Parlament • 24 Aqpan, 2020

S.Jaqsybekov: Jeńil ónerkásip salasy tereń zertteýdi talap etedi

14 retkórsetildi

Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń depýtattary Shymkent qalasynda kásipkerlermen jáne «Qazaqstannyń ınvestısııalyq qory», «Shymkent» ÁKK» aksıonerlik qoǵamdary men «Atameken» óńirlik kásipkerlik palatasynyń basshylarymen kezdesti. Bul shara «Qazaqstannyń jeńil ónerkásibi: joǵary ónimdi bıznestiń qazirgi jaı-kúıi jáne damý keleshegi» taqyryby boıynsha parlamenttik tyńdaýlarǵa daıyndyq aıasynda ótken bolatyn. Bul týraly Parlament Senatynyń baspasóz qyzmeti habarlady.

Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Serik Jaqsybekov bastaǵan jáne depýtattar Manat Kóbenov pen Álimjan Qurtaev quramyna engen jumys toby Shymkent qalasyndaǵy birqatar kásiporyndarda boldy.

Senatorlar jumys sapary aıasynda «Gaýhar» tigin fabrıkasy men tolyq sıkldi «AZALA Textile» toqyma kombınatynyń jumysymen tanysty. «Gaýhar» tigin fabrıkasy búgingi tańda Qazaqstandaǵy arnaıy kıim men áskerı jáne mekeme úlgisindegi, mektepke arnalǵan kıimdi, úıde paıdalanatyn toqyma ónimderin shyǵaratyn iri óndiris oryndarynyń biri bolyp tabylady.

«AZALA Textile» kásipornynyń dırektory elimizde toqylatyn AZALA Textile matalaryna ishki naryqqa qaraǵanda Italııada nemese Germanııada suranys kóbirek ekenin atap ótti. Kombınat ónimderiniń 90%-y eksportqa jiberiledi.

Senat depýtattary toqyma jáne tigin ónerkásibin damytý úshin jaǵdaı jasaý maqsatynda qurylǵan «Ońtústik» arnaıy ekonomıkalyq aımaǵynda da boldy. Depýtattar arnaıy ekonomıkalyq aımaqta «AZALA Cotton», «Bal Tekstıl» jáne «AGF-grýpp» seriktesteriniń jumysymen tanysty. Senatorlar óndiris oryndaryndaǵy barlyq sehtardy aralady jáne olarǵa osynda shyǵarylatyn ónimder ǵana emes, sonymen qatar kásiporyn jumysynyń barlyq prosesi kórsetildi.

1

Shymkent qalasynyń kásipkerlerimen bolǵan kezdesýde senatorlar jeńil ónerkásip sektoryndaǵy bıznestiń negizgi máselelerin talqylady.

Senat depýtaty Serik Jaqsybekov jeńil ónerkásipti damytý Qazaqstandaǵy basym baǵyttardyń biri ári halyqty jumyspen kóbirek qamtýda áleýmettik máni zor ekenin atap ótti. Sondyqtan da jeńil ónerkásiptiń osy salasy kásiporyndardyń jumys prosesinde týyndaıtyn negizgi problemalardy tereń zerdeleýdi jáne jan-jaqty taldaýdy talap etedi. Depýtattar shyǵarylatyn ónimniń sapasy baǵasyna sáıkes kelýi ári básekege qabiletti bolýy kerektigin jáne ár kásiporyn óz ónimderiniń sapasyn jaqsartý úshin múmkindikter izdeýge múddeli bolýy tıis ekenin atap ótti.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar