Ekonomıka • 21 Aqpan, 2020

Munaı men kondensat óndirý deńgeıi turaqty

39 retkórsetildi

«QazMunaıGaz» ulttyq kompanııasy» AQ 2019 jyldyń óndiristik nátıjelerin jarııalady.

О́tken jyly munaı men kondensat óndirý deńgeıi turaqty bolyp, 23 618 myń tonnany nemese Qazaqstan boıynsha barlyq óndirý kóleminiń 26 paıyzyn qurady. Kásiporyn alǵash ret PRMS halyqaralyq standarttaryna sáıkes ázirlengen qor nátı­jelerin jarııalap otyr. QMG-nyń dáleldengen jáne yq­tımal kómirsýtegi qory 2019 jyldyń 31 jeltoqsanynda munaı ekvı­va­lentinde 676 mln tonnany (5 220 mln meb) qurady. Munaı men gaz tasymaldaý segmenti turaqty jaǵdaıdy kórsetýde. Aıtalyq, kompanııanyń qubyr jelileri arqyly 78 066 myń tonna munaı jáne 103 494 mlrd tekshe metr gaz tasymaldandy.

QMG Qazaqstannyń ishki naryǵynyń ashyq tústi munaı ónimderine suranysyn tolyq ótedi. Artylǵan kólemi Eýropa men Ortalyq Azııa naryqtaryna eksportqa shyǵaryldy. Kompanııa ashyqtyqty qoldaıtynyn rastaı otyryp, alǵash ret parnıktik gaz­dardyń shyǵaryndylary týra­ly esepti jarııalady. Esep klı­mat­tyń ózgerýine beıimdelý jónin­degi QMG-nyń jetistikteri men jos­parlaryn ashyp kórsetedi.

«2019 jyl kásiporyn úshin tabysty bolǵanyn habarlaı­myn. Biz qaýipsizdik máselelerin qashanda basty nazarda ustap, munaıdy barlaý men óndirý, tasy­maldaý jáne óńdeý baǵyt­tarynda qyzmetimizdi jalǵastyr­dyq. Sonyń nátıjesinde Qa­zaq­stannyń ulttyq munaı-gaz salasyndaǵy kóshbasshy kom­panııa ekenimizdi taǵy da dálel­dedik. Negizgi múddeli tarap­tardyń senimi kompanııa már­tebesin saqtap turýda mańyz­dy ekenin aıryqsha atap óte­miz. Bul rette múddeli tarap­tar úshin kiristi barynsha kóbeıtý jónindegi strategııamyzdy júzege asyrýda edáýir nátıjege qol jetkizdik. QMG úshin bıznesti jaýapkershilikpen júrgizý jáne adamdar men qorshaǵan ortaǵa qamqorlyq tanytý árdaıym basymdyqqa ıe ekenin málimdeımiz», dedi «QazMunaıGaz» UK AQ basqarma tóraǵasy Alık Aıdarbaev.

Byltyrǵy jyldyń óndiristik nátıjelerine toqtalar bolsaq, kómirsýtek shıkizatyn óndirý boıynsha QMG-nyń munaı men gaz kondensatyn óndirý kóle­mi táýligine 485 myń barrel­di qurap, ótken jylmen salys­tyrǵanda ózgerissiz qaldy. Ilespe jáne tabıǵı gazdy óndirý kólemi 3,9 paıyzǵa ósip, 8 455 mln tekshe metrdi qurady. Teńiz, Qashaǵan, Qarashyǵanaq sııaqty iri joba­lardyń munaı jáne ilespe tabıǵı gazdy óndirý kólemindegi QMG úlesi tıisinshe 8 142 myń tonnany (táýligine 178 myń barrel) jáne 5 819 mln tekshe metrdi qurady.

Teńiz munaı óndirý kó­le­­mindegi QMG úlesi 4,1 paıyz­ǵa, 5 958 myń tonnaǵa deıin (táý­­­ligine 130 myń barrel) ul­ǵaıdy, al gaz óndirý 4,2 pa­ıyz­ǵa 3 258 mln tekshe metr­ge deıin ósti. Kúrdeli jóndeý júr­­gizý úshin óndirý prosesiniń toq­tatylǵanyna qaramastan, kólemniń ulǵaıýy jumystyń turaq­tylyǵyna jáne KTJ/ShGA/EBZ zaýyttary (keshendi-tehnologııalyq jeli/ shıki gazdy aıdaý/ ekinshi býyn zaýyty) beriktiginiń artýyna baılanysty boldy. О́tken jyly 1 tamyz ben 9 qyrkúıek aralyǵynda Teńizde KTJ1 zaýytynda 40 kúnge sozylǵan josparly kúrdeli jóndeý jumystary júrgizildi.

Qashaǵan ken ornynda munaı óndirý kólemindegi QMG úlesi 6,9 paıyzǵa, 1 169 myń tonnaǵa deıin (táýligine 25 myń barrel) artty. Tabıǵı jáne ilespe gazdy óndirý kólemi 10,4 paıyzǵa ósip, 700 mln tekshe metrdi qurady. Munaı jáne gaz óndirý kólemi 2019 jyldyń 14 sáýiri men 19 mamyry aralyǵynda jerústi jáne teńiz keshenderinde kúrdeli jóndeý júrgizý jáne paıdalaný koeffısıentin 98,4 pa­ıyzǵa deıin arttyrý aıasynda júrgizilgen jumystardyń ná­tı­jesinde artty. 2019 jyly Qa­shaǵanda óndirý eń joǵary kór­­set­kishke jetip, táýligine 400 myń­­­­­ǵa jýyq barreldi qurady. Al 2019 jyl­dyń IV toqsanyndaǵy ortasha táýliktik óndirý deńgeıi táýligine 344 myń barreldi qurady. Qashaǵan ken ornynda alǵash ret barlyq óndiristik nysandar tolyq toqtatylyp, kúrdeli jóndeý jumystary sátti aıaqtaldy.

Operasııalyq aktıvterdiń munaı men gaz óndirý kólemindegi QMG úlesi shamaly azaıyp, tıisin­she, 15 476 myń tonna (táý­ligine 307 myń barrel) jáne 2 636 mln tekshe metrge de­ıin tómendedi. Operasııalyq aktıv­terdegi óndirý kóleminiń tómen­deýi negizinen Qazgermunaı jáne PetroQazaqstan ken oryndarynda óndiristik josparǵa saı óndirý deńgeıiniń sáıkesinshe 17,7 jáne 15,5 paıyzǵa tabıǵı jolmen tómendeýine baılanysty boldy.

2019 jyly QMG jeke ózi óndirgen munaı men gaz kondensatyn satý kólemi ótken jylmen salystyrǵanda ózgergen joq jáne 23 509 myń tonnany qurady. Onyń 70%-y eksportqa shyǵaryldy. Al ishki naryqqa ózi óndirgen munaıdy jetkizý kólemi 7 130 myń tonnany (keıinnen mu­naı ónimderin ótkizý úshin 6 672 myń tonna kóleminde shıki munaı jetkizýdi qosa alǵanda) qurady.

 

 

Sońǵy jańalyqtar

Sımptomsyz sybaılastyq

Qoǵam • Keshe

Uqsas jańalyqtar