Aımaqtar • 10 Naýryz, 2020

Kópbalaly otbasylarǵa kórsetilgen kómek

302 retkórsetildi

Búginde memlekettiń kópbalaly otbasylarǵa kórsetip otyrǵan kómegi kóp. Osy maqsatta Taraz qalasynda jyl saıyn turǵyndarǵa páterler berilip keledi.

Halyqaralyq áıelder kúni qarsańynda da Taraz qalasynda «Nurly jer» baǵdarlamasy boıynsha salynǵan 80 páterli jańa turǵyn úı paıdalanýǵa berildi. Kóptiń ıgiligine berilgen turǵyn úı 15-shaǵyn aýdanda ornalasqan. Munda turǵyn úımen kópbalaly jáne az qamtylǵan otbasylar, jetim balalar jáne basqa da áleýmettik osal toptaǵy azamattar qamtyldy. Jańa úıde úsh bólmeli 15 páter, eki bólmeli 55 páter jáne bir bólmeli 10 páter bar.

Kóp jyl boıy kezekte turǵan turǵyndarǵa berilgen páter kiltterin tapsyrý saltanatyna Jambyl oblysynyń ákimi Berdibek Saparbaev arnaıy qatysty.

«Turǵyndardyń turǵyn úı máselesin sheshý úshin memleket túrli baǵdarlamalar qabyldady. О́tken jyly Tarazda eki myńǵa jýyq páter berilse, búgin de sol ıgi dástúr óz jalǵasyn tabýda. Bul Halyqaralyq áıelder kúni qarsańynda bizdiń áıelder men kópbalaly analar úshin erekshe syılyq bolyp otyr. Barshańyzdy jańa qonystaryńyzben quttyqtaımyn, myqty densaýlyq, uzaq ómir tileımin», dedi ákim.

Bul – kópbalaly jáne az qamtylǵan otbasylarǵa memleket tarapynan kórsetilip otyrǵan úlken qoldaý. Kóktemniń alǵashqy kúnderinde qonys toıyn toılaǵan kópbalaly analar kórsetilip otyrǵan kómek úshin alǵys aıtty. «Biz 10 jyl boıy páter jaldap, ary-beri kóshýmen boldyq. Endi kópten kútken eki bólmeli páterge qol jetkizip otyrmyz. Qýanyshymdy sózben aıtyp jetkize almaımyn. Bul úshin memleketke alǵys aıtamyn», deıdi Jansaıa Ábdiraıymova. Sondaı-aq, qonys toıyn toılap otyrǵan alty balanyń anasy Ǵalııa Shegeeva da óziniń alǵysyn bildirdi.

Áýlıeata óńirinde bul jarqyn joba ary qaraı jalǵasa beredi. Taraz qalasy ákimdiginiń málimetinshe, «Nurly jer» baǵdarlamasy aıasynda bıyl 29 kópqabatty turǵyn úıdiń qurylysy júrgizilýde. Taǵy 2025 jylǵa deıin jańa turǵyn úı alqabynda barlyǵy 181 kóppáterli jáne 255 jeke turǵyn úı salý josparlanýda. Al, «Baqytty otbasy» baǵdarlamasy aıasynda ótken jyly oblys boıynsha 323 páter berilgen bolatyn. Sonymen qatar, «Qarasý» shaǵynaýdanynda kópbalaly otbasylarǵa arnalǵan 4 kópqabatty áleýmettik jataqhana salyndy. Endi «Araı» shaǵynaýdanynda taǵy sondaı 4 jataqhananyń qurylysy júrgizilýde. Qazirgi ýaqytta turǵyn úı kezeginde shamamen 19 myń adam turǵan bolsa, onyń 2 myńǵa jýyǵy kópbalaly otbasy. Aldaǵy ýaqyttarda kezekte turǵan turǵyndar da baspanamen qamtylatyn bolady.

 

Jambyl oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar