Aımaqtar • 02 Naýryz, 2020

«Dáleldi kardıologııa 2020» VII Respýblıkalyq konferensııasy ótti

49 retkórsetildi

Elordadaǵy University Medical centre ortalyǵynda «Dáleldi kardıologııa 2020» VII Respýblıkalyq konferensııasy ótti. Is-sharaǵa «Qazaqstan kardıologııa qoǵamy» Respýblıkalyq qoǵamdyq birlestigi uıytqy bolyp, SANTO kompanııasy konferensııa seriktesi retinde qoldaý kórsetti.

Konferensııaǵa elorda men aımaqtardaǵy jetekshi klınıkalardyń kardıologtary, endokrınologtar men terapevter, medısına qaýymdastyǵynyń basqa da ókilderi qatysty. SANTO kompanııasy m.ǵ.k., kardıolog-dáriger, Reseı Halyqtar dostastyǵy ýnıversıteti Klınıkalyq-dıagnostıka ortalyǵy Ambýlatorııalyq-emhanalyq ortalyǵynyń dırektory Anna Klımenkonyń ǵylymı forýmǵa kelýin jáne  qatysýyn uıymdastyrdy. Konferensııanyń bas taqyryby shuǵyl kardıologııa máseleleri men júrek-qantamyr aýrýlaryn emdeýdiń zamanaýı algorıtmderine arnaldy.

Júrek-qantamyr aýrýlary búkil álem boıynsha ólim-jitim sebepteri ishinde kóshbasshy orynda tur. DDSU málimetteri boıynsha ǵalamsharymyzdaǵy alty turǵynnyń bireýi ınsýltqa shaldyqsa, júrek-qantamyr aýrýlarynan jyl saıyn 17,5 mıllıonǵa tarta adam kóz jumady. Qazaqstandaǵy jalpy ólim-jitim qurylymynda júrek-qantamyr aýrýlarynyń úlesi 50%-dan asady. Shyndyǵyna kelgende, júrek-qantamyr aýrýlaryna elimizdegi ekonomıkalyq belsendi halyqtyń shamamen 12%-y shaldyqqan.

Konferensııanyń birinshi sımpozıýmyn medısına ǵylymynyń doktory, assosıasııalanǵan professor, «Qazaqstan kardıologııa qoǵamy» RQB tóraıymy, «Ulttyq ǵylymı medısına ortalyǵy» AQ bas ǵylymı qyzmetkeri Sáýle Ábseıitova «Mıokard ınfarktisi 2020» baıandamasymen ashty.

Sáýle Ábseıitova baıandamasynda alańdaýshylyq týdyratyn faktorlardy atap ótti: mıokard ınfarktisi eńbekke jaramdy jas azamattarda jıi baıqalyp otyr. Kardıologııalyq aýrýlarǵa shaldyqqan naýqastardy tıimdi túrde emdeý úshin joǵary mamandandyrylǵan kómek kórsetýdiń algorıtmin saqtap, shuǵyl kómek kórsetý qanshalyqty mańyzdy ekendigi jaıly áńgime qozǵaldy. Sonymen qatar, kardıogendik shok jáne ótkir koronarlyq sındromǵa shaldyqqan naýqastarǵa arnap antıtrombozdyq terapııany tańdaý máseleleri kóterildi. Spıkerler Eýropa kardıologııa qoǵamynyń jańa klınıkalyq usynymdarymen, atap aıtqanda, sýpraventrıkýlıarlyq tahıkardııasy bar, lıpıdtik aınalymy buzylǵan naýqastarǵa em júrgizýdiń algorıtmderimen tanystyrdy.

«Komorbıdtik kúılerdiń ózekti tustary» atty sımpozıýmda júrekshe fıbrıllıasııasy bar naýqastarǵa em júrgizýdiń erekshelikteri jaıly baıandamamen medısına ǵylymynyń doktory, professor Gúlnár Júnisbekova shyqty.

Sondaı-aq qatysýshylar tuqym qýalaıtyn gıpertrofııalyq kardıomıopatııany dıagnostıkalaýǵa arnalǵan zamanaýı tásildemelerdi ortaǵa saldy. О́zekti taqyryp «Dıabet jáne júrek» atty saraptamalyq forýmda qarastyryldy. Tolyqqandy ómir súrýge kedergi keltiretin polımorbıdtilik jáne de bir sátte besten asa dárilik zattardy naýqasqa taǵaıyndaý nátıjesinde terapııany muqııat ustanýǵa kedergi jasaıtyn polıpragmazııa máseleleri qant sýsamyrynyń 2 túrine shaldyqqan naýqastardaǵy basty máselelerdiń biri bolyp tabylady. Osyǵan oraı barynsha yńǵaıly modıfıkasııalanǵan dárilik zattardy qoldaný ózekti bolyp otyr. Sóz oraıynda aıta ketelik, SANTO kompanııasynyń kardıopreparattary da mamandarǵa tanystyryldy.

«Bizdiń kompanııanyń qorjynynda Qazaqstanda óndiriletin jáne de elge ımporttalatyn 13-ten asa kardıopreparat bar. Aýrýdy bastapqy kezeńde jáne ekinshi qaıtara aldyn alý, sondaı-aq, dárigerdiń taǵaıyndaǵan emin ustanýdyń mańyzdylyǵyna halyqtyń nazaryn aýdarýdy bizdiń basy mıssııamyz dep esepteımiz», - dedi SANTO kompanııasy dáriqaǵazben bosatylatyn preparattar bólshek saýdasy jónindegi bólim  dırektory Anna Farlenkova.

Sońǵy jańalyqtar

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Qyran qustyń syny (etnografııalyq paıym)

Rýhanııat • Búgin, 09:35

Sapqa turýǵa ázirmin

Rýhanııat • Búgin, 07:40

Ardagerler ansambli

Rýhanııat • Búgin, 07:38

Keshiremisiń, Jer-Ana?..

Qoǵam • Búgin, 07:36

Uqsas jańalyqtar