Prezıdent • 03 Naýryz, 2020

Prezıdent Iаn Szechımen kezdesti

72 ret kórsetildi

Prezıdent Qasym-Jomart Toqaev Qytaı Kompartııasy OK Saıası bıýrosynyń múshesi Iаn Szechımen kezdesti. Bul týraly Aqordanyń baspasóz qyzmeti habarlady.

Iаn Szechı Qasym-Jomart Toqaevqa QHR basshylyǵynyń koronavırýs indetiniń taralýyna qarsy kúres jóninde qabyldaǵan sharalary týraly baıandady.

Memleket basshysy Qytaıdyń indetti aýyzdyqtaý úshin atqaryp jatqan jumystaryn joǵary baǵalap, Qazaqstannyń osy jahandyq deńgeıdegi qaýipke qarsy birlesip kúresýge nıetti ekenin aıtty.

– Osyndaı qıyn sátte Qazaqstan Respýblıkasy Qytaı Halyq Respýblıkasy basshylyǵynyń naqty ári tabandy is-áreketterine jan-jaqty qoldaý bildiredi. Tóraǵa Sı Szınpınniń ózi aıtqandaı, bul qytaı halqynyń sońǵy jyldary bastan keship otyrǵan eń qıyn kezeńi. О́mirdiń ártúrli kezeńderinde kezdesetin osyndaı aýyrtpalyqtarmen birlesip kúresemiz dep oılaımyn. Eki memleket arasyndaǵy strategııalyq seriktestikti damytý jáne nyǵaıtý jolynda alǵa qadam basa beremiz, – dedi Memleket basshysy.

Kezdesý barysynda qazaq-qytaı baılanystaryn nyǵaıtýdyń perspektıvalary, sondaı-aq, eki eldiń halyqaralyq arenadaǵy yqpaldastyǵy talqylandy.

– QHR Tóraǵasy Sı Szınpınniń sálemin jetkizýge ruqsat etińiz. Siz byltyr qyrkúıek aıynda Qytaıǵa alǵash ret memlekettik saparmen bardyńyz. Sol kezde QHR Tóraǵasymen birlesip jan-jaqty strategııalyq seriktestikti odan ári damytý týraly málimdeme jasap, qytaı-qazaq qatynastaryna tyń serpin berdińizder, – dedi Iаn Szechı. 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar