Taǵaıyndaý • 21 Aqpan, 2020

Rústem Dáýlet Qordaı aýdanynyń ákimi bolyp taǵaıyndaldy

161 retkórsetildi

Prezıdent Ákimshiligi jáne aýdandyq máslıhat depýtattarynyń kelisimimen Jambyl oblysy Qordaı aýdanyna ákim bolyp Rústem Dáýlet taǵaıyndaldy.

Jambyl oblysynyń ákimi Berdibek Saparbaev jańa ákimdi aýdan aktıvine tanystyrdy.

О́ńir basshysy jańa ákimge aýdannyń áleýmettik-ekonomıkalyq damýy, zańdylyq pen quqyqtyq tártipti saqtaý, qoǵamdaǵy birlik pen kelisimdi nyǵaıtý boıynsha birqatar mindet júktedi.

«Biz aýdandaǵy turaqtylyq pen qaýipsizdikti qamtamasyz etý úshin jaǵdaıdy qolǵa aldyq. Bul - Memleket basshysynyń tapsyrmasy. Zań buzǵandar jaýap beredi», - dedi B. Saparbaev.

Sondaı-aq aýdannyń jańa basshysyna kóktemgi egis jumystaryna daıyndyq barysyn baqylaýǵa alý, bilim jáne medısınalyq qyzmet kórsetý sapasyn jaqsartý, jastar arasynda tárbıe jumysyn kúsheıtý boıynsha tıisti sharalar qabyldaýdy tapsyrdy.

Sonymen qatar Berdibek Saparbaev aýdan turǵyndaryn alyp-qashpa áńgimeler men arandatýǵa senbeı, tek resmı aqparat kózderine senim artýǵa shaqyrdy.

Rústem Rysbaıuly Dáýlet 1974 jyly Jambyl oblysynda týǵan. Bilimi joǵary, 1996 jyly Jambyl joǵary kásipkerlik mektebin «kásipker-marketolog», 2003 jyly Qazaqstan Respýblıkasy Prezıdenti janyndaǵy Memlekettik basqarý akademııasyn «Memlekettik basqarý», 2010 jyly M.H.Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha bitirgen.

Eńbek jolyn 1994 jyly «Bostandyq» aksıonerlik qoǵamynda qarapaıy jumysshy bolyp bastaǵan.

Ár jyldary Talas aýdany Bostandyq aýyldyq okrýgi ákiminiń orynbasary, ákimi, Qarataý qalasy ákiminiń orynbasary, Qazaqstan Respýblıkasy Parlamenti Senaty Apparatynyń keńesshisi, Qazaqstan Respýblıkasy Indýstrııa jáne saýda mınıstrliginiń Saýda komıtetiniń basqarma bastyǵy, «ALIT» JShS bas dırektorynyń orynbasary, Qazaqstan Respýblıkasy Parlamenti Senaty tóraǵasy orynbasarynyń kómekshisi, Qazaqstan Respýblıkasy Parlamenti Senaty depýtatynyń kómekshisi, Jambyl aýdany ákiminiń orynbasary, Jambyl jáne Shý aýdandarynyń ákimi, Taraz qalasynyń ákimi qyzmetterin atqarǵan.

2018 jyldyń sáýir aıynan bastap Jambyl oblysy ákiminiń keńesshisi, 2019 jylǵy sáýirden bastap Jambyl oblysy ákimi apparatynyń basshysy qyzmetin atqaryp keldi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar