Qazaqstan • 27 Aqpan, 2020

Statıstıka: Elimizde 18 zoobaq jumys isteıdi

19 retkórsetildi

2019 jyldyń qorytyndysy boıynsha Qazaqstanda 18 zoobaq jumys isteıdi, onyń 11-i – janýarlardy ustap kórýge múmkindik beretin mekeme. Bul týraly energyprom.kz habarlady.

2019 jyly Qazaqstan haıýanattar baǵyndaǵy janýar túrleriniń jalpy sany 16,6 myń boldy, bul 2018 jylmen salystyrǵanda 5,2% az.

2018 jyly elimizde 20 haıýanattar baǵy bolǵan. О́tken jyly zoobaqtarǵa 1,7 mıllıon adam barǵan, tamashalaýshylar sany bir jylda 2,6% artyp otyr.

О́rkenıetti elderdiń kópshiliginde osyndaı haıýanattar baǵynda jabaıy janýarlardy asyraýǵa tyıym salýda, sondaı-aq janýarlardyń tamaqtanýy jáne olardy ustaý jaǵdaılaryna qatysty erejeleri de bar.. Qazaqstanda ázirge mundaı zań joq, alaıda jabaıy haıýandardy zoobaqtarǵa alýǵa tyıym engizý máselesi kóterilýde.

2019 jyly elimizde zoobaqtardyń jalpy aýdany 100,3 gektar boldy, bul 2018 jylǵa qaraǵanda 1,2% kóp. Bul aýmaqtyń 56,3 myń sharshy metrinde ań-qus pen balyq túrlerine arnalǵan oryndar bar.

Shymkent

Respýblıka boıynsha Haıýanattar baǵyndaǵy aýdanynyń kóptigi jóninen Shymkent birinshi orynda, janýarlardy asyraýǵa arnalǵan aýdany – 21 myń sharshy metr. Almatydaǵy eki zoobaqtyń jalpy aýdany – 20,9 myń sharshy metr. Qaraǵandy oblysynda jalpy sany  tórt haıýanattar baǵy jumys isteıdi. Janýarlardy ustaýǵa arnalǵan aýdany – 8,2 myń sharshy metr.

Haıýanattar baǵyndaǵy janýar túrleriniń sany boıynsha Almaty alda: 383 túrli janýar bar. Onyń 75-i – sútqorekti, 118-i – qus.

Shymkent zoobaǵy bul jóninen ekinshi orynda: 266 túrli janýardyń 71-i – sútqorekti, 89-y – qus, 28-i – baýyrymen jorǵalaýshy, úsheýi – qosmekendi, 70-i – balyq, beseýi – omyrtqasyz.

Qaraǵandy oblysyndaǵy haıýanattar baǵynda 257 janýar túri bar, onyń 78-i – sútqorekti, 72-si – qus, 30-y – baýyrymen jorǵalaýshy, toǵyzy – qosmekendi, 58-i – balyq, 10-y – omyrtqasyz.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar