Aımaqtar • 10 Naýryz, 2020

Almaty oblysy: daǵdarysqa qarsy shtab quryldy

27 retkórsetildi

Almaty oblysynda daǵdarysqa qarsy jedel shtabtyń birinshi otyrysy ótti. Jıynda el Úkimetiniń Daǵdarysqa qarsy is-sharalar jospary negizinde atqarylatyn isterdiń negizgi baǵyttary aıqyndaldy.

Shtab jumysyn oblys ákimi Amandyq Batalov basqarady. Jumys tobynyń  quramyna oblys ákiminiń orynbasarlary, oblystyq basqarma, departament basshylary, aýdan, qala ákimderi, «Jetisý» áleýmettik kásipkerlik korporasııasynyń basshylyǵy engizildi. Otyrysta sóz alǵan oblys ákimi osy baǵyttaǵy basty sharalar retinde áleýmettik mańyzy bar azyq-túlik baǵasynyń ósýine jol bermeý úshin Turaqtandyrý qorynyń jumysyn jandandyrý, taýarlar, qyzmetter, tarıfter men kommýnaldyq qyzmetter baǵasyn baqylaý, eńbek naryǵynda turaqtylyqty saqtaý jáne jaǵdaıdy monıtorıngilep otyrý, «Eńbek» baǵdarlamasy boıynsha aýyl turǵyndaryna nesıe berýdi jalǵastyrý, eńbek qatynastaryn qorǵaý maqsatynda orta jáne iri kásiporyndarmen memorandýmdarǵa otyrý, jalaqy qaryzdaryn boldyrmaý kerektigin qatań eskertti.

Sol sııaqty kóktemgi dala jumystaryn ýaqytyly bastaýdy, azyq-túlik qaýipsizdigin, naryqty aýyl sharýashylyǵy ónimderiniń qajetti kólemimen qamtamasyz etýdi de basty nazarda ustaýy kerektigin tapsyrdy. О́z kezeginde «Damý» qorymen birlesip shaǵyn jáne orta bıznes sýbektilerine nesıe berýdi qosymsha qarjylandyrý jaıyn da qarastyrǵan jón. Oblystaǵy iri kásiporyndar óz jaǵdaılarynyń damýyna qatysty boljamdy nusqalar jasaýy tıis. Qazaqstandyq mazmundy ulǵaıtýǵa erekshe kóńil bólinýi kerek.

Sonymen qatar Amandyq Batalov ımıdjdik sharalardy ótkizýge baǵyttalǵan shyǵyndardy jáne bıýdjettiń basymdyq berilmeıtin  shyǵyndaryn qysqartý, kólik, jıhaz satyp alýdy toqtatý qajettigin de aıtty. Oblys aýmaǵynda koronovırýs ınfeksııasynyń týyndaýy men taralýyna jol bermeýdi basty mindet retinde atap ótti.  

- Memleket basshysy eń aldymen halyqtyń aldyndaǵy áleýmettik mindettemelerdiń oryndalýyn qamtamasyz etýdi qatań tapsyrdy. Oǵan bizde qarjy tolyq kólemde qarastyrylǵan. Qajet bolsa, mańyzdy emes shyǵyndardy qysqartý esebinen bul qarjy kólemin arttyra alamyz. Bıylǵy jyly 46 myńnan astam jumys ornyn qurýdy josparlap otyrmyz. Oǵan qosa biz eńbek naryǵynyń qajettiligin zerttep bilip otyrýymyz kerek, jáne soǵan qaraı kadrlardy qaıta oqytyp, jumysqa ornalastyrýǵa tıispiz. Oblysta júzege asyrylyp jatqan iri-iri jobalar bar, solarǵa qajetti mamandyqtardy aıqyndap, azamattardy turaqty jumys oryndarymen qamtýdy belsendi atqarýymyz kerek. Dúrligýdiń qajeti joq, buryn qalaı jumys istesek, dál solaı jumys jasaımyz, tek qoǵamdyq-saıası turaqtylyqty baqylaý, baǵany monıtorıngileý sııaqty mańyzdy  jumystardyń qarqynyn kúsheıtýimiz kerek, - dedi Amandyq Batalov.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar