Qazaqstan • 27 Aqpan, 2020

A. Mamın balyq sharýashylyǵy salasyn damytý máselesi jóninde keńes ótkizdi

16 retkórsetildi

Premer-Mınıstr Atyraý oblysyna jumys sapary aıasynda Qazaqstan Respýblıkasynda balyq sharýashylyǵy salasyn damytý máseleleri jóninde keńes ótkizdi. Bul týraly Premer-Mınıstrdiń baspasóz qyzmeti habarlady.

Balyq sharýashylyǵyn damytýdyń jaı-kúıi men perspektıvalary týraly ekologııa, geologııa jáne tabıǵı resýrstar mınıstri M. Myrzaǵalıev pen «Balyq sharýashylyǵy qaýymdastyǵy – BD» ZTB atqarýshy dırektory N. Jumaǵalıuly, óńirlerdegi balyq sharýashylyǵynyń problemalyq máseleleri týraly Atyraý, Shyǵys Qazaqstan, Qyzylorda, Túrkistan oblystarynyń balyq bıznesiniń ókilderi, elimizde balyq sharýashylyǵyn damytý týraly reseılik professor A. Lıtvınenko men Parlament Senatynyń depýtaty S. Eńsegenov baıandady.

Qazaqstannyń balyq jáne balyq ónimderi naryǵynyń jalpy kólemi shamamen 66 myń tonnany quraıdy, onyń 45 myń tonnasy balyq aýlaý kásibine, 7,4 myń tonnasy balyq sharýashylyǵyna tıesili. Sonymen qatar 30 myń tonnasy eksportqa shyǵarylsa, 43,5 myń tonna ónim ımporttalady.

Orta merzimdi perspektıvada otandyq naryq kólemin 120 myń tonnaǵa deıin ulǵaıtý áleýeti bar, bul alabalyq pen Atlant aqserkesin ósýiniń arqasynda ımport kólemin tómendetýge múmkindik beredi, sonymen qosa álemdik naryqtarǵa, atap aıtqanda, Qytaıǵa, Reseıge jáne Eýropaǵa eksport kólemin arttyrady.

Kásipshilik balyq aýlaýmen balyq sharýashylyǵynyń 1 myńnan astam sýbektisi aınalysady, olarǵa 1646 balyq sharýashylyǵy sý aıdyndary men olardyń ýchaskeleri bekitilgen. Atalǵan salada 11 myń adam jumys isteıdi.

Balyq aýlaý negizinen Kaspıı jáne Aral teńizderinde, Balqash jáne Zaısan kólderinde, Buqtyrma, Qapshaǵaı jáne Shardara sý qoımalarynda, Alakól kólder júıesinde, Jaıyq jáne Qıǵash ózenderinde qolǵa alynǵan. Negizgi kásiptik óńirler — Atyraý – 13,1 myń tonna (29,2%), Shyǵys Qazaqstan – 8,2 myń tonna (18,3%), Qyzylorda – 7,4 myń tonna (16,4%), Almaty – 6,6 myń tonna (14,6%), Mańǵystaý – 2,3 myń tonna (5,2%) jáne Túrkistan oblystary – 2 myń tonna (4,5%).

Qazaqstanda balyq sharýashylyǵy qarqyndy damýda — sońǵy 7 jylda ósirilgen balyq kólemi 9 ese 800 tonnadan 7 myń tonnaǵa deıin artty. Elimizde balyq ósirýmen 180 balyq sharýashylyǵy aınalysady, olarda 1 myńnan asa adam jumyspen qamtylǵan. 

Úkimet basshysy elimizde balyq sharýashylyǵyn damytý úshin júıeli sharalary qabyldaý qajettigin atap ótip, bıyl 1 sáýirge qaraı  Balyq sharýashylyǵyn damytý tujyrymdamasynyń jobasyn daıyndaýdy tapsyrdy.

«О́zenderdiń sýy qorǵalatyn aımaqtarynda jumys isteýge balyq sharýashylyqtaryna tyıym salýdy alyp tastaý, sondaı-aq balyq sharýashylyǵy sýbektileriniń sý resýrstaryn paıdalanǵany úshin jasaıtyn tólemderin qysqartyp, tek naqty sý shyǵyndary úshin tólemderdi qaldyrý máselesin qarastyrý qajet. Tólem mólsherlemesin azaıtýdy qosa alǵanda, balyq resýrstaryn paıdalanǵany úshin tólem jasaý tetigin jetildirý kerek», — dedi A. Mamın. 

Premer-Mınıstr balyq ónimderin baqylaý aqparattyq júıesin ázirleýdi jáne engizýdi tapsyrdy.

«Bir aı ishinde Kaspıı teńizinde jáne Jaıyq ózeninde balyq aýlaý merzimderin uzartý, sondaı-aq túngi ýaqytta balyq aýlaýǵa ruqsat etý boıynsha usynystardy ázirleý qajet. Balyq sharýashylyǵy sýbektilerin memlekettik qoldaý sharalaryn arttyrý jáne balyq sharýashylyǵyn ekonomıkanyń basymdyqty salalarynyń qataryna jatqyzý kerek», — dedi A. Mamın.

Úkimet basshysy balyq sharýashylyǵy melıorasııasyn turaqty júrgizý maqsatynda sý túbin tereńdetý tehnıkasyn satyp alý máselesin qarastyrýdy, sondaı-aq balyq ósirý zaýyttary men balyq sharýashylyǵynyń aýmaqtyq ınspeksııalaryn materıaldyq-tehnıkalyq jaraqtandyrýdy qarjylandyrý týraly usynystar ázirleýdi tapsyrdy. 

Jumys sapary aıasynda A. Mamın Atyraý bekire balyq ósirý zaýytyna, «Amangeldi atyndaǵy» JShS, «Caspian Royal Fish» kásiporyndaryna bardy, sondaı-aq balyq sharýashylyǵy salasyndaǵy jetistikter kórmesin aralap kórdi.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar