Qazaqstan • 24 Aqpan, 2020

Bıyl elimizde joldardy jabý eki esege kóbeıgen

18 retkórsetildi

Qysqy kezeńniń bastalysymen aýa raıynyń qolaısyz jaǵdaılary Qazaqstan joldarynda qozǵalysty shekteýdiń 800-den astam oqıǵasyna sebep boldy. Bul kórsetkish ótken jyldyń sáıkes kezeńimen salystyrǵanda 2 esege artyp otyr. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Osylaısha, joldaǵy jaǵdaıdyń kórinbeýinen qozǵalysqa shekteý 572 ret engizilse, kóktaıǵaq kesirinen kólik basqarýshylar saparǵa 112 ret shyǵa almady. 15 jaǵdaıda joldardaǵy qozǵalys aýa temperatýrasynyń tómendigine, 6 jaǵdaıda josparly jóndeý jumystarynyń júrgizilýine jáne qar kóshkininiń qaýip tódirýine, 114 jaǵdaıda kórshi óńirlerdegi avtomobıl joldarynyń jabylýyna baılanysty shekteldi.

Osy qysqy kezeńde joldar kóbine Shyǵys Qazaqstan oblysynda jabyldy. Qozǵalysqa shekteýler 186 ret engizilgen. Ekinshi orynda Aqmola oblysy. Munda joldar 156 ret jabyldy. Al Aqtóbe oblysynda joldardaǵy qozǵalysqa 108 ret shekteý engizilipti.

Aıta ketý kerek, elimizde sary, qyzǵylt sary jáne qyzyl sııaqty avtomobıl joldaryndaǵy qozǵalys qaýiptiliginiń 3 deńgeıi bar. Sary deńgeı kezinde avtomobıl joldarynyń qaýipti ýchaskelerinde tirkemeleri bar júk kólikteriniń ǵana qozǵalysyna, qaýiptiliktiń qyzǵylt sary deńgeıinde dızeldi jáne qoǵamdyq kólikterdiń qozǵalysyna shekteý qoıylady. Qyzyl deńgeı kezinde adam shyǵynynyń joǵary yqtımaldyǵyna baılanysty qozǵalys kólikterdiń barlyq túrleri úshin jabyq bolady.

Osylaısha, qabyǵy juqa shyny tárizdi kóktaıǵaq, kóriný 50 metrge deıin tómendegen jaǵdaıdaǵy tumandar, ortasha jyldamdyǵy sekýndyna 20 metr jáne sekýndyna 25 metr jetetin daýyldy jel kezinde joldar jabylady. Sondaı-aq, jyldamdyǵy sekýndyna kem degende 15 metrge jetetin jeli bar boran joldardaǵy qozǵalysty jabýdyń negizgi sebepterine jatady. Basqasha aıtqanda, qazaqstandyq landshaft jaǵdaıynda jel ekpini kóp kólemdegi qardy joldardyń qozǵalys bóligine kóshire alady. Ol osylaısha joldaǵy jaǵdaıdyń kórinýin tómendetip, kólikterdiń qozǵalýyna kedergi keltiredi. Budan bólek, joldardyń jabylýyna qalyń qardyń jaýýy, qar kóshkininiń júrýi, sý tasqyny, aýa temperatýrasynyń kúrt tómendeýi sebep bolady. Osylaısha, jazataıym oqıǵalar men tótenshe jaǵdaılardy boldyrmaý úshin avtokóliktiń jabyq jolǵa shyǵýyna qatań tyıym salynady. О́kinishke oraı, kóptegen júrgizýshiler óz ómirin qaýipke tigip, qaýipsizdik qyzmetteriniń eskertýin elemeıdi.

Sondaı-aq, eldi mekenderdegi aýa raıy jaǵdaıy avtomobıl joldaryndaǵy jaǵdaımen birdeı bola bermeıtindigin atap ótý qajet. Kóbine qala ishindegi shamaly jel tasjoldarda jol qyzmetteriniń jumysyn qıyndatatyn ekpindi boranǵa aýysady. Standarttarǵa sáıkes aýa raıy turaqtanǵannan keıin jolshylar kólik qozǵalysyn birinshi sanattaǵy joldarda 2 saǵattan keıin, ekinshi sanattaǵy joldarda 4 saǵattan keıin, 3 sanattaǵy joldarda 5-6 saǵat ishinde qamtamasyz etýi tıis.

Esterińizge sala keteıik, jalpylaı alǵanda, elimizde 24,9 myń shaqyrym avtojol qysqy kútip ustaýmen qamtylǵan. Onyń 20,4 myń shaqyrymy – «Qazaqavtojol» JShS teńgeriminde. 3,8 myń shaqyrymǵa qaıta jańartý jumystary júrip jatqan aýyspaly nysandarda merdigerlik uıymdar, al 682 shaqyrymǵa «QazAvtoJol» UK "AQ «Aqyly avtomobıl joldary dıreksııasy» jaýapty.

Jalpy respýblıkalyq mańyzy bar avtojoldar ýchaskelerin tazalaý jumystaryna kún saıyn 700-ge jýyq jol-paıdalaný tehnıkasy jumyldyrylady.

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar