Aımaqtar • 27 Aqpan, 2020

AITV-ahýaldylardy kemsitýge jol berilmeıdi

41 retkórsetildi

Alda Kemsitýshilikke qarsy kúres kúni kele jatyr. Birikken Ulttar Uıymynyń AITV/JITS boıynsha Birikken baǵdarlamasynyń bastamasy boıynsha 1 naýryzda kemsitýshilikke qarsy kúres kúni atap ótiledi. Bıylǵy jyldyń urany – «Áıelder men qyzdarǵa qatysty kemsitýshiliktiń tolyq joıylýy».

Kemsitýshilik jáne genderlik teńsizdik JITS-qa qarsy kúrestegi áreketterge eleýli áser ete otyryp, áıelder men qyzdar úshin burynǵysynsha aıtarlyqtaı kedergige dýshar  bolyp otyr. Kemsitýshilikke qarsy kúres kúni qyz-kelinshekterge qatysty kemsitýshilikke negizdelgen problemalarǵa qoǵam nazaryn aýdarýǵa baǵyttalǵan. Aıta ketý kerek, áńgime AITV-men ómir súretin, transgenderli jáne seks ındýstrııasynda jumys isteıtin áıelderdi qosa alǵanda, barlyq áıelder týraly.

Kemsitýshilikke qarsy kúres kúniniń maqsaty – áıelderdiń densaýlyq saqtaý jáne bilim berý qyzmetterine teń qol jetkizýine kedergi keltiretin zańdyq jáne ekonomıkalyq kedergilerde kórinetin áıelder men qyzdarǵa qatysty kemsitýshilikterdi joıýǵa baǵyttalǵan jáne saıası erik qalyptastyrýdy kózdeıdi.

«AITV-nyń taralýyn toqtatý úshin, eń aldymen, medısınalyq mekemelerde kemsitýdi tolyq joıýǵa basa nazar aýdarý qajet. Bul AITV-ınfeksııasy indetiniń ósý qarqynynyń aıtarlyqtaı qysqarýyna yqpal etedi», – deıdi DSM Qazaq dermatologııa jáne ınfeksııalyq aýrýlar ǵylymı ortalyǵynyń dırektory Baýyrjan Baıserkın.

Qazaqstan Respýblıkasy AITV-ınfeksııasynyń osaldyǵyna áser etetin jáne medısınalyq qyzmetterge AО́A-nyń qol jetkizýine kedergi keltiretin faktorlardy joıý úshin sharalar qabyldaıdy.  Aýrýdyń sıpatyna baılanysty qandaı da bir kemsitýshilikke jol bermeý týraly memlekettiń kepildikteri Konstıtýsııa men Halyq densaýlyǵy jáne QR Densaýlyq saqtaý júıesi týraly Kodekste zańnamalyq deńgeıde bekitilgen.

Kemsitýshilikke qarsy kúreste jastarǵa erekshe kóńil bólinedi. Ál-Farabı atyndaǵy Qazaq ulttyq ýnıversıtetinde kemsitýshilikke qarsy kúres kúni qarsańynda AITV-men ómir súretin qazaqstandyqtar Odaǵynyń, IýNEIDS, QDIAǴO qyzmetkerleri stýdenttermen kezdesti. Nátıjelerdiń biri bolashaq jýrnalıster men jarnamashylar úshin 1 jeltoqsan – Halyqaralyq JITS-ke qarsy kúres kúnine oraı, aqparattyq kampanııa tujyrymdamasyn jasaý jóninde konkýrstyń jarııalanýy. Baıqaý qorytyndysy boıynsha úzdik tujyrymdama óz elimizde júzege asyrylady.

Kemsitýshilikke qarsy kúres kúni kemsitýshiliktiń barlyq kózdelgen maqsattaryn júzege asyrý – yntymaqtastyqtyń jahandyq qozǵalysyn qurýǵa yqpal etedi.

Sońǵy jańalyqtar

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Uqsas jańalyqtar