Parlament • 03 Naýryz, 2020

D.Nazarbaeva Eýropalyq qaıta qurý jáne damý bankiniń prezıdentimen kezdesti

16 ret kórsetildi

Senat Tóraǵasy Darıǵa Nazarbaeva Eýropalyq Qaıta Qurý jáne Damý Bankiniń prezıdenti Sýma Chakrabartımen kezdesti. Bul týraly Parlament Senatynyń baspasóz qyzmeti habarlady.

Kezdesýge senatorlar Olga Perepechına, Serik Jaqsybekov, elimizdiń qarjy mınıstriniń orynbasary Rýslan Beketaev, EQDB-nyń táýekelderdi basqarý jáne baqylaý jónindegi vıse-prezıdenti Annamarııa Shtraatof, EQDB-nyń Ortalyq Azııa jónindegi basqarýshy dırektory Andre Kýýsvek, EQDB-nyń Qazaqstan Respýblıkasyndaǵy keńsesiniń dırektory Agrıs Preımanıs qatysty.

D.Nazarbaeva quttyqtaý sózinde Eýropalyq Qaıta Qurý jáne Damý Banki elimizdiń mańyzdy áriptesi bolyp tabylatynyn atap ótti jáne Qazaqstanǵa ekonomıkany jańǵyrtý men qazaqstandyqtardyń ál-aýqatyn arttyrýǵa baǵyttalǵan baǵdarlamalardy iske asyrýdaǵy banktiń qarqyndy qoldaýynyń mańyzyn atap ótti.

«27 jyl ishinde bank 237 jobaǵa 9 mlrd dollardan astam qarjy bóldi. Bul zor jetistik. Infraqurylym, densaýlyq saqtaý, jasyl ekonomıka salasynda kóptegen mańyzdy jobalar bolashaqqa josparlanǵan», - dedi D.Nazarbaeva.

EQDB prezıdenti bank ókilderi kelgen elderdiń parlamentterimen ózara tikeleı qarym-qatynastarynyń mańyzdy ekenin atap ótti.

«Maǵan búgin sizdermen kezdesý mańyzdy ári mazmundy boldy. Qazaqstan banktiń aldaǵy 5 jylǵy strategııasy Ortalyq Azııaǵa arnalýy úshin jumys isteıdi degen úmit bar. Atqarylatyn aýqymdy istermen birge kóptegen ótetin tar joldar da bar, olardy joıý kerek» - dep atap ótti S.Chakrabartı.

S.Chakrabartı Qazaqstanǵa eldik bastamany damytý mańyzdy ekenin atap óte kelip: «Meniń oıymsha, Qazaqstandaǵy jobalardy qarjylandyrý jónindegi bizdiń ıdeıalarymyzdy qalyptastyrýǵa Úkimet pen Parlament atsalysýy tıis», - dedi.

D.Nazarbaeva áńgime barysynda jaqynda ótken aýyl sharýashylyǵyn damytý máseleleri boıynsha parlamenttik tyńdaýlar týraly aıtyp, salany basqarý, aýyl sharýashylyǵy ónimderin óndirýshilerdi qarjylandyrý turǵysynda kóptegen olqylyqtar anyqtalǵanyn atap ótti.

«Bizge saraptamalyq qoldaý qajet. Biz aýyl sharýashylyǵy keshenin damytý boıynsha jumys isteıtin arnaıy Keńes qurý týraly sheshim qabyldadyq. Ekonomıkanyń barlyq sektorlary boıynsha zańnamalyq qoldaý, normatıvtik-quqyqtyq turǵyda qandaı olqylyqtar bar ekenin anyqtaý úshin tyńdaýlar ótkiziletin bolady», - dedi Senat basshysy.

Eki jaqty kezdesýden keıin EQDB Prezıdenti jalpy otyrys zalynda Senat depýtattarynyń aldynda sóz sóılep, bank Qazaqstanda iske asyrǵan negizgi jobalar týraly áńgimeledi. Onyń ishinde Qazaqstannyń barlyq aımaqtarynda EQDB keńseleriniń ashylýy, 9,3 mlrd dollar ınvestısııa tartý, jańartylatyn energııa kózderine 3 mln dollar ınvestısııa salý, áıelder kásipkerligine baılanysty jobalar bar. S.Chakrabartı sonymen qatar ekonomıkany ártaraptandyrý, ekonomıkanyń basqa sektorlaryn, bank salasyn qoldaý jáne kómek kórsetý taqyryptaryn qozǵady.

EQDB Prezıdenti sózinen keıin ekonomıkalyq saıasattyń ózekti máseleleri jóninde pikir almasyldy.

Depýtat Sergeı Plotnıkov Sheteldik ınvestorlar keńesin qurý arqasynda Qazaqstan ekonomıkasyna kelip túsken mıllıardtaǵan ınvestısııa taqyrybyn kóterdi jáne memlekettik organdarmen yntymaqtastyqty damytýdyń keleshegi men Qazaqstandaǵy iskerlik ahýaldy jaqsartý sharalary týraly suraq qoıdy.

Senator Dáýren Ádilbekov salynǵan ınvestısııalardyń tıimdiligin baǵalaý taqyrybyn qozǵady jáne EQDB-nyń Qazaqstannyń bank júıesin jetildirý jónindegi usynymdary týraly suraq qoıdy.

S. Chakrabartı suraqtarǵa jaýap bere kelip, EQDB-dyń aldaǵy 5 jyldyq strategııasy bank salasyn ilgeriletetinin atap ótti. «Bank sektory ekonomıkalyq qaıtarymymen baǵyttar boıynsha barynsha nysanaly túrde jumys isteýi tıis. EQDB qazirgi ýaqytta shaǵyn jáne orta bıznes kásiporyndaryn nesıeleýge basa nazar aýdarady», - dep atap ótti ol.

Senator Serik Jaqsybekov óz sózinde EQDB-men birlesip shıkizatty qaıta óńdeý jobasyn qurýdy usyndy.

Darıǵa Nazarbaeva kezdesýdi qorytyndylaı kelip, kásibı túrdegi pikirdiń mańyzdylyǵyn atap ótti jáne táýelsizdik jyldary memleket shaǵyn jáne orta bıznesti qoldaýǵa kúsh salǵanynyna toqtaldy.

«Kóptegen qarjy bólindi, kóptegen jaqsy zańdar qabyldandy, degenmen búginde osy sharalardyń bári salany qarqyndy damytty ári ózderin orta sanatqa jatqyza alatyn adamdardyń sanyn arttyra tústi dep aıtý qıyn. Biz júıeli tásildiń joq ekenine kóz jetkizdik, tek etek alǵan ótkir problemany «sóndirýge» baǵyttalǵan úzdik-úzdik sheshimder ǵana bolyp otyr. Biz bir «órtten» ekinshisine jyljyp kelemiz, biraq bul salanyń problemasyn júıeli túrde sheshe almaı otyrmyz», - dedi ol.

D.Nazarbaeva depýtattar atynan EQDB jobalaryna qoldaý bildire kelip, shaǵyn jáne orta bıznesti damytý máseleleri boıynsha bankpen ózara is-qımyldy jalǵastyrýǵa ázir ekenin jetkizdi.

Sońǵy jańalyqtar

Kishkentaı adam

Kıno • Búgin, 07:28

Ult tarıhyndaǵy uly tulǵa

Pikir • Búgin, 07:18

Qazaqqa qandaı qasıetter qajet?

Abaı • Búgin, 07:15

Aýyl damymaı, memleket damymaıdy

Parlament • Búgin, 07:13

Huawei óndirisi kedergige ushyrady

Álem • Búgin, 07:09

Nıgerııa kóshelerindegi sherý

Álem • Búgin, 07:05

Jol apaty nege kóp?

Qoǵam • Búgin, 07:01

Qatygez bala qaıdan shyǵady?

Qoǵam • Búgin, 06:58

Qashaǵannyń gazyn tutynatyn kez keldi

Ekonomıka • Búgin, 06:56

Kollektorlyq qyzmet kerek pe?

Qarjy • Búgin, 06:53

Joshy ulysy

Tanym • Búgin, 06:43

Ádil tórelik, tıimdi sot júıesi qajet

Prezıdent • Búgin, 06:40

Mıllıoner Mıkelandjelo

О́ner • Búgin, 06:40

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Uqsas jańalyqtar