Aımaqtar • 14 Naýryz, 2020

Qaraǵandy: indettiń aldyn alý - mindet

278 retkórsetildi

Kúlli álemdi ábigerge salǵan koronavırýs indetiniń taralýyna jol bermeý maqsatynda Qaraǵandy oblysynda birqatar aldyn alý is-sharalary qabyldandy. Mysaly, sonyń biri Ulystyń Uly kúni – Naýryz meıramyn toılaý boıynsha jappaı serýendeýge ruqsat berilmeıtin boldy.

Oblys ákiminiń baspasóz qyzmeti óńirde aýrýdy juqtyrý oqıǵalary  anyqtalmaǵanyn habarlap, turǵyndardy jalǵan aqparattarǵa ermeýge jáne feıkterge senbeýge, tek resmı aqparatqa ǵana nazar aýdarýǵa shaqyrdy.

Jalpy, oblys turǵyndarynyń koronavırýs boıynsha qandaı da bir suraqtary týyndaıtyn bolsa, olar 1406 nómiri boıynsha Call-ortalyǵyna habarlasa alady. Buǵan barlyq jaǵdaı jasalǵan.

Sondaı-aq, búgin Qaraǵandy oblysynyń ákimi aımaq turǵyndaryna Facebook jáne basqa da áleýmettik jeliler arqyly úndeý jarııalady. Onda Jeńis Qasymbek qazirgi tańdaǵy  qalyptasqan jaǵdaıǵa baılanysty Qaraǵandy oblysynda sanıtarlyq tártiptiń kúsheıtilgenin málim etti.

Máselen, adamdar kóp jınalatyn jerlerge erekshe nazar aýdarylatyn bolady. Qoǵamdyq kólik pen saýda ortalyqtaryn baqylaıtyn SES mamandary avtobýstardy dezınfeksııalaý quraldarymen muqııat óńdeýdi qolǵa alǵan. Oblystyń aýrýhanalary men emhanalary joǵary daıarlyq tártibine kóshirilgen.

«Eger múminshilik bolyp jatsa, uıym basshylary qyzmetkerlerin qazirdiń ózinde qashyqtan jumys isteý rejimine kóshirý múmkindigin paıdalansa jaqsy bolar edi. Oblys turǵyndarynan óz densaýlyqtaryna zor jaýapkershilikpen qaraýlaryn jáne dárigerlerdiń barlyq keńesterin múltiksiz oryndaýlaryn suraımyn. Deneniń qyzýy kóterilgen jaǵdaıda jedel járdem shaqyryp, dáriger kelgenge deıin úıden shyqpaý kerek ekenin eske salamyn. Qajet bolǵan jaǵdaıda qosymsha shekteýler engiziletin bolady. Sizderdi ózin-ózi emdeýmen aınalyspaı, dárigerlerdiń kómegine júginýge shaqyramyn», dep jazdy Jeńis Qasymbek.

Sondaı-aq, oblys basshysy úndeýde tekserilmegen aqparattarǵa senbeýge jáne barlyq resmı aqparatpen Densaýlyq saqtaý mınıstrliginiń, DSM taýarlar men qyzmetterdiń sapasyn baqylaý komıtetiniń resmı saıtynda jáne DSM Facebook jáne komıtettiń resmı paraqshalarynda tanysýǵa shaqyrdy.

«Sabyrly bolyńyzdar jáne ózderińizdi saqtańyzdar!» dep aıaqtaǵan oblys basshysy óziniń turǵyndarǵa arnalǵan úndeýin.

 

 

Qaraǵandy oblysy

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar