Aımaqtar • 10 Naýryz, 2020

Qaǵbanyń kısýasy - «Halıfa Altaı» meshitinde

347 retkórsetildi

Bul kısýa qasıetti Qaǵbanyń bir bólshegi, Mekkeniń bir bóligi degen sóz.

Búgin «Halıfa Altaı» meshitinde erekshe ýaqıǵa boldy. Qasıetti Mekkeniń 2016 jylǵy kısýasy meshit murajaıyna tabys etildi. Jaǵymdy jańalyqty Shyǵys Qazaqstan oblystyq «Halıfa Altaı» meshitiniń baspasóz qyzmeti súıinshileı jetkizdi.

qaǵba

Saltanatty shara osy meshitte ashylǵan «Islam mádenıeti jáne dástúr» murajaıynda ótti. Sharaǵa «Nur Qazaqstan» qajylyq kompanııasynyń dırektory Amankeldi Erenǵaıypuly, Halıfa Altaı ǵulamanyń uly Abdýrahım Altaı, «Qazaqstan barysy», «Álem barysy» týrnırleriniń jeńimpazy Aıbek Nuǵymarov, óńirdegi aqsaqaldar jáne jastar  qatysty.

meshit

Qurmetti rásimdi ashyp, sóz sóılegen QMDB О́skemen aımaǵynyń bas ımamy Ermek Qasbolatuly: «Búgin Shyǵys jurty úshin asa qýanyshty kún. Meshitimizge barsha musylmannyń kıeli mekeni Qaǵbanyń jamylǵysyn kútip alý rásimine qosh keldińizder. Bul kısýa qasıetti Qaǵbanyń bir bólshegi, Mekkeniń bir bóligi degen sóz. Osynaý kıeli jádiger Abaı men Shákárim týǵan ǵulamalar mekeni shyǵystyń rýhanı murasy bolyp bolashaqqa urpaqqa saqtalady. Osy ıgi iske Amankeldi Erenǵaıypuly bastaǵan qajylar bastamashy boldy. Biz murajaımyzǵa osyndaı kıeli jádigerlerimizdi jınaýdamyz. Kısýa Shyǵysqa bereket ákelsin» dep izgi tilegin bildirdi.

 Bas ımam sonymen qatar óz sózinde osy istiń uıtqysy bolǵan azamattarǵa alǵysyn jetkizip, meshittiń rýhanı ortalyqqa aınalýdaǵy mańyzyna toqtaldy.

 Jıynda «Nur Qazaqstan» qajylyq kompanııasynyń dırektory Amankeldi Erenǵaıypuly Qaǵbanyń 2016 jylǵy kısýasyn saltanatty túrde bas ımamǵa tartý etti. Ol: «Biz Mekkedegi qasıetti Qaǵbanyń kiltin ustaý murageri Shaıbı urpaqtarymen kelissóz júrgize otyryp, «Halıfa Altaı» atamyzdyń meshitine osy qundy jádigerdi tartý etip otyrmyz. Biz olarǵa Halıfa Altaıdyń ıslam dini úshin jasaǵan ushan-teńiz eńbegin aıtyp, tanystyrdyq. Din ǵulamasy Halıfa Altaı atyndaǵy meshit kısýaǵa ıe bolýǵa birden bir laıyq meshit ekendigin jetkizdik. Olar usynysymyzdy qurmetpen qarsy alyp, qoldaryn qoıyp, mór basyp, kýálandyryp, osy jádigerdi Altaı baýraıyndaǵy Halıfa Altaı atamyzdyń meshitine tartý etti» dedi.

 Qasıetti Qaǵbanyń jamylǵysyn meshit jamaǵatymen óńir halqy qoshametpen qarsy alyp, meshit ishinen Qaǵbanyń jupary ańqyp, bir sát aınala ǵajaıyp nurǵa bólendi. Saltanatty sharaǵa jınalǵandar kısýany táý etip, qurmet kórsetip, elimizdiń tynyshtyǵy men dinimizdiń abyroıy úshin duǵa jasady.

Qaǵbanyń kısýasy oblystyq «Halıfa Altaı» meshitiniń «Islam mádenıeti jáne dástúr» murajaıyna qoıyldy.

О́SKEMEN

 

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar