Qazaqstan • 27 Aqpan, 2020

Májiliste aýdıtorlyq qyzmet zań jobasynyń tanystyrylymy ótti

3 retkórsetildi

Búgin Májiliste Qarjy jáne bıýdjet komıtetiniń otyrysy ótti. Onda Parlament depýtattarynyń bastamasymen «Qazaqstan Respýblıkasynyń keıbir zańnamalyq aktilerine aýdıtorlyq qyzmet máseleleri boıynsha ózgerister men tolyqtyrýlar engizý týraly» Zań jobasy tanystyryldy.

Qujat jobasyn halyqaralyq tájirıbeni eskere otyryp, aýdıtorlyq qyzmetti, memlekettik aýdıt pen qarjylyq baqylaýdy jáne býhgalterlik esepti jetildirý maqsatynda Qazaqstan Respýblıkasy Parlamentiniń depýtattary G. Qaraǵusova, N. Qylyshbaev, O. О́ksikbaev, O. Perepechına jáne T. Iаkovleva ázirledi. Otyrysta aýdıtorlyq qyzmet máselelerine qatysty depýtat Omarhan О́ksikbaev baıandama jasap, aýdıt sapasyn jáne bıýdjet qarajatyn paıdalaný tıimdiligin arttyrý maqsatynda aýdıtorlyq qyzmet, memlekettik aýdıt jáne qarjylyq baqylaý, býhgalterlik esep júıesin odan ári jetildirýdiń negizgi baǵyttary talqylandy.

Jalpy zań jobasynda aýdıtorlyq qyzmetti retteý jónindegi táýelsiz organ qurý, sapaǵa táýelsiz syrtqy baqylaý júrgizý, Qarjy mınıstrliginiń tapsyrmasy boıynsha qarjylyq eseptilik aýdıtin ótkizýge ishki aýdıt qyzmetiniń qatysýy, tıimdilik aýdıtine birkelki kózqarasty qamtamasyz etý, tapsyrys berýshiniń, Memlekettik satyp alýdy uıymdastyrýshynyń, komıssııalardyń, sarapshynyń, Memlekettik satyp alý salasyndaǵy biryńǵaı operatordyń jáne t.b. sheshimderiniń árekettigine (áreketsizdigine) shaǵymdaný tártibin naqtylaý kózdeldi.

Tanystyrylymǵa Májilis depýtattary, Respýblıkalyq bıýdjettiń atqarylýyn baqylaý jónindegi esep komıtetiniń, Qarjy mınıstrliginiń jáne basqa da birqatar memlekettik organdardyń, «Atameken» UKP-nyń, Qazaqstan qarjygerler qaýymdastyǵynyń, kásibı aýdıtorlyq uıymdar men aýdıtorlyq kompanııalardyń, sondaı-aq ózge de múddeli uıymdardyń ókilderi qatysty.

Osy Zań jobasy boıynsha jumys tobynyń jetekshisi bolyp Parlament Májilisiniń depýtaty, Qarjy jáne bıýdjet komıtetiniń hatshysy T. Iаkovleva belgilendi.


Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar