Sport • 20 Aqpan, 2020

MMA: Jalǵas Jumaǵulov UFC-de óner kórsetedi

44 retkórsetildi

Qazaqstandyq sportshy, erejesiz jekpe-jektiń jas sheberi Jalǵas Jumaǵulov osy sport túri boıynsha álemdegi eń beldi uıym – UFC-men kelsimshartqa otyrdy.

31 jastaǵy qandasymyzdyń júrip ótken jeńisti joly jankúıerlerdiń kóz aldynda. Túrli promoýshenderdiń týy astynda ol 16 jekpe-jek ótkizip, 13 ret jeńiske jetti. Ásirese, Jalǵas Fight Nights Global uıymynyń muryndyq bolýymen ótken jarystarda ózin jaqsy qyrynan kórsetip, chempıondyq ataqqa qol jetkizdi. Dúbirli dodalarda Tagır Ulanbekov, aǵaıyndy Artýr men Álı Bagaýtdınov syndy Qap taýy qyrandaryn jaqsylap turyp sabaǵanyn jankúıerler umyta qoıǵan joq.

Búgin Jalǵas Jumaǵulovtyń menedjeri Saıat Ábdirahmanov óziniń ınstagramynda osy qýanyshty jańalyqpen bólisti. Osylaısha, Qazaqstannyń ekinshi sportshysy UFC-de kúsh synasatyn boldy. Buǵan deıin aıtýly uıym Shavqat Rahmonovpen kelsimshartqa otyrǵan.   

 

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar