Koronavırýs • 14 Naýryz, 2020

Almatydaǵy sporttyq uıymdar jumysyn toqtatty

179 retkórsetildi

Almatydaǵy memlekettik sport uıymdarynda oqytý-jattyǵý prosesi toqtatyldy. Bul týraly qalalyq Sport basqarmasy habarlady.

Almatyda barlyǵy 14 kommýnaldyq sport nysany bar. Onyń ishinde 9-y balalar men jasóspirimderge arnalǵan sport mektebi jumys isteıdi. Sportpen shuǵyldanatyndar 12 myńnan astam adamdy quraıdy. QR Prezıdenti Qasym-Jomart Toqaevtyń tapsyrmasy boıynsha 13 naýryzdan bastap Almaty qalasynyń barlyq memlekettik sporttyq mektepterinde oqý-jattyǵý prosesi toqtatyldy.

Jergilikti jáne respýblıkalyq bıýdjet qarajatynan qarjylandyrylatyn sport kásiporyndaryndaǵy oqý-jattyǵýlary, fızıkalyq-saýyqtyrý qyzmetterin usyný jáne sport salasyndaǵy áleýmettik jobalardy iske asyrýǵa da shekteý qoıyldy.

Jeke sport uıymdaryna sport salasynda kórsetiletin qyzmetterdi ýaqytsha toqtatý jóninde usynymdar berildi. Atap ótetin jáıt, birqatar uıym, sonyń ishinde, qala turǵyndary da bul usynystarǵa túsinistik bildirdi.

Sonymen qatar, barlyq sport túrleri boıynsha qalalyq qurama komandalarynyń músheleri Qazaqstan Respýblıkasynan tys jerlerge shyǵýyna shekteý qoıyldy. Sondaı-aq, megapolıs aýmaǵynda halyqaralyq sporttyq sharalar da toqtatyldy.

Eske salsaq, Dúnıejúzilik densaýlyq saqtaý uıymy (DDSU) koronavırýs pandemııasyn jarııalady.

 

 

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar