Aımaqtar • 13 Naýryz, 2020

«Tuńǵysh Prezıdent jolymen» ekspedısııasy Qaraǵandy oblysynda boldy

53 retkórsetildi

Qazaqstan halqy Assambleıasynyń tyń jobasy – «Tuńǵysh Prezıdent jolymen» ekspedısııasy Qaraǵandy oblysynda boldy.

QHA tóraǵasynyń orynbasary – QHA Hatshylyǵynyń meńgerýshisi Janseıit Túımebaev bastaǵan delegasııa Temirtaý qalasynda Tuńǵysh Prezıdenttiń tarıhı-mádenı ortalyǵynda Nursultan Nazarbaevtyń ómirimen baılanysty erekshe zattar men sýretter jıyntyǵyn jáne Elbasynyń ómirindegi túrli kezeńdi sıpattaıtyn «Táýelsiz Qazaqstan», «О́z zamanynyń uly», «Jeke tulǵa fenomeni», «Qazaqstannyń bolat profıli», «Ýaqyt tolqynynda», «Qazaqstan joly» atty birneshe kórme zaldaryn tamashalady.

Is-sharaǵa Qazaqstan Respýblıkasy Parlamentiniń depýtattary, Tuńǵysh Prezıdenttiń seriktesteri, qoǵam qaıratkerleri, ǵylymı jáne shyǵarmashylyq zııaly qaýym ókilderi, jastar, QHA músheleri, etnomádenı birlestikterdiń jetekshileri qatysty. ​

QHA tóraǵasynyń orynbasary – QHA Hatshylyǵynyń meńgerýshisi Janseıit Túımebaev atalǵan is-sharanyń qazaq jerindegi tatýlyqtyń, turaqtylyq pen birliktiń berik irgetasyna aınalǵan Assambleıanyń 25 jyldyǵy aıasyndaǵy erekshe joba ekenin atap ótti.

1

–Qazaqstan halqy Assambleıasynyń «Tuńǵysh Prezıdent jolymen» halyqtyq ekspedısııasynyń» bala Sultan týǵan ólke – Jetisý, Shamalǵan jerinde bastaý alyp, jigerli jigit Nursultan qurysh quıyp, bolat balqytqan Saryarqa tósinde jalǵasýynda talaı býynǵa ónege bolar úlken tárbıelik mán jatyr. Tuńǵysh Prezıdent jolyn kópke, ásirese, jas urpaqqa tanytýdyń máni zor. О́ıtkeni, Elbasynyń joly – Qazaqstan táýelsizdiginiń jolymen ushtasa órilgen jol. El tarıhynda bolǵan ár sátte, qol jetkizilgen ár jetistikte Elbasynyń sheshimi, yqpaly, qoltańbasy bar. Qaraǵandy, Temirtaý – Nursultan Nazarbaev esimin alǵash tanytqan qalalar. О́zi qatarlas jalyndy jastarmen birge ǵasyrdyń alyp qurylysy – Qazaqstan Magnıtkasyn salýǵa kelgen jigit jastardyń kóshbasshysyna aınaldy. Ol osy ólkede saıası qaıratkerlik jolyn bastap, el basqarýda qoǵamdyq kelisim men jalpyulttyq birliktiń qazaqstandyq modelin jasaǵan biregeı bıikterge kóterildi. Endeshe, Tuńǵysh Prezıdent joly – bir adamnyń júrgen joly ǵana emes, ol – bolashaqqa umtylǵan qoǵamnyń joly. Izdenistiń, eńbekqorlyqtyń, tózimdiliktiń, kúrestiń jáne jeńistiń joly. Elbasy jolyn barshaǵa tanytyp, nasıhattaý Qazaqstandy ozyq elder qataryna aparatyn jas býyndy tárbıeleý úshin kerek. Bul – týǵan jeri, halqy aldyndaǵy perzenttik paryzyn, azamattyq boryshyn óteımin degender úshin baǵa jetpes sabaq, – dedi ol.

Kezdesý barysynda Elbasynyń seriktesteri T.Súleımenov, K.Qyzyrov, N.Vahıtova, G.Prezent, R.Omarbekova qyzyqty estelikterimen, birge oqyǵan kezdegi, birge jumys istegen jyldardaǵy qyzyqty oqıǵalarmen, estelikterimen bólisti.

Temirtaýdan keıin ekspedısııa músheleri Qaraǵandy qalasyndaǵy «Dostyq úıinde» ótken  «Kemeńgerliktiń dara jolyndaǵy Uly tulǵa» atty saltanatty is-sharaǵa qatysty.

2

Bul jerde Qaraǵandy oblysynyń ákimi Jeńis Qasymbek sóz sóılep, atalǵan jobanyń mańyzdylyǵyna, onyń jas urpaq úshin tárbıelik máni zor ekendigine  toqtaldy.

–Bir aı buryn biz Tuńǵysh Prezıdenttiń kishi otany Shamalǵan kentinen estafetany qabyldap alǵan bolatynbyz. Ol eldi mekennen Elbasy kezinde myńdaǵan jas mamandarmen birge Qazaqstan Magnıtkasyn salýǵa kelgen. Elbasynyń kýrstastarymen, dostarymen jáne burynǵy áriptesterimen aralasa júrip ol kisiniń 20 jyl ishinde Temirtaý men Qaraǵandy turǵyndary úshin, bizdiń bútindeı óńirimiz úshin qanshama ıgi ister tyndyrǵanyna kóz jetkize tústik, – dedi ol.

Budan keıin Jeńis Qasymbek «Tuńǵysh Prezıdent joly» ekspedısııasynyń kúndeligi men týyn Almaty qalasy QHA hatshylyǵynyń meńgerýshisi Nazar Balǵymbaevqa saltanatty túrde tabys etti.

Is-sharanyń sońyna taman Qazaqstan halqy Assambleıasy tóraǵasynyń orynbasary Janseıit Túımebaev atalǵan ekspedısııanyń eń tabysty jobalardyń biri ekendigin atap ótti.

–«Tuńǵysh Prezıdent jolymen» aksııasy – táýelsizdik jyldary qurylǵan ortaq qundylyqtar negizinde birligimizdi nyǵaıtatyn dúnıetanymdyq joba. Bul Qazaqstannyń barlyq azamattary úshin azamattyq boryshtyń, Otanǵa jáne halyqqa sheksiz qyzmet etýdiń jarqyn mysaly, – dep oı túıindedi ol.

«Tuńǵysh Prezıdent jolymen» ekspedısııasynyń qorytyndysy 2020 jyldyń 5 shildesinde – Elorda kúni qarsańynda ótetin halyqaralyq konferensııada shyǵarylady.

Eske salar bolsaq, bul aksııa byltyrǵy jyldyń 28 qarashasynda elimizdiń bas qalasynda bastaý alyp, sońynan Almaty oblysynyń Shamalǵan aýylynda jalǵasyn tapqan bolatyn.

Endi ekspedısııa Almatyny betke alady, ol qalada  Elbasy jas saıasatkerden táýelsiz memlekettiń Prezıdentine deıingi eńbek jolymen júrip ótti. Sondaı-aq joba uıymdastyrýshylary men qatysýshylarynyń josparynda Ýkraınanyń Kamenskoe qalasyna (burynǵy Dneprodzerjınsk) sapar shegý de bar.

 

 

Qaraǵandy oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar