Aımaqtar • 20 Aqpan, 2020

Jambyl oblysy: 34 tártip buzýshylyq anyqtalǵan

33 retkórsetildi

О́tken jyly Jambyl oblysynda orman sharýashylyǵy jáne janýarlar dúnıesin qorǵaý jónindegi «Ulanbel» mekemesi qurylǵan bolatyn.

Sonymen qatar elimizdiń «Qyzyl kitabyna» engizilgen ósimdikter men janýarlardy jáne bıoresýrstardy qorǵaý úshin qurylǵan erekshe qorǵalatyn tabıǵı aýmaqtardyń 10 ýchaskesi bar. Erekshe qorǵalatyn tabıǵı aýmaqtyń jalpy aýdany 4,0 mıllıon gektardan asady.

Jalpy, óńirdiń erekshe qorǵalatyn tabıǵı aýmaǵynda qulan, arqar, dýadaq, qońyr aıý, sileýsin, qar barysy jáne taǵy da basqa 17 túrli ańdar men qustar meken etedi. Sondaı-aq, bul aýmaqtarda berqara terek, qyzǵaldaq, sıvers almasy jáne basqa da ósimdik túrleri ósedi. «Qyzyl kitapqa» engizilgen janýarlar men ósimdikter memlekettiń qorǵaýynda. 

Alaıda Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasy basshysynyń orynbasary Talǵat Toǵyzbaevtyń aıtýynsha, ótken jyly «Qyzyl kitapqa» engizilgen ósimdikter men janýarlarǵa baılanysty zańsyzdyqqa jol berilmegenmen, ań aýlaý, balyq aýlaý sııaqty 34 tártip buzýshylyq anyqtalǵan. «Tártip buzýshylarǵa 1247,1 myń teńge ákimshilik aıyppul salyndy. Atalǵan ınspeksııa tabıǵat qorǵaý zańnamasynyń saqtalýyna 69 tekserý júrgizip, tekserý nátıjeleri boıynsha mekeme basshylaryna anyqtalǵan kemshilikterdi joıý úshin 15 mindetti nusqama berildi. Tekserý mekemeleriniń basshylaryna orman zańnamasyn buzýǵa jol bergen laýazymdy tulǵalardy jaýapkershilikke tartý týraly 9 usynys engizildi», deıdi ol.

Sonymen qatar tártiptik jaýapkershilikke 21 laýazymdy tulǵa tartylǵan. Onyń ishinde 5 orman sharýashylyǵy mekemeleriniń basshylary men 2 orynbasar laýazymyndaǵy tulǵalar bar.

 

Jambyl oblysy

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar