytaı Halyq Respýblıkasynan kelgen adamdardy 14 kún boıy óńirlik provızorlyq stasıonarda oqshaýlaı otyryp, keıinnen medısınalyq-sanıtarııalyq alǵashqy kómek uıym­darynda medısınalyq ba­qylaý arqyly turǵylyqty jeri boıynsha shyǵarylǵannan keıin 10 kún boıy ka­rantındi (kún saıyn qońyraý shalý) tekserý kózdelip otyr. Sonymen qatar koronavırýstyq ınfeksııa tirkelgen elderden  kelgen adamdardy Qazaqstannyń  shekarasynan ótken kúnnen bastap me­dısınalyq-sanıtarııalyq alǵashqy kómek kórsetý boıynsha orta býyndy medısına qyzmetkeriniń úıge kúndelikti barýy arqyly 14 kún boıy úı karantınin (ózin ózi oqshaýlaýdy) jáne odan ári 10 kún ishinde turatyn jeri boıynsha medısınalyq baqylaýda (kún saıynǵy qońyraý shalý arqyly) bolady», deıdi  D.Ázimbaeva.

Qytaımen aradaǵy áýe tasymaly toqtaǵan 3 aqpannan bastap Nur-Sultan áýejaıyna Qytaıdyń 50 azamaty ushyp kelgen. Olardyń barlyǵy aýmaqtyq departamentterge medısınalyq baqylaý júrgizý úshin jiberilgen. Qazirge deıin olardyń arasynda dene qyzýy jo­ǵary adamdar bolmaǵan.

Jaqynda Beıjińnen bir top otan­dasymyz elge oraldy. Olardyń arasynda Beıjińdegi Ortalyq ulttar ýnı­versıtetiniń doktoranty, jerlesimiz Jul­dyz Bekbaýova boldy. «Qytaı astanasy Beıjińge jınalǵan 217 qazaqstandyq Qa­zaqstan men Qytaı Úkimeti, Syrt­qy ister mınıstrligi jáne Qazaq­stannyń Qytaıdaǵy elshiligi qa­tarly memlekettik mekemelerdiń kirisýimen arnaıy bortpen 11 aq­pan kúni Nur-Sultanǵa keldik. Biz Beıjińge túrli qaladan jınaldyq.  Arnaıy keste boldy. Sol boıyn­sha júrip-turdyq. Áýejaıǵa deıin arnaıy kólikpen bardyq. Bort­qa otyrǵanǵa deıin elshilik qyz­metkerleri bizdiń qyzmetimizde bol­dy. Ushaqta da saqtyq sharalary erek­she jasalypty. Bortserikter de arnaıy kıim kıgen. Nur-Sultanǵa jetkenshe bizdi alyp qaıtýǵa barǵan qazaqstandyq dárigerler temperatýramyzdy jarty saǵat saıyn ólshep, jaǵdaıymyzdy jeke-jeke surap otyrdy. Maskalardy da jıi aýystyryp turdyq. Nur-­Sul­tanǵa qonǵannan keıin áýe­jaıǵa kirgizgen joq. Tótenshe jaǵ­­daı kezinde shyǵatyn jolmen shyq­tyq. Bizdi jedel járdem qyz­met­kerleri, dárigerler, tártip saq­­shylarynan quralǵan arnaıy top qarsy aldy. Bizdi eshkimmen ja­qyn­dastyrmaǵan boıy qaladan 7 shaqyrym qashyqtyqta ornalasqan Kópbeıindi medısınalyq ortalyq alyp ketti. Onda tizimimiz aldyn ala daıyndalǵan eken. Sol boıyn­sha daıyn oryndarǵa ornalastyq. Medısınalyq qyzmet tıimdi, jyldam, sapaly uıymdas­tyrylǵan. О́zimizdiń zattarymyzdy túgel­deı alyp qalyp, dezınfeksııalady. Bar­­lyǵymyz analız tapsyrdyq. Baǵymyzǵa qa­raı kelgenderimizdiń eshqaısysynda tem­peratýra kóterilý sııaqty belgiler bolǵan joq. О́ıtkeni bizdiń bireýimiz aýyratyn bolsaq, barlyǵymyzdy uzaq ýaqytqa oq­shaýlaıtyn edi», degen Juldyz 3 kún oqshaýlaýdan keıin aman-esen týys­tarymen qaýyshqanyn aıtyp qýandy.

Osy oraıda Juldyz óziniń aza­mattyq kóz­qarasyn da bildirýdi jón sanady. «Qazaqstan Qytaıdyń eń jaqyn kór­shileriniń biri. Son­dyqtan saqtyq sharalary óte jo­ǵary deńgeıde bolýy kerek dep oı­laımyn. Solaı boldy da. Bizge kórsetilgen medısınalyq qyz­met­terdiń barlyǵy sapaly, joǵary deń­geıde bolǵany qýantty. Úkimettiń qam­qorlyǵynda ekenimizdi, shynyn aıtsaq, jaq­sy sezindik. Jol shyǵyndary da Úkimet tarapynan tólendi. Shetelde júrgen azamattar osyndaı qıyn jaǵdaıda óz elinen qoldaý tapqany óte keremet. Sondyqtan osy rette bizdiń elge jetýimiz úshin baryn salǵan quzyrly organ qyzmetkerlerine rahmetten basqa aıtarym joq», deıdi ol.

 

Sońǵy jańalyqtar

Uqsas jańalyqtar