Qazaqstan • 04 Naýryz, 2020

Qazaqstanda qazirgi ýaqytta 40 iri jáne orta jeńil ónerkásip salasy jumys istep tur

23 retkórsetildi

Qazaqstanda qazirgi ýaqytta 1071-den 40 iri jáne orta jeńil ónerkásip salasy ǵana jumys istep tur. Iаǵnı, jeńil ónerkásiptiń tıptik kásiporny - bul tigin nemese aıaq kıim fabrıkasy emes, atele jáne artel. Keıbir salalarda 1 ǵana iri nemese orta kásiporyn bar. Bul týraly Parlament Senatynyń Tóraǵasy Darıǵa Nazarbaeva «Qazaqstannyń jeńil ónerkásibi: qazirgi jaǵdaıy jáne ónimdiligi joǵary bıznesti damytý perspektıvalary» taqyrybyndaǵy parlamenttik tyńdaýda aıtty.

«Biz jeńil ónerkásip ónimderin eksporttaǵannan góri, 17 ese kóp ımporttaımyz. Qazirgi kezde Qazaqstanda jeńil ónerkásipke kóbinese vedomstvolyq memlekettik tapsyrystar arqyly qoldaý jasalyp otyr, solardyń esebinen kásiporyndar jumysyn jalǵastyrýda. Biraq túrli sebepterge baılanysty bul kásiporyndarǵa tehnologııalyq turǵydan damýǵa, assortımentti keńeıtýge múmkindik bermeıdi», deıdi Senat Tóraǵasy.

Onyń aıtýynsha, memlekettik satyp alýǵa alyp-satarlar kóp qatysady. Tapsyrys berýshi tómen baǵaǵa qyzyǵyp, sapasyz ımporttyq taýar alady. Nátıjesinde bıýdjet qarajaty elden shyǵarylyp, basqa elderdiń ekonomıkasyn damytýǵa demeýshi bolady.

«Men básekege túsýdiń qajeti joq, odan da kúsh-jigerimizdi bolashaǵy bar salalarǵa jumsaý kerek degen pikirdi talaı estidim. Shyn mánisinde osylaı ma? Osylaısha birden ulttyq jeńil ónerkásipten bas tartyp, ımportqa, ıaǵnı sheteldik óndirýshilerdiń erkine jyǵyla salǵan oryndy ma? Durys emes ekenine senimdimin. Nege, sebebi: Men báseke tym kúshti, jarysqa túsýdiń esh maǵynasy joq, al kúsh-jigerimizdi anaǵurlym bolashaǵy bar salalarǵa jumsaý kerek degen pikirdi talaı estidim», deıdi N. Nazarbaeva.

Osylaı degen Senat Tóraǵasy jeńil ónerkásip damýyndaǵy birneshe qadamdardy atap ótti.

«Birinshiden. Báseke barlyq naryq pen salalarda artyp keledi. Sondyqtan qol qýsyryp, is-qımylsyz otyrýǵa bolmaıdy. Az bolsa da, qolda bar artyqshylyqtardy paıdalanýymyz kerek. Kórshi Qyrǵyzstan men О́zbekstanǵa qarańyzdarshy, óz ónimderimizge qaraǵanda, bul elderdiń taýarlary bizdiń Qazaqstanda birneshe ese kóp satylady.

Ekinshiden. Qazaqstannyń jeńil ónerkásibiniń ósý áleýeti joǵary, ol tutyný taýarlarynyń naryǵynan turatyn jeńil ónerkásip ónimderi ishki naryǵynyń syıymdylyǵymen aıqyndalady. ... Bul rette bıýdjet qarajaty esebinen satyp alynatyn ónimderdiń úlken naryǵy bar.

Úshinshiden. Sońǵy jyldary kóp aıtylyp júrgen dıversıfıkasııa sózsiz shyndyqqa aınalyp keledi. Qazaqstan úshin óńdeý salalaryn damytý – balamasyz qural. Bul jeńil ónerkásipke de qatysty. Salaǵa qazir belsendi kúsh salmasaq, keıin qýyp jetý qıynǵa soǵady.

Tórtinshiden. Jeńil ónerkásip kóp eńbekti qajet etetin sala. Onyń damýyn osy sektorda ǵana emes, onymen baılanysty basqa salalarda jumyspen qamtýdy arttyrýdyń múmkindigi retinde qaraý qajet. Ásirese, bul áıelder men jastardy jumyspen qamtýǵa qatysty.

Besinshiden. Qazaqstanda otandyq shıkizat bazasyn agrarlyq keshenge, ásirese mal sharýashylyǵyna súıene otyryp, ilgeri damytý úshin jaǵdaı bar. Tek jaıylymdardyń kólemi boıynsha biz álemde 5 oryndamyz. Búgingi kúni jeńil ónerkásip kásiporyndarynyń kópshiligi úlken tapsyrystardy oryndaýǵa daıyn emes, taýarlardyń kóp túrlerin shyǵara almaıdy, maýsym saıyn ónim túrleriniń qataryn jylyna birneshe ret ózgertýge qaýqarsyz», dedi D. Nazarbaeva. 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar