Aımaqtar • 10 Naýryz, 2020

Azyq -túlik baǵasyn arzandatýdyń joly

71 retkórsetildi

Azyq-túlik baǵasy kún saıyn sharyqtap, halyqtyń narazylyǵyn týdyryp otyr. Memleket basshysy, Parlament jáne Úkimet bul problemaǵa kóńil bólmeı otyrǵan joq. Ár túrli dárejede talqylanyp, is-qımyldyń memlekettik baǵdarlamalary qabyldandy.

Alaıda jergilikti jerlerde másleler túbegeıli sheshimin taýyp, is-sharalar naqty iske aspaı jatyr. Kóńilge qonymdy usynystar úkimettik deńgeıde aıtylsa da, deldaldar men olardyń qoldaýshylary quryp otyrǵan bógetterden ótý múmkin emes. Soǵan qoldanatyn qarsy sharalar da bar. Biraq sony eshkim eskere bermeıdi.

Buǵan bir ǵana mysal aıtaıyn. Buryn bizdiń Soltústik Qazaqstan oblysy eski shekarasynda (burynǵy Kókshetaý oblysynyń 4 – aýdany qosylmaı turyp) 9,5 myń gektarǵa kartop ósiretin. Oblys ortalyǵy turǵyndary úshin qysqa 20-myń tonna kartopty saqtaýǵa salyp, ol Petropavl turǵyndarynyń qajettiligin tolyq qamtamasyz etetin. Al oblystan tysqary aımaqtarǵa 75 myń tonnadaı kartop jóneltiletin. Qazir oblysta 34 myń gektar jerge kartop egiledi. Soǵan qaramaı oblysqa shetten kartop ákelinip, satylady. Bul qalaı?

Munyń sebebi bireý-aq. Barlyq tetik deldaldardyń qolyna berilip qoıǵandyq. Kúzde jınalǵan kartopty deldaldar arzan baǵamen satyp alyp ketip, ózderinde saqtap, bizge ákelip eki-úsh ese qymbat baǵamen satady. Endi bul baǵany aýyzdyqtaýǵa kimniń qaýqary jetedi?

Buryn respýblıkada kókónis-jemis mınıstrligi, al oblystarda onyń birlestikteri jumys istep turdy. Men oblysta osyndaı birlestikti quryp, úsh jyl basqardym. Bul qadam muqtajdyqtan týǵan edi. Osy birlestik ózin ózi tolyq aqtaǵan.

Birlestiktiń qaramaǵynda 6 kartop ósiretin keńshar, kókónis ósiretin 5 sharýashylyq, onyń biri qala túbindegi jylytylǵan kókónis kombınaty, 4 sharýashylyqta 8 gektar kóktemgi teplısalar qala, oblys qajetin qamtıtyn bolatyn.

Qazir memlekettik kásiporyndar qurylmasa da osyndaı jekemenshik kásiporyndardyń qurylýyna nege jaǵdaı týdyrmasqa? Oryn berse, jeńildetilgen nesıe berse – osy ispen aınalysýǵa bel býatyn kásipkerler tabylatyn edi ǵoı. Al bul azyq-túlik baǵasyn aýyzdyqtaýǵa múmkindik bermes pe edi?

Bizdińshe, baǵany turaqtandyrýdy sheshýdiń birden-bir amaly umytylǵan eskini jańǵyrtý deýge bolady. Halyqtyń qamyn qamsyzdandyrý úkimettiń paryzy desek, ár oblys ómirdiń ózi durystyǵyn kórsetken osyndaı tájirıbelerdi qolǵa alýy kerek dep oılaımyn.

 

Bolat SAǴYNDYQOV,

SQO Qurmetti azamaty

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Qyran qustyń syny (etnografııalyq paıym)

Rýhanııat • Búgin, 09:35

Uqsas jańalyqtar