Aımaqtar • 24 Aqpan, 2020

Jemisten chıps jasaıdy

64 retkórsetildi

Búginde kásipkerlikpen aınalysýǵa nıetti jastarǵa memleket tarapynan kórsetilip otyrǵan qoldaý kóp. Turǵyn­dardyń tirligin tikteýge, násibin kásipten tabýǵa arnalǵan jobalar aýylda turyp ta alǵa basýǵa múmkindik beredi.

Elimizdegi «Bastaý-Bıznes» jobasy aıasynda oqyǵan Gúl­faırýz Rahmetova chıps óndirýdi qolǵa alǵan. Baızaq aýdanynyń Qumjota aýylynda turatyn jas ká­sipker 29 jasqa deıingi qaı­tarymsyz grantty jeńip alyp, memleket tarapynan beril­gen 1,5 mıllıon teńgege kókónis­terdi keptiretin apparat satyp alypty. Qazir úıinen túrli jemisterdi keptirip, chıps shyǵarýda.

 Ol ónimderdi alma, apelsın, kıvı, ananas sekildi jemisterden jasaıdy. Esh qospasyz, tabıǵı ónimderdi óndirýdegi maqsaty – ózin-ózi jumyspen qamtý arqyly otandyq kásipkerlikti damytý. «Alma jáne apelsın sııaqty jemisterdi Baızaq aýdanynan alamyz. Búginde tutynýshylar tarapynan az bolsa da tapsyrys túsip jatyr. Eger otandyq ónimge degen suranys jaqsy bolsa, bir kúnde 200 qorapqa deıin chıps shyǵaryp berýge daıynmyn. Bul ónim ásirese dıeta ustaıtyn azamattar men balalarǵa óte paıdaly. Eshqandaı hımııalyq qospasy joq, taza ónim», deıdi Gúlfaırýz Rahmetova.

 Jas kásipker shyǵarǵan ónim­derin ázirge ınstagram áleýmettik jelisi arqy­ly jar­­namalap satýda eken. De­gen­­men, ol Taraz qalasyn­daǵy iri saýda núktelerine ónimdi ótkerý qıynǵa soǵyp turǵanyn da jasyrmady. Dúken sórelerinde sheteldiń shyǵarǵan ónimderi samsap turǵanymen, shynynda da otandyq ónimder az kezdesedi. Bul rette memlekettiń qol­daýyn kórip otyrǵan Gúlfaı­rýz Rahmetova endi óńirde otan­­­dyq ónimder toptas­ty­ryl­ǵan dúkender jelisi qu­ryl­sa eken degen de tilegin jet­­kizdi. «Sonda ózimizden shy­­ǵa­tyn ónimderdiń bári bir jer­­de satylyp, halyqtyń da sura­­ny­syna ıe bolar edi», deıdi ol.

 

Jambyl oblysy

 

Sońǵy jańalyqtar

Uqsas jańalyqtar