Aımaqtar • 27 Aqpan, 2020

Elimizdegi eń alyp kitap

67 retkórsetildi

Bıyl qazaq halqynyń ǵulama tulǵasy Abaı Qunan­baıuylynyń 175 jyldyǵy. Osy aıtýly dataǵa oraı úshinshi megapolıste birqatar taǵylymdy is-sharalar jalǵasyn tabýda. Sonyń biri retinde Shymkentte elimizdegi eń alyp kitaptyń tusaýy kesildi. Sóıtip salmaǵy 27 keli bolatyn kitap jaryq kórdi. Qalalyq bilim basqarmasyna qarasty №1 jalpy orta keshki mektebi men №167/3 túzetý mekemesiniń ujymy birlesip uly aqynnyń týǵan jerinde ótetin merekege erekshe syı jasady.

 

Kólemi men salmaǵy ja­ǵy­nan eli­mizdegi eń úlken ki­tapqa Abaıdyń qa­ra sózderi jınaq­talǵan. 24 betten tu­ratyn kitaptyń kólemi – 122 h 90 sm.

Kitaptyń tusaýkeser rásimi №167/3 túzetý mekemesinde ótti. Kesh­­ki mekteptiń ustazdar qaýymy aqyn­nyń óleńderin jatqa oqyp, poezııalyq kesh uıymdastyrdy. Ánnen shashý sha­shyp, ónerlerin or­taǵa saldy.

«Alyp kitap aldaǵy aptada Al­maty qalasynda or­nalasqan Qazaq­stan rekord­tar kitabyna tirkeýge jibe­riledi. Sertıfıkattalǵan qara sózder jınaǵy, odan soń, Abaıdyń týǵan eline jet­kizilmek», deıd­i mektep dırektory Isaq Asanov.

Sondaı-aq danyshpan mu­rasyn óskeleń urpaqqa úl­gi etýge arnalǵan is-sha­ra­lar­dyń estafetasy osy aptada qa­lalyq sotta jalǵasyn tapty. «Abaı – qazaq quqyǵy­nyń bilgiri» at­ty erekshe for­­mattaǵy is-sharada kemeń­gerdiń aǵartýshy, klassık qana emes, qara qyldy qaq jarǵan ádildigi de jańa qyrynan tanyldy.

Shymkent qalalyq so­tynyń tóraǵa­sy Erbol Ra­hym­bekov Abaı mu­rasynyń ózektiligi men mańyzdy­lyǵyn atap ótti. Basqosýda abaıtanýshy ǵalym, fılologııa ǵylym­darynyń kandıdaty Maqsat Áliphanuly, tarıh ǵylymdarynyń kandıdaty, dosent Barshagúl Isabek uly Abaı óleńderiniń rýhanı qundylyǵyn tanyta tústi. Fılosofııalyq áńgime­leri men qara sózderiniń mańyz­dylyǵyna keńinen toqtaldy.

Qalalyq, aýdandyq sot­tar­dyń tóraǵalary men sýdıalary, zııaly qaýym ókilderi, sot qyzmetkerleri qatysqan sharada J.Shanın atyn­daǵy qazaq-drama teatrynyń ak­teri, Qazaqstannyń mádenıet qaı­rat­keri Erkinbek Shymyr­qulov Abaı­dyń ulttyń minezin ózek etken qara sózderinen úzin­di oqysa, Qazaq­stannyń eń­bek sińirgen ártisi Qur­man­baı Shoıynbaev Abaı ánderin oryndady. Sonymen qatar jas­tar da aqyn óleńderin oqyp, belsendilik tanytty.

Elbasynyń «Rýhanı jań­ǵyrý» baǵdarlamasy aıasynda uıymdas­tyrylǵan is-sha­rada stýdentter, JOO-nyń oqytýshylary uly aqyn­nyń rýhanı qazynasymen jan-jaqty­ly tanysýǵa múmkindik aldy.

 

Shymkent

 

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar