Qazaqstan • 21 Aqpan, 2020

Eljan Birtanov Qytaı elshisimen kezdesti

122 retkórsetildi

Densaýlyq saqtaý mınıstri Eljan Birtanov Qytaı Halyq Respýblıkasynyń Qazaqstandaǵy Tótenshe jáne О́kiletti elshisi Chjan Sıaomen kezdesti. Bul týraly Densaýlyq saqtaý mınıstrliginiń baspasóz qyzmeti habarlady.

 

Kezdesý barysynda taraptar koronavırýs boıynsha qazirgi epıdemıologııalyq jaǵdaıdy jáne vırýstyń taralýyna qarsy júrgizilip jatqan sharalarǵa qatysty birqatar máseleni talqylady. Elshi Chjan Sıao Qazaqstandaǵy vırýstyń aldyn alý jumystaryn joǵary baǵalady.

- Jańa koronavırýs qansha qaýipti  bolsa da, biz ony emdeı alamyz. Jeńistiń aýyly alys emes ekenine senimdimin.  Biz jaýapkershilikti, birinshi kezekte, kórshi elder aldyndaǵy  jaýapkershilikti jaqsy túsinemiz. Qazaqstan - Qytaıdyń basty saýda-ekonomıkalyq seriktesteriniń biri. Jáne Qazaqstan Úkimeti koronavırýsqa qarsy kúres boıynsha ýaqytyly jáne der kezinde  óte durys sharalar  qabyldady, – dedi dıplomat.

Elimizdiń Densaýlyq saqtaý mınıstri Eljan Birtanov ta Qytaı halqyna qoldaý bildirdi.

- Qytaı halqynyń atalǵan vırýspen kúres jolyndaǵy  erligin joǵary baǵalaımyz. Ásirese, Qytaıdyń medısınalyq qyzmetkerleriniń batyldyǵy men óz jumysyna  jan-tánimen berilgendigin  erekshe atap ótkim keledi, olar  myńdaǵan adamdardy qutqarýda. Siz arqyly  qytaılyq áriptesterime alǵys aıtqym keledi. Biz barsha  dárigerlerge, árıne, dostas Qytaı halqyna talmas  shydamdylyq pen eldegi epıdemıologııalyq jaǵdaıdyń erterek  jaqsarýyn tileımiz, - dep túıindedi óz sózin vedomstvo basshysy.

Taraptar koronavırýsqa qarsy kúresti  jáne onyń  Qazaqstanda taralýyna  jol bermeý  jónindegi birlesken jumysty jalǵastyrýǵa kelisti.  

 

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar