Saıasat • 20 Aqpan, 2020

Júıeli jumys jalǵasady

34 ret kórsetildi

Jambyl oblysynyń ákimi Berdibek Saparbaev «Kóne Taraz» tarıhı-etnomádenı kesheniniń «Kórme» pavılonynda jambyldyq turǵyndarmen kezdesip, esep berdi. О́tken jyldy qorytyndylap, óńirde aldaǵy ýaqytta atqarylatyn jumystardyń josparlarymen bólisti.

B.Saparbaev 2020 jyly Jambyl obly­synda jalpy quny 114 mlrd teńge bo­latyn 18 ın­vestısııalyq jobany iske asy­rý josparlanǵanyn aıtty. Sonymen qatar tıimdi ınves­tı­sııalyq saıasat aǵym­daǵy jyl­dyń qorytyndysy boıyn­sha óner­kásiptiń 5 paıyzdyq ósi­min qamtamasyz etýge múmkindik bere­tinin jetkizdi. Eń úlken qýatty joba­lardy «Eýrohım mıneraldy tyńaıt­qyshtar», «Qazfosfat», «Qazaq soda», «KORSEM» jáne «TALAS INVESTMENT COMPANY» kom­panııa­lary jú­zege asyrady. «2025 jylǵa deıin­ jalpy quny 2,7 trln teńge bolatyn 66 joba iske asyrylady, sol ar­qy­ly 11,4 myń jańa jumys ornyn qurý kóz­­delýde», dedi ákim.

Jıynda óńir basshysy jer­gi­likti bı­liktiń kún tártibinde «Taraz «Hım­park» arnaıy eko­no­mı­ka­lyq aımaǵyn damytý mindeti turǵanyn, ony sheshý úshin jeti jobany iske asyrýǵa 648,3 mlrd teńge kóleminde ınvestısııa tar­tylatynyn, nátıjesinde bul 2 myń­­nan astam jańa jumys ornyn ashýǵa múm­kin­dik beretinin jet­kizdi. «О́ńdeýshi óner­kásipti damytý maqsatynda 12 kásip­oryn jańǵyrtylady, taǵy tórteýi zama­naýı ınnovasııalyq tehnologııalardy engizedi. Oblys turǵyndarynyń 60 paıyzdan astamy aýyldyq jerlerde tu­ra­tyn aımaqtyń ereksheligin esker­sek, agrarlyq sektordy damy­týǵa barynsha kóńil bólýdiń mańy­zy joǵary. Josparlanǵan ınves­tısııadan basqa salanyń muqtaj­dyqtary úshin 21 mlrd teńge kóleminde sýbsıdııa bó­li­nedi. Aǵymdaǵy jyldyń bas­ty mindetteriniń biri – egistik alqap­taryn 705 myń gektarǵa, al sýar­maly jer kólemin 8 myń gek­tar­ǵa keńeıtý», dedi B.Saparbaev.

О́z sózinde oblys ákimi egis alqapta­ryn rentabeldi, maıly jáne burshaqty daqyldarmen árta­raptandyrý, jer­gi­likti qant za­ýyttaryn barynsha­ ju­myl­dy­rý úshin qyzylsha sharýa­shy­­ly­ǵyn damytýǵa kóńil bólý qa­jettigin de aıtty. Taǵy bir má­se­le, negizgi baǵyt­tardyń biri re­tinde paıdalaný­syz jatqan 70 myń gektar jerdi egis­tik jer retinde aınalymǵa engizýdi, me­hanıkalandyrylǵan jasaqtyń kóme­gimen alqaptardy sýlandyrý jelileri men kanaldaryn,
5 sý qoımasyn retke keltirýdi, 5 myń gektarǵa jańa sý únemdeý tehnologııalaryn engizý keregin de jetkizdi. Maqsat – ımportty tómendetý jáne óńirdi jergilikti azyq-túlikpen qamtamasyz etý.

Osy maqsatta Jambyl obly­syn­da iske asyrylyp jatqan aýyl turǵyndarynyń tabysyn arttyrý maqsatyndaǵy qa­nat­­qaqty jobanyń bereri mol. Bul Jambyl óńiri úshin ǵana emes, respýblıka úshin de ma­ńyzdy. Jobanyń alǵashqy qa­dam­dary jasalyp, 7886 aýla nesıege qol jetkizse, 194 aýla­ǵa sharýashylyq tehnıkasy alyn­ǵan. Ákim bul jumystardyń ári qaraı jalǵasatynyn aıtty. Jıyn­da aýyl turǵyndarynyń ortasha tabysyn 41,6 myń teńge­den 104 myń teńgege deıin arttyrý, al 2,2 myń sharýany ózin ózi ju­myspen qamtyǵandar sanatynan jeke kásipkerler sanatyna aýys­tyrý máselesi de aıtyldy.

Jambyl oblysynda jol másele­si de kúrdeli. Degenmen, aǵym­daǵy jyly Jambyl oblysy aýmaǵyndaǵy 692 sha­qyrym avtomobıl joldaryn jóndeý josparlanýda eken. Berdibek Sapar­baevtyń aıtýynsha, 668 shaqyrym avtojol ortasha jóndeýden ótip, 6,1 sha­qy­rym­­dyq jol qaıta jańar­tyl­sa, 18 shaqyrymdyq jańa jol salynady. Sondaı-aq jolaýshylar tasymalynyń sapasyn arttyrý maqsatynda 100 jańa avtobýs satyp alý, elektrondy bıletteý júıesin engizý de josparlanǵan.

Osy ýaqytqa deıin turǵyndar úshin aýyz sý úlken másele bolyp kel­di desek,­ bıyl 70-ten astam aýyl aýyz­ sý­men qamtamasyz etil­mek. Bul tur­ǵyn­­dar­dy taza aýyz sýmen qam­tamasyz etý kór­setkishin 57,3 paıyzdan 77 pa­ıyz­ǵa deıin jetkizýge múm­kin­­dik be­redi. Son­daı-aq oblys ákimi 48 myń turǵy­ny bar 35 eldi mekendi gazdan­dy­rý ju­my­synyń júrgiziletinin de jet­­­kizdi. Sony­men qatar bıyl oblys­ aýmaǵynda ba­lama ener­­­gııa kóz­­de­rin óndiretin tórt stan­sa­­ny is­ke qosý josparlanyp otyr. Aǵym­daǵy jyly Jambyl obly­synda 14 jańa mek­tep saly­nyp, 3 oryn tap­­shy­ly­ǵy bar, 1 apatty jáne 1 úsh aýy­sym­­dy mek­teptiń máselelerin sheshý jos­­­parlanýda. Bıyl 285 mektep jyly sa­nıtarlyq júıelermen jab­dyq­­talady. Nátıjesinde, bul másele to­­lyq sheshiledi. Barlyq mektep beı­ne­­­­baqylaý júıesimen qamtylady. Den­­­saýlyq saqtaý salasynda 18 je­del­ jár­dem kóligin satyp alý, me­dısı­­na­lyq jabdyqtaý deńgeıin 92 paıyz­ǵa jet­kizý, mindetti áleýmettik me­dı­sına­lyq saqtandyrýdy engizý boıyn­sha ju­mysty belsendi jalǵastyrý jos­­par­lanýda jáne óńirde 91 sport alań­sha­sy salynady. 1200-den astam jasqa grant berilip, jeńil atletıkalyq jáne gım­nastıkalyq manejder qury­lysy bastalady.

Turǵyndardyń deni negizinen turǵyn úı, jol salý, aýyz sý, gaz tartý másele­lerin aıtty. Shý aýdanynyń turǵyny Tursynbaı Abdýllaev Shý vokzalynan kúnine 40 shaqty poıyzdyń ótetinin, alaıda kelesi jolǵa jetý ásirese qart kisiler úshin qıyn ekenin aıtyp, ákimnen osy máseleni sheship berýin sura­dy. Jambyl aýdanynyń tur­ǵyny Jambyl Baımahanov jer­lerdi jekemenshikten qaıta­ryp alý máselesin kóterse, Mo­­­ıyn­qum aýdanynan kelgen Jam­byl Aǵybaev Talas gazy­nyń Mo­ıynqum men Talas aýdan­da­­rynyń ortalyǵynan shyǵyp jat­qanyn, alaıda áli kúnge deıin Mo­ıynqum aýdanynda kógildir otyn joq ekenin jetkizdi. Al Baı­zaq aýdanynyń turǵyny Saha Mana­tov Baızaq, Merki, Shý aýdan­da­rynan 102 sha­rýanyń qant qyzylshasynyń máselesimen qala­ǵa kelgenin aıtyp, qant qy­zyl­­shasyn egýshilerge qol­daý bolsa degen nıetin jetkizdi. So­ny­­­men qatar Taraz qalasynyń tur­­ǵyny Dosjan Narbekov «Kóktem» turǵyn úı ala­bynda 5 jyl buryn jeke qarjy­ǵa jaryq tart­­qanyn, endi onyń baǵana­la­ry qulap jatqanyn, sý da joq ekenin jetkizdi.

Turǵyndardy tyńdaǵan B.Sapar­­baev kópshiliktiń kóter­gen máse­lesine zerdeleý jumys­ta­ry júrgiziletinin, esh­qandaı másele nazardan tys qalmaı­ty­nyn aıtty. Al kópshiliktiń «Kóp ba­laly analarǵa baspana salyp berý má­selesi jalǵasyn taba ma?» degen saýa­lyna ákim «Kóp ba­laly analardy qoldaý úshin bul jumystardy jalǵas­ty­ra­myz», dep jaýap berdi.

 

Jambyl oblysy

 

Sońǵy jańalyqtar

2 mlrd túp aǵash qalaı otyrǵyzylady

Ekologııa • Búgin, 18:18

Rıdder qalasynyń jańa ákimi taǵaıyndaldy

Taǵaıyndaý • Búgin, 16:48

Bastaýdaǵy bereke

Aımaqtar • Búgin, 15:48

Qumdaǵy turaq qazanda qazylady

Aımaqtar • Búgin, 15:08

Tutastyqtyń tuǵyr dińi

Aımaqtar • Búgin, 14:57

"Damýmen" birge damıdy

Aımaqtar • Búgin, 13:30

Asar shaǵynaýdanynda 100 otbasy jumyspen qamtyldy

Ońtústik Qazaqstan • Búgin, 10:31

Ombyda Abaı úıi ashyldy

Abaı • Búgin, 10:20

Nobel syılyǵy onlaın tabystalady

Álem • Búgin, 09:46

Altyn arzandaıdy

Álem • Búgin, 09:40

23 qyrkúıekke arnalǵan aýa raıy boljamy

Aýa raıy • Búgin, 09:27

Uqsas jańalyqtar