Saıasat • 24 Aqpan, 2020

Tıimdi dıologqa jol ashady

24 retkórsetildi

Mıtıng týraly jańa zań jobasynda birqatar mańyzdy máseleler qarastyrylǵan. Ol beıbit jınalys, mıtıng, pıket, jınalys, demonstrasııa, sherý sekildi uǵymdardyń mánin naqtylap, olardyń aıyrmashylyqtaryn kórsetip bermek.

Mundaı qadamnyń artyqshylyǵy mol. О́ıtkeni qazirgi tańda osy uǵymdardyń ara-jigin bylaıǵy jurt bile bermeıdi. Máselen, búginde mıtıng atalyp júrgen beıbit jınalystardyń keıbiri demonstrasııa bolsa, kelesisi – sherý. Onyń ústine, mıtıng retinde bastalǵan keı jıyndardyń sońy demonstrasııaǵa ulasyp ketedi.

Budan bólek, jańa zań jobasynda mıtıngti uıymdastyrýshynyń, qatysýshylardyń jáne jýrnalısterdiń mártebesi, quqyqtary men min­detteri belgilenbek. Qazirgi qoldanystaǵy zańda olardyń aıyrmashylyqtary naqty kórsetilmegen. Joǵaryda aıtylǵan mindetter men mártebe naq­tylansa, sherýshiler men bılik arasynda naqty dıalog ornatýǵa mol múmkindik bermek.

Zań jobasynda qarastyrylǵan taǵy bir erekshelik – beıbit jıyndy habarlama berý arqyly ótkizý tártibi engizilmek. Buǵan deıin ákimshilik organdardan arnaıy ruqsat alý qajet bolatyn. Endigi jerde, mıtıngtiń maqsaty, ótkiziletin jeri sekildi málimetterdi habarlasa jetkilikti.

Bul – halyqaralyq tájirıbe. Kóptegen damyǵan elde mıtıng ótkizý úshin jaýapty mekemege habarlasa jetkilikti. Quqyq qorǵaý qyzmetkerleri men ákimshilik ókilderi beıbit jıyn ótkizýge búkil jaǵdaı jasap berýi tıis. Máselen, sherý kezinde kóshelerdi jaýyp, oǵan qatysýshylardyń qaýipsizdigin qamtamasyz etý kerek.

Qysqasha aıtqanda, mıtıngti ótkizý jáne onyń qaýipsizdigin qamtamasyz etý eń áýeli halyq úshin jáne bılik úshin qajet. Osyndaı beıbit jıyndar arqyly bılik turǵyndardyń muń-muqtajyn tyńdaıdy. Soǵan baılanysty sheshim qabyldaıdy. Al halyqtyń mıtıng ótkizýine tosqaýyl qoıý ishtegi renishti arttyra bermek. Mundaı jaǵdaıdyń saldary aýyr bolatynyn tarıh dáleldep berdi.

Osy turǵydan alyp qaraǵanda, Memleket basshysy Qasym-Jomart Toqaevtyń mıtıngterdi ótkizý tártibin qaıta qaraý jónindegi tapsyrmasy ýaqtyly jasalǵan sheshim dep aıtýǵa tolyq negiz bar.

 

Jambyl AHMETBEKOV,

Májilis depýtaty, Qazaqstan kommýnıstik halyq partııasy ortalyq komıtetiniń hatshysy

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar