Qazaqstan • 12 Naýryz, 2020

Kaırde tanymal qazaqstandyq jýrnalıst marapattaldy

65 retkórsetildi

Kaırde Halyqaralyq áıelder ekonomıkalyq forýmy (WEF) aıasynda belgili qazaqstandyq jýrnalıst Aqmaral Batalova Sırııadaǵy gýmanıtarlyq daǵdarysty obektıvti túrde kórsetkeni jáne Qazaqstannyń halyqaralyq arenada bitimgershilik rólin tanystyrǵany úshin «Erekshe artyqshylyǵy bar áıel» nomınasııasynda marapatqa ıe boldy. Bul týraly Syrtqy ister mınıstrliginiń baspasóz qyzmeti habarlady.

Jýrnalıst Sırııaǵa áskerı daǵdarys kezinde birneshe ret resmı túrde kelip, «Habar24» arnasyna reportajdar jasady. A.Batalovanyń «Sezar Films» prodıýserlik ortalyǵynyń ujymy Sırııa máselesi, Astana prosesi, sondaı-aq Qazaqstannyń BUU Qaýipsizdik Keńesiniń múshesi retindegi jumysynyń nátıjeleri týraly derekti fılmderdi túsirdi.

Qazirgi ýaqytta soǵys saldarynan zardap shekken Aleppo qalasyndaǵy túsirilgen «Rıabına na rýınah» derekti fılmi Máskeý kınofestıvaline qatysady.
О́tken jyly qazaqstandyq jýrnalıst WinTrade halyqaralyq uıymynyń «Jyl áıeli» syılyǵyna usynylǵan bolatyn jáne Sırııa daǵdarysynyń gýmanıtarlyq problemalaryn aıqyndaýdaǵy obektıvtiligi jáne Astana prosesiniń nátıjelerin pash etýge belsendi kúsh salǵany úshin Reseı Federasııasy Qorǵanys mınıstrliginiń dıplomymen marapattaldy.

Áıelder ekonomıkalyq forýmy - Áıelder lıgasynyń (All Ladies League, ALL) ǵalamdyq jelisiniń bóligi.

Sonymen qatar ol – qaıyrymdylyq kózqarastaǵy barlyq násilder, mádenıetter men dinder ókilderimen yntymaqtastyqty damytatyn eń iri halyqaralyq kommersııalyq emes uıym. ÁEF-tiń negizin qalaýshy doktor Harbın Arora – Dúnıejúzilik áıelder lıgasynyń tóraıymy.
ÁEF jyl saıyn álemniń ártúrli elderinde ótkiziledi. Bıylǵy jyly ol Kaırde Mysyr Úkimeti men Prezıdenti Ábdel Fattah as-Sısıdiń qoldaýymen ótti.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar