Sport • 04 Naýryz, 2020

Nur-Sultan qalasy mektep oqýshylary arasynda gandboldan Azııa chempıonatyn ótkizý quqyǵyn jeńip aldy

17 retkórsetildi

Alǵash ret elordamyzda 2021 jylǵy 19-24 shilde aralyǵynda mektep oqýshylary arasynda gandboldan Azııa chempıonaty ótedi. Bul týraly elordanyń baspasóz qyzmeti habarlady.

«Nur-Sultan» qalasy ákimdiginiń «Astana Konvenshn Bıýro» JShS Qazaqstan mektep sport federasııasymen birge mektep oqýshylary arasynda gandboldan Azııa chempıonatyn ótkizý quqyǵyna arnalǵan bıddıngke (konkýrs) qatysty. О́tinish Halyqaralyq mektep sport federasııasyna (ISF) jáne Azııa mektep sport federasııasyna (ASSF) jiberildi. Nur-Sultan qalasynan túsken ótinishti qaraý nátıjesinde oń sheshim qabyldandy.

Nur Sultan qalasynda is-shara ótkizý týraly sheshim qabyldaǵan kezde qalalyq týrızmniń damý bolashaǵy, júzege asyrylǵan sátti jobalar men is-sharalar tájirıbesi, turaqty damý, ekonomıka, áleýmettik sala jáne elordanyń ákimshilik júıesi eskerildi.

Bul Azııa mektep sport federasııasynyń qoldaýymen Qazaqstanda uıymdastyrylǵan mektep oqýshylary arasyndaǵy alǵashqy halyqaralyq jarys.

Jarysqa Azııanyń kem degende 10 elinen 200-den astam oqýshy qatysady.

Sondaı-aq, chempıonat aıasynda Atqarýshy komıtettiń otyrysy men Azııa mektep sport federasııasynyń 10-shy forýmy ótedi. Forýmǵa Azııanyń 20 elinen 60-tan astam ulttyq mektep sport federasııasynyń ókilderi qatysady.

Qazaqstandyq mektep sport federasııasy, ózin-ózi qarjylandyratyn úkimettik emes uıym - Halyqaralyq mektep sport federasııasy (ISF) jáne Azııa mektep sport federasııasynyń (ASSF) tolyqqandy múshesi. ISF jáne ASSF aıasynda Búkilálemdik gımnazıadalar, jekpe-jek saıystary, ınklıýzıvtik jáne tanymdyq oıyndar, 40-tan astam sport túrleri boıynsha álem jáne qurlyqtyq mektep chempıonattary ótkiziledi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar