Sport • 26 Aqpan, 2020

Qazaqstan UOK Bas Assambleıasynyń otyrysy ótti

20 retkórsetildi

Búgin  elordada Qazaqstan UOK Bas Assambleıasynyń otyrysy ótti. Kún tártibinde UOK negizgi basqarý organdaryn saılaý máseleleri qaraldy. Otyrysqa Qazaqstan UOK prezıdenti Tımýr Qulybaev, Premer-Mınıstrdiń orynbasary Eraly Toǵjanov, sonymen qatar, Ulttyq sporttyq federasııalardyń prezıdentteri men ókilderi qatysty.

UOK Jarǵysynyń erejelerine sáıkes, Bas hatshy jáne vıse-prezıdent laýazymdaryna úmitkerlerdi UOK prezıdenti usynysy boıynsha Sáken Musaıbekov bas hatshy bolyp qaıta saılandy. Sondaı-aq jıyn barlyq vıse-prezıdentter óz qyzmetterine qaıta saılandy. Atap aıtar bolsaq, Danııar Abýlǵazın UOK jalpy máseleler jónindegi vıse-prezıdenti, Asqar Mamın UOK-tyń qysqy sport jónindegi vıse-prezıdenti, Ádilbek Jaqsybekov UOK-tyń jazǵy sport jónindegi vıse-prezıdenti, Qaırat Boranbaev UOK paralımpıadalyq sport jónindegi vıse-prezıdenti jáne Andreı Krıýkov UOK halyqaralyq yntymaqtastyq jónindegi vıse-prezıdenti laýazymyna saılady.

«Qazaqstan UOK Atqarý komıteti men Tekserý komıssııasynyń saılanǵanyna 4 jyl ótti. Osy qysqa merzim ishinde Atqarýshy komıtet korporatıvtik prosesterdi júıeleý jáne retteý, sonyń ishinde memlekettik tapsyrmalardy oryndaý boıynsha tıimdi jumys júrgizdi. Endi bizdiń aldymyzda UOK-tyń kelesi eki olımpıadalyq kezeńindegi saıasatyn naqty anyqtaıtyn mańyzdy mindetter tur» dedi jınalysta UOK basshysy Tımýr Qulybaev.

UOK prezıdenti Atqarýshy komıtettiń jańa quramyna 2028 jylǵa deıingi strategııalyq jumys josparyn daıyndaýdy tapsyrdy. Olımpıada komıteti basshysynyń aıtýynsha, jospar tıimdi, túsinikti jáne eń bastysy, oryndalýy qajet.

2028 Strategııalyq jospary jumysynyń negizgi baǵyttary sport menedjmentin odan ári jetildirip, jastar men jasóspirimder quramalaryn qoldaý, sporttyq medısına, ǵylym jáne dopıngke qarsy kúres, buqaralyq sportty damytýǵa jáne eldegi olımpıadalyq qozǵalys dástúrlerin damytý bolýy kerek.

Sonymen qatar jıynda jastar quramasy týraly da sóz qozǵaldy. UOK basshysy qazirgi tańda qoldaýǵa laıyq daryndy jas sportshylardyń bar ekenin, qajet bolsa, eresekter men jastardy birge daıyndaý týraly biriktirilgen sheshim qabyldaý qajet ekenin de atap ótti.

Olımpıada komıtetiniń basshysy sporttyq medısınany damytý jáne sporttaǵy dopıngke qarsy kúres UOK pen ulttyq federasııalar jumysyndaǵy mańyzdy baǵyttyń biri bolyp qala beretinin atap ótti.

«Sporttyq dári-dármektiń qoljetimdi bolýy, ásirese, barlyq ulttyq qurama sportshylary men oblystyq jastar jáne eresekter quramasynyń reabılıtasııadan ótýi, jaraqattanǵan jáne aýyrǵan sportshylardy qalpyna keltirý – dopıngtiń aldyn alatyn negizgi shara. Taǵy esterińizge sala ketemin, biz taza sport úshin jáne dopıngke nóldik tózimdilik ustanymyn ustanamyz» dedi Tımýr Asqaruly.

 

 

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar