Aımaqtar • 20 Aqpan, 2020

О́ndiristi óńirde oń ózgerister bar

33 retkórsetildi

Qaraǵandy oblysynyń ákimi Jeńis Qasymbektiń halyq aldyndaǵy esebine arnalǵan jıynda selektorlyq baılanys arqyly shalǵaıdaǵy qalalar men aýdandardyń turǵyndary da qatysý múmkindigine ıe boldy. Sondaı-aq jıynǵa Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory Sálimgereı Bekbergenov pen Parlament Senatynyń depýtaty Sergeı Ershov qatysty.

 

Esep berý jıynynyń basynda oblys ákimi óńirdegi ótken jylǵy damý qorytyndylary men 2020 jylǵa arnalǵan josparlar týraly baıandady. О́ńir basshysy byltyr oblys boıynsha ekonomıkanyń barlyq salasynda ósim jalǵasqanyn atap ótti. Mysaly, ınvestısııa aǵy­ny 800 mlrd teńgeni quraǵan. 2020 jylǵa qaraı óndiris kólemin taǵy 5,8%-ǵa arttyrý josparlanyp otyr. Bul qazirgi jumys oryndaryn saqtap, jańa jumys oryndaryn qu­rýǵa, óńirdi damytýdyń negizin qamtamasyz etýge múmkindik beredi.

Jıynda Jeńis Qasymbek halyq­tyń ómir súrý sapasyn jaqsartýǵa ba­ǵyttalatyn birinshi kezektegi jumys strategııasyn málim etti.

– Qoljetimdi, sapaly úıler men joldar salý, turǵyndardy turaqty jumyspen jáne eńbekaqymen qam­tamasyz etý, óńirdegi ekologııa­lyq máselelerdi sheshý – basym baǵyt­taǵy mindetter, – dep atap ótti ol.

Oblys basshysy óńirde joldar men úılerdiń qurylysy boıynsha arnaıy jol kartasy ázirlengenin habarlady. Iаǵnı, bul salalardaǵy jumys qarqynyn  eselep arttyrý josparda bar. Jergilikti bılik ob­lystaǵy 1800 kóp balaly otbasyn aldaǵy eki jyldyń ishinde túgel­deı baspanamen qamtamasyz etýdi maqsat etip qoıǵan.

– Memleket basshysy turǵyn úı­men qamtamasyz etý – bul áleýmettik saıasattyń basym baǵyty ekenin aıtty. Bizdiń tarapymyzdan osy jyly turǵyn úı qurylysyn oblys bo­ıynsha keminde bir jarym ese jáne oblys ortalyǵynda eki ese ulǵaıtý úshin barlyq múmkindikter jasalýda. Bizde eki jyl ishinde 1800 kóp­ balaly otbasyn qamtamasyz etýge tolyq múmkindik bar dep esep­teımin, – dedi J.Qasymbek.

Sonymen qatar oblys ákimi El­basynyń 2030 jylǵa qaraı bir adamdy turǵyn úımen qamtamasyz etýdi 30 sharshy metrge deıin jetkizý týraly tapsyrma bergenin eske saldy. Al búginde óńirdegi bul kór­setkish 23 sharshy metrden asatyn kórinedi. О́tken jyldy eske alsaq, óńirde 421 myń sharshy metr turǵyn úı salynyp, 1148 otbasy baspanaly boldy. Onyń ishinde «Baqytty otbasy» baǵdarlamasy boıynsha 226 otbasy qonys toıyn toılady. Al bıyl 5 600 otbasy páterge ıe bo­lýy úshin 600 myń sharshy metr­den astam turǵyn úı tapsyrylýy tıis. Bul páterlerdiń jartysy áleýmettik qorǵalatyn sanattarǵa arnalǵan. Budan bólek, jetim balalar úshin baspana kezeginiń jyljýyn jedeldetý josparda bar.

Azamattarmen kezdesýde óńir bas­­­shysy qazirgi ýaqytta turǵyn­dar­­­­dy tolǵandyryp otyrǵan sý tas­­­­­qynynyń aldyn alý boıynsha is-sharalar jospary týraly aıtyp ber­di.

– Qaýipti aýmaqta ornalasqan barlyq eldi mekenderdiń daıarlyq tól­qujattary tekserildi. Jalpy, oblysta tórt jyl ishinde 190 sha­qyrym qorǵanys úıindileri salynǵan, ózen arnalarynda 62 shaqyrymdyq ın­jenerlik is-sharalar júzege asyryldy. Barlyq gıdroqurylystar erekshe baqylaýǵa alynǵan. 2018 jáne 2019 jyldary bul nysandarda 1,3 mlrd teńge somasyna jóndeý jumys­tary júrgizildi, – dedi oblys ákimi.

Qazirgi ýaqytta qardy syrtqa shyǵarý jumystaryna aıryqsha nazar aýdarylýda. Jaýapty qyz­metterdiń aqparatyna sáıkes, búgingi tańda oblystyń qalalary men aýyldarynan 1 mln tekshe metr­den astam qar shyǵarylǵan.

Sonymen qatar oblys ákimi óńir­­degi Samarqan jáne Yntymaq sııaqty iri sý qoımalarynan sý aǵy­zý jumystarynyń úzdiksiz júr­gizi­lip jatqanyn, qarǵyn sý júr­gen­ge deıin olardaǵy kólemdi eń tómengi deńgeıge jetkizýdiń jáne sý tasqynyna daıarlyq barysynyń jiti baqylaýda ekenin atap ótti.

Jıynda oblys basshysy Qa­raǵan­dy oblysyndaǵy jol jumys­tarynyń josparyna toqtaldy. Bıyl óńirdegi «Qaraǵandy – Balqash» kúre jolynda tórt  jolaq boıynsha qozǵalysty iske qosý josparda bar. Sondaı-aq «Balqash – Býrylbaıtal» tórt jolaqty jolyn qaıta jańartý jalǵastyrylady.

Oblys ákimi bıyl 1500 shaqy­rym avtojol jóndeletinin atap ótti. О́tken jyly «Temirtaý – Qara­ǵandy», «Qaraǵandy qalasynyń Soltústik jáne Shyǵys aınalma jol­dary» avtobandary tolyǵymen paıdalanýǵa berildi.

– Biz úshin uzyndyǵy 720 shaqy­rym «Jezqazǵan – Qyzylorda» avto­jolynyń qurylysy mańyzdy. Mamyr aıyn­da JSQ aıaqtalady. «Nurly jol» baǵdarlamasynyń jańa bes­jyl­dyǵy aıasynda bıyl jol qury­lysyna kirisý josparlanyp otyr. Ol 2025 jyly aıaqtalýy tıis, – dep atap ótti J.Qasymbek.

Budan basqa, bıyl «Qaraǵandy – Jezqazǵan» jolyn jobalaý bas­talady. Sondaı-aq «Qaraǵandy – Pav­lodar» jáne «Qaraǵandy – Qar­qaraly» respýblıkalyq joldaryn qaıta jańartý josparda bar.

Oblys basshysy jol ınfra­qu­ry­lymyn jaqsartýdan bólek, «Nurly jol» baǵdarlamasyn júzege asyrýdyń halyqty jumyspen qam­týǵa septigin tıgizetinin jáne bul jo­ba­larǵa jergilikti turǵyndardyń úsh myńnan astamy tartylatynyn atap ótti.

О́ńir basshysy bıyl Qaraǵandy oblysy búkil elmen birge Abaı Qu­nanbaıulynyń 175 jyldyǵy, Ábý Nasyr ál-Farabıdiń 1150 jyl­­dyǵy, memleket qaıratkeri Nyǵ­met Nurmaqovtyń 125 jyldyǵy, Temir­­taýdaǵy metallýrgııalyq kom­bınattaǵy qazaqstandyq tuńǵysh shoıyn balqymasynyń 60 jyldyǵy, K.Stanıslavskıı atyndaǵy orys dra­ma teatrynyń qurylǵanyna 90 jyl tolýy sııaqty aıtýly  datalar men mereıtoılardyń óz deńgeıinde atalyp ótetinin jetkizdi.

Sondaı-aq bıyl óńirde «Jezkıik» halyqaralyq mýzyka festıvali, Altyn Ordanyń 750 jyldyǵyna arnalǵan halyqaralyq aıtys jáne Á.Syǵaı atyndaǵy halyqaralyq teatr­ baıqaýy ótki­ziledi.

Budan bólek, oblys ákimi «Rýhanı jańǵyrý» baǵdarlamasy, «Uly da­lanyń jeti qyry» baǵdarlamalyq maqalasy aıasynda qoǵamdy rýha­nı jańǵyrtý jumystarynyń jal­ǵastyrylatynyn aıtty.

Sonymen qatar J.Qasymbek ken­shiler astanasynda Qasym Aman­jolovtyń úıin ashý jobasynyń jos­parda bar ekenin aıtty.

Esep berý kezdesýiniń sońyn­da ákim mem­lekettik tildiń jaı-kúıin, qoǵam­daǵy keleńsizdikterdi, rýhanııat salasyndaǵy kemshilikterdi, mem­lekettik qyzmetshiler arasynda kezdesetin  tártip buzýshylyqtardy jáne basqa da kókeıkesti máselelerdi kótergen, sonymen qatar suraq qoıyp úlgermegen bir top azamatty qabyldap, olardyń ótinish-tilekterine qulaq asty.

 

Qaraǵandy oblysy

 

Sońǵy jańalyqtar

Sımptomsyz sybaılastyq

Qoǵam • Keshe

Uqsas jańalyqtar